جَارتْنا أمْ صَاْلحْ

أتشرف بهذا الانتماء إلى العائلة النداوية الكريمة ، وبه أتمنى أن أقدم ما ترضاه ذائقتكم أنتم علي .
اسمحوا لي أن أتقدم بتلك المصافحة الواقعية مصاحبة التضليل في الأسماء ،و جل ما أتمنى منها أن ترتقي إلى سمو ذائقتكم ، وعظيم شاعريتكم

[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]


يمّه علام الجارة (أم صالح) حزيْنه و وجْهها مشْحـوب؟=مَاْبيّنتْ لكن عقَدْ وجْه الحـزن جفْنـه / وهـو فضّـاح

اعْيونها يمّه تغرْغرْ ورْفضَـتْ دمـعٍ غـدى مسْكـوب=أوْ مالها طوْقه تسوْلف هي مـن أوّل صوتهـا صـدّاح!

كانت مزوح و لاحكَتْ رافق سوالفْهـا جمـال اسْلـوب=كانت مجالسْنا تغطْـرف ببْتسامـات و مـرح وافـراح

هي ضاقت الدنيا عليها ؟ وش بلاها! حالها مقْلـوب؟ !=ماكنّهاالاّودّعَتْ صبْح الفـرح عقْـب الليـال امـلاح !!

يومٍ توفّى (بعْلهـا) قالـت ( ابـي يالله صبـر ايّـوب)=والله جبرْها ونْـزل الخيـر ابْركـة فعْيالهـا مطْـراح

ماقصّرت صرْفت عليهم بالحـلال و رزْقهـم مكْتـوب=مكتوب لو يركض بني آدم سعـي مسْـراح والمـرواح

هو بكْرها(صالح) تلَتْه (الريم) ثم (غادة) عقـب دالـوب=والرابعة هي آخـر العنقـود بنـتٍ اسمهـا (مصبـاح)

يمّه كليت العيش معهم ورْتوَى الخافـقْ بمـا مشـروب=هو كم لعبْنـا ثـم زعلْنـا ليْـن قلنـا للحطـب ياطـاح

هي ذكريات وراس مالٍ للطفولـة وماضـيٍ منْسـوب=والعشْره يمّه ماتهون إلاّ علـى منـه الضميـره شـاح

عارضت صالح في نهار العيد اغيْظه ابْجمـال الثـوب=قال انتي أجمل من فساتينك جميع و مـن عطـر فـوّاح

فستاني الوردي هذاك اللي معه شنْطـه مديـل اجْيـوب=هل تخْبرينه يمّه يومن جيْتـك ابْكـي ابْزعـل وصْيـاح ؟!

لا تغْضبينْ/ قصدي أزاور هالبنات وهن نعَـم مطْلـوب=نلْعب سويّه بالعرايـس بيـن عصْفـورٍ لهـن صـدّاح

اذْكر قبَل عامين كانـت هـي تلَـمْ اجْروحهـا يـادوب=كانت تقول (احيّه من دنيـا / ولافيهـا احَـد مرتـاح)

بس كانت اشْوى من كذه رغْم الوهن تال امْرها مغلوب !=اضْمرْ/ وقول افْخاطري هالحمـدلله سدّهـا هـو بـاح

حالٍ وجدْته هو عليها اليـوم لا مـا سرّنـي ابْنـوب !=فعْيونهـا شفْـت الألـم كنّـه فناظـر عيْنهـا ذرْنـاح

هامن سألْت و قلت ( ياخاله ورا حالك غدى متْعـوب)؟=ضمّتْني يمّه ثم بكَتْ / وتْنهّدت / تهْتف علـي ياصـاح!

يالله ترَد اللي وليْدي هو كما (يوسف) لبـوه (يعْقـوب)=يبْنيّتي (صالح )فقدتـه للابـد هـو مـن يديْنـي راح؟!

هو مات صالح خبّريني بالله يمّـه والعمـر محْسـوب ؟=او عاق فمّه و كيف يطْلب يرتجي من دنْيتـه أربـاح؟!

أو هو ملبّي للجهاد و ثم ذهَب مـع رفْقتـه مصحـوب=إرهابي يمّه هم يسمونـه تـرى فـي شرْعهـم سفّـاح!

مدْمنْ افاْ ليْكـون متْعاطـي أبـر ومْخـدّرات احْبـوب=أو امْتوهّق يمّه يومن هو تحدّث في( قنـاة إصـلاح) !!

/
\
/
\
يمّه ورا جارتنا (أم صالح )حزينه و وجهها مشحـوب ؟=يمّه دخيلـك جاوبينـي والحـزن فعْيونهـا فضّـاح؟!
[/poet]

ارررحبي يا افكار.

...كلمات غاية في الروعه والجمال

...دمتي مبدعه

غريب الروح

يمّه ورا جارتنا (أم صالح )حزينه و وجهها مشحـوب ؟
..........................................يمّه دخيلـك جاوبينـي والحـزن فعْيونهـا فضّـاح؟!

الله الله مشــاء الله عليك صح الســـانـك يابنت

والله شدتني قصة ام صــالـح

بوح رائع من قلم رائع من روائع قائلها

سلـمـت يمـنـــاك ولاعدمـنــاك
,
,,
,,,
,,,,
,,,,,,
,,,,,,,,
,,,,,,,,,,
,,,,,,,,,,,,
,,,,,,,,,,,,,,
,,,,,,,,,,,,,,,,
,,,,,,,,,,,,,,,,,,
,,,,,,,,,,,,,,,,,,,,,,
,,,,,,,,,,,,,,,,,,,,,,,,,
,,,,,,,,,,,,,,,,,,,,,,,,,,,
,,,,,,,,,,,,,,,,,,,,,,,,,,,,,
,,,,,,,,,,,,,,,,,,,,,,,,,,,,,,, ___ تحـيـــاتـي لك
,,,,,,,,,,,,,,,,,,,,,,,,,,,,
,,,,,,,,,,,,,,,,,,,,,,,
,,,,,,,,,,,,,,,,,,,
,,,,,,,,,,,,,,,,
,,,,,,,,,,,,,
,,,,,,,,,,
,,,,,,,
,,,,
,,
,

أخــــــوك/
فــهــد الـذبـيــانـي

افكار الناظم


يا هلافيك على محلك ومحل الجميع


صح السانك ولاهنتي


قصيده رائعه بل قصه مكتمله

تقبلي تحياتي

مرحبا يا افكار الناظم ومسهلا
صح الله السانك ولاهنتِ
عزالله ابدعتي .. لله درك
بانتظار مشاركاتك
موفقه خير
والله يصبر قلب ام صالح

أفكار الناظم


أهلا ً بك في مكان الجمال






كل عام وأنت ِ بخير







أجمل المـُنى

الله يقسم اللي فيه خير




والله يعين ام صالح







وانت ماقصرتي




هذا لقصيد المتعوب عليه



لاتحرمينا من امثال هذي القصيده

ارررحبي يا افكار.

...كلمات غاية في الروعه والجمال

...دمتي مبدعه


الناااااااااايف

شاعرنا الرائع خالد الدوسري
أشكر لك حضورك ، وجميل ماخطته يداك ، لاخلا ولاعدم ..