شيخ لروق اهل الفعول المجايد

قصيده مهداه الى امير قبيلة الروقه عبدالله بن عمر بن ربيعان بمناسبة عيد الاضحى المبارك


انا ليا مني بدعت القصايد ================= ماني بادعها على غير مقصود


ماقصدي ادور وراها فوايد ================== الابمدح اهل الوفاء منبع الجود


في مدح شيخاً لاحدتك الشدايد ================== تلقاه في بيتٍ على العز مشيود



شيخٍ لروق اهل الفعول المجايد================ مذخر محصن مفرحت كل مضهود

تاريخهم بين الرياجيل شايد =================== تاريخهم يشهد وخلق الله اشهود


اشيوخ روق اهل الشيم والعوايد ================= اهل المهار وسيفهم دوم مجرود


خصم العداء ومطوعت كل كايد ================ = عدوهم من فعلهم دوم ملهود


واليوم ابوماجد على الدرب سايد ================ ماشٍ على دربٍ مشى قبله العود


تلقاه في بيتٍ على العز نايد ================== وتلقى الشحم والهيل والثالث لعود


شيخٍ لروق ليا بدى العلم قايد ===================== بينه وبين الطيب ميثاق وعهود


صيته وفعله ياهل الطيب زايد ================== بعض العرب ينقص وابو ماجد يزود


مذخر محصن كان راحت مكايد ================ يردون لن جا العلم حاوي ومردود


ومن لايعد الحق ماهو بفايد ================== في سد وجهي ما يحصل ولافود


وعيدك مبارك يا عسى العيد عايد ================= في كل عام لك يابو ماجد يعود



واختامها مشاعري والقصايد =============== تنصاك يا ماشي على مامشى العود


الشاعر / فهد بن فلاج الذيابي

الاخ الشـــاعر فهد بن فلاااج




ارحب ارحب



وصح لســـانك مليووون



كفو كفو كفو كفو



والي فعله بين ربعه كفو يستاهل المدح

ونعم بك وبربعك يافهد







تقبل خالص تحياتي لك






اخـــــــــــــــــوك






الــــــــــــــــــراوي

ونعم الممدوح ويستاهل حيث هو جديراً بالمديح واهلً له



ونعم المادح ايضاً ولاهنت يابونواف


وتسلم وتحيا وتدوم


تحياتىىىىىى لك

هلا وغلا ابو مخلد


وما لاعليك زود


تحياتي وتقديري

فهد بن فلاج

صح الله لسانك وعلا شانك

قصيده رائعه وجزله

تقبل التحيه

ابوعرب

فهد

يا هلا فيك على محلك ومحل الجميع

صح السانك ولاهنت

قصيده رائعه من رائع

لك تحياتي

الاخ حسن

هلا وغلا يالغالي



شكراً على مرورك الكريم


تحياتي وتقديري