@@ ابي بطاقة شحن@@

كل عام وانتم بخير

اهدى هاذه المتواضعه الى هذا الصرح الشامخ

واتمنى ان تنال رضائكم

[poet font="Simplified Arabic,4,blue,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
باح العزى فالحب كيف المحبين = وقتٍ تغير يالنشاما نظامه

من يوم ماهبت هبوب الطويلين = وانا تلاعبنى على التيل دامه

وعلى كذا يا(ابو الحيًب ) اسبوعين = واثقل شوى تصيد خشف ونعامه

الوسلام حسين؟ مانيب بحسين = غنج وعذر مع بحتٍ ببأتسامه

ودقت على ثانى بعد حول يومين =قلت اسلمي باشوف غاية مرامه

اسمك ؟ وعمرك ؟واهتمامك؟ ومن وين= من نجد والا ساكنٍ في تهامه

قلت ابشري .. بس انشدك ويش تبغين = قالت تبي تشوف القمر في تمامه

ابي بطاقة شحن بعد اتصالين = ضحكة وأسف ..من بعدها بالسلامه

هاذى شروط الحب في عام الالفين = ادفع تجد من يغدقك باحترامه

مادام سعر المعرفه بس خمسين = بالله كم سعر الشرف والكرامه

اكيد اغلي شى عندك بميتين = والعرض ساري ياحياة الندامه

الى متى تنهان ياداعج العين = وتشحذ فتات الخبز بسم الشهامه

لاتردعك شيمه ولايمنعك دين = مدرى كذا ربوك بابه ومامه

ربى عطاك الملح والحسن والزين =لكن فقد ملحه بفقد احتشامه

مانى بشماتن لوضعك وتدرين = ولا انتى من التفكير جل اهتمامه

حبيت اوضحلك وش الزين والشين = وكرامة الانسان ترفع مقامه

توكلى لاعاد ثاني تدقين = دربك خضر منا ليوم القيامه

شوفى حدٍ غيري ولابد تلقين = خبلٍ توافق معطياتك غرامه

اللى علومه بس حول المزايين = لاواخسارة رزته بالعمامه

العشق في سلم الكرام العفيفين = ستر ومصونه واجتناب الملامه

والسر دايم عهد مابين الاثنين = واليا درى الثالث نكبهم كلامه
[/poet]

