حشرجة/غصه / الــــم /حرقه

[align=center]
]
لقلوبكم ..
.
.
.
.
.
.
.


من أكثر من شهر وآنا اسولف والحكي ما بات
......................من اكثر من شهر وانا تركت الدمــــــع في بيته


من أكثر من شهر وآنا اسولف والحــكي يقتات:
......................من الاوجاع في صدري وانا والله مـــــا اعطيته


وجيت أركض على صدر المسافه وانثر الاهات
......................على نفس الطريق (اللي قبـــــل جرحين مريته)


اجي كنى مباسم والفــرح طفلٍ يتمتم: (هات)
......................من اول مــا لمحتـــه جيت باشــــواقي وضميته


لقاني شخص في صدره ينـــام الشعر و الابيات
......................كثر ما كـان يضحكـني!! قسيت وقمــت بكيته!!


تركني حرفي المتعب بكا واذكر انا اللي (مات)
......................بكيته لين ما اخضرت يباس حروف ....(يا ليته )


حبيبي ليه تبغاني اعيش العمـــر فـي حسرات؟!
......................حبيبي شوف عـين الجرح رمدا ..يوم خليته؟


حبيبي ليمتي ساكت وعشقي مـا يعرف اسكات؟!
......................تكلم!! ...كل عطرك في الرســايل امـــس شميته


تصدق؟!! مرني طيفـــــــك يداعبني وانا اشتات
......................تجاهلته !!..بزعــــم اني ابا جـــــافي و لميته


تخيلتك تسولف لـــــــــي واثاريني بليا شْفات
......................احاول اشرح الشـــوق الذي في الجوف كنيته


سألته عنّــك بصمـــــــــتي الين الوقت كله فات
......................يردد هـ المكان اللي جمعنا .... (كم تمنيته)؟!


اسولف للصور قصــــــــة غيابك وانتثر دمعات
ا......................دق بـــــاب الصبر كلت متون الشوق /ناديته


وتتثواب على جدران عمــــــــري آخر الساعات
......................وانا أسأل هـالزمن وابكي (امانه وين وديته)؟!


جثيت ابعزة اشواقي ولا عندي سوى كلمات:
......................" حبيبي راح يرجع لي؟! " ..تصدقني ؟! ترجيته!!


صرخ في وجــه لهفة انتظاري قالي لي: هيهات
......................تبــــــي يرجع ؟! وليه اصلاً من الاول تناسيته ؟!


يناظر ساعته يضحك تخيــــــلت الاماني جات
......................فتح درج الفراق اللي بصـــــدري يــوم حاكيته


من أكثر من شهر وانته تسولف والحكي ما بات؟!
......................من اكثـر من شهر وانته تركت الدمـع في بيته ؟!


وتو اللحين تسألني بعد ما مات !! من هو مات ؟!!
......................تســـربلت بطـــــرف ثــوبه قسم بالله شديته ؟!


تركني ..



حشرجة/



غصه /



الــــم /



حرقه/



بكا/



ونات!!
تركني شي ما يذكــــــــر ولا ادري ويش سميته؟!


انا /والدمع/ واشواقـــي على صدر الشعر اموات
......................ولاباقــــي من احساسي ســـوى شاعر/ وانا بيته [/align]


















مع تحيات المريسي

تركني ..



حشرجة/



غصه /



الــــم /



حرقه/



بكا/



ونات!!
تركني شي ما يذكــــــــر ولا ادري ويش سميته؟!

قصيدة كلها ذوق
صح لسانك ملايين يامبدع البحرين

لاهنت

السلام عليكم ورحمة الله وبركاته

صح الله لسانك اخوي اياد على هالجميله

بسيطة ..جميله ..تحمل بداخل كماً هائلاً من المترادفات التى تجتاحها بعض المعاناه

ولاشك انها المعاناة بسيطة جدا عندما تقف امام اياد المريسي .

صح الله لسانك ترليون ..ولاهنت

اخوك براك