سـارق شعــر يقــر ويعتـرف

[poet font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]


ماني أول مذنب الدنيا تغطيها الذنوب = ولاني آخر سارق بدنيا الظما والمسغبة
إيه أنا سارق شعر ولا نويت إني أتوب = ودي أروى دامني ظامي من الشعر أعذبه
ودي اشري من فقيرٍ فرّ من نفسه هروب = شاعر حظه ردي مايوم حصل مطلبه
ماقدرت اشريه مثل الناس لجل اني مغلوب = حالي افقر من فقير ولا معي ما أكسبه
حيلة المضطر لامنه تحدته الكروب = ولا وجد غير ارتكاب الصعب لازم يركبه
من يقول انه ورث شعره من اسلافه كذوب = الشعر ساعة تجلي والمواجع تكتبه
وادري ان البعض ضاقت به فسيحات الدروب = مايبي قول الصراحه والصراحه تتعبه
إيه اقر واعترف من يقترف ذنب وعيوب = يكتبه ذنبه ويظهر لو يحاول يشطبه
استرقته من عيون الغيد والنظرة تنوب = عن تفاصيل المشاعر سرها ماتحجبه
من صهيل الخيل والتاريخ يوصف لي الحروب = والبطل ماغادر البتار صهوة منكبه
من تعابير الوجيه اللي يلونها الشحوب = واجمه من خوف يتم وجوع ذل ومتربة
من شعور الحزن يوم الشمس مالت للغروب= يوم ودعت بغياب الشمس يومٍ ما ا صعبه
من خضار التين والزيتون في أرض الجنوب = من عبير الورد والريحان والزهر أكتبه
لاسجع طيرٌ وغنى وانتشى الدوح الطروب = وقامت غصونه تمايل شوق مما يطربه
ماتلاقيني هناك ولا هنا قلبي يذوب = يغرق بدنيا الهوى واسقيه عشقي واشربه
خل هالعالم يقولوا عني اسرف بالذنوب = دامني شاعر وقلبي يحكمه من يسلبه
[/poet]

يا سلالالالالالالالالالالالالام عليك يا علي

صح والله لساااااااااااااااااااااااااااااانك

انتقائية جميلة وتفنن جميل في القافية والفكرة والصور



دمت بجمال وابداع


لك تحياتي

استرقته من عيـون الغيـد والنظـرة تنـوب && عـن تفاصيـل المشاعـر سرهـا ماتحجبـه
من صهيل الخيل والتاريخ يوصف لي الحروب && والبطـل ماغـادر البتـار صهـوة منكـبـه
من تعابير الوجيـه اللـي يلونهـا الشحـوب && واجمه من خـوف يتـم وجـوع ذل ومتربـة
من شعور الحزن يوم الشمس مالت للغـروب && يوم ودعت بغياب الشمس يـومٍ مـا ا صعبـه
من خضار التين والزيتون في أرض الجنـوب && من عبير الـورد والريحـان والزهـر أكتبـه


[frame="1 80"]
اخوي على

صح الله لسانك


نص راقي جدا وجميل من شاعر متمكن


تقبل التحيه والتقدير


اخوك

ابو نايف[/frame]