توكـلـى لاعــاد ثـانـي تدقـيـن
دربـك خضـر منـا ليـوم القيامـه

شوفـى حـدٍ غيـري ولابـد تلقيـن
خبـلٍ توافـق معطيـاتـك غـرامـه


ايه والله يامحمد مجدي فيها وانا خوك

واقع حقيقي للاسف صورته يامحمد في قصيده ولا اجمل

محبتي

تركي

العشق فـي سلـم الكـرام العفيفيـن
ستـر ومصونـه واجتنـاب الملامـه

والسـر دايـم عهـد مابيـن الاثنيـن
واليـا درى الثالـث نكبهـم كـلامـه

ارحب

صح لسانك يامحمد

والله قصيده فارهه

ولاغرابه طال عمرك.....
تحياتي

الشـــاعر محمد السليس


ارحب ارحب


والله انك جبت الكلاام الصح والواقعي خلهم يعرفون هههههههههه




صح لساانك ياالقرم مليون




جزله لا عدمت راسك وكلام واقعي بيض الله وجهك





تقبل خالص تحياتي لك واحترامي






اخــــــــــــــــوك





الـــــــــــــــــــــراوي

صح الله لساانك يا محمد السليس
هلا هذه الرائعه

صح لسااانك

سجل اعجلبي


اخوك


السنافي

الشاعر/محمد السليس

هلا وغلا وين الناس ياخوي لاعيد لامباركه لا اتصال والله شغله منك

ماتنلام فيك البنيه اثريك قريطي لا حولا ولاقوة الا بالله هههههههههه

صح لسانك وعلا شانك

قصيده رائعه وواقعيه مثل ماقالو الاخوان

لك مني كل الود

ابو بندر

{سهيرالليل}

صح لسانك






عسى الشباب يفهمون النصيحه




الله يهيديهم انشا الله

توكـلـى لاعــاد ثـانـي تدقـيـن
دربـك خضـر منـا ليـوم القيامـه

شوفـى حـدٍ غيـري ولابـد تلقيـن
خبـلٍ توافـق معطيـاتـك غـرامـه

صح لسانك يامحمد
وسلمت يمينك

العشق فـي سلـم الكـرام العفيفيـن
ستـر ومصونـه واجتنـاب الملامـه

والسـر دايـم عهـد مابيـن الاثنيـن
واليـا درى الثالـث نكبهـم كـلامـه

ارحب يابوعلي

صح لسانك

والله قصيده فارهه

ولاغرابه طال عمرك.....


اخووووووك


الناااااااااايف

يا سسسسسسسسسسسسلا م عليك


يا محمد السليس

ما دام سعر المعرفه بس خمسين با لله كم سعر الشرف و الكرامه

قصيده جزله صح للسانك





تقبل تحياتي

السلام عليكم




الاخ محمد السليس


صح والله لسانك


صورت واقع ملموس ومحسوس وللاسف رواده كثير



لاهنت ولاعدمناك ياغالي




دمت بكل الود



اخوك
ابوطارق

[frame="7 80"][align=center]الشاعر / محمد السليس

ياهلا والله وغلا

مادام سعر المعرفـه بـس خمسيـن
بالله كـم سعـر الشـرف والكرامـه


فعلاً قصيده تعالج موضوع اجتماعي


لله درك

صح السانك



صح احساسك



صح ابداعك



سجل اعجابي


واخيرا[/align][/frame]

محمد السليس



صح الله لسانك وعلا شانك

قصيده رائعه وجزله استمتعت بقرائتها

دمت بخير ودام ابداعك

سجل اعجابي ومتابعتي

اخووك

ابوعرب

محمد السليس

صح السانك ولاهنت

قصيده ماتحتاج وافيه من راس وافي

لك تحياتي

مادام سعـر المعرفـه بـس خمسيـن
بالله كـم سعـر الشـرف والكرامـه

اكيـد اغلـي شـى عنـدك بميتـيـن
والعـرض سـاري ياحيـاة الندامـه

الـى متـى تنهـان ياداعـج العـيـن
وتشحذ فتـات الخبـز بسـم الشهامـه

لاتردعـك شيمـه ولايمنعـك ديــن
مـدرى كـذا ربـوك بابـه ومامـه

ربى عطاك الملـح والحسـن والزيـن
لكـن فقـد ملحـه بفقـد احتشـامـه





هذا الكلام يا محمد


الحشمه والحياء فقدت عند البعض من البنات وهي أهم ما يعز البنت ويرفع شأنها

وقضية شحذة بطاقه سواا أصبحت مشهوره جداً ودليل على تدهور القيم في مجتمعنا والله يستر علي الجميع


اما النص فمعبر وهادف وأجدت في تصوير الموقف وفي التسلسل وفي الحبكه وفي القفله
النص جميل بوجه عام ولكن المطلع في رأيي لم توفق فيها كثيراً
[poet font="Simplified Arabic,4,darkred,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]

باح العـزى فالحـب كيـف المحبيـن =وقـتٍ تغـيـر يالنشـامـا نظـامـه
[/poet]
الشطر الأول فيه تساؤل غير مكتمل " باح العزى فالحب كيف المحبين؟؟

والشطر الثاني لم أجد فيه ربط قوي مع الشطر الأول أو أني لم أستوعب قصدك من البيت والخلل من فهمي أنا؟

على كل حال النص جميل وهادف كما أسلفت والقوافي كانت معبره أيضاً وسهله وثريه وأنت أجدت توظيفها لخدمة الفكره


شكرا لهذه الإضافه الجميله للمنتدى

ودام تألقك



اخ وك