مثـــــــايل ...

[align=center]مرحبا بالجميع

لن أطيل فالمعنى بها

والمضمون عسى الله ينفع به السامعين

ولعلها تجد القبول والاستجابه [/align]




طاب فكري فـي مثايـل وأشتهيـت أعدهـا=والزهور ليـا تمـدد ساقهـا فـاح العبيـر

والمكارم منـوة الإنسـان يوصـل حدهـا=ومثل ما قالو ترى كلٍ على نفسه بصيـر

نفسـك أفطـن لا تسايرهـا وتتبـع ودهـا=ومن يساير نفسه أصبح تحت لذاتـه أسيـر

وهمتك لا ترتخـي وليـا تراخـت شدهـا=ما يصل للغايه إلا من عـزم علـى المسيـر

ودايـم أنظـر للمعالـي والطويلـه عدهـا=وهمة الرجال كنز , وشوفه لعزمـه يشيـر

وأنظر لماطـى قدمـك ليـا نويـت تمدهـا=ومن نظر للعاقبه ما يجنـي إلا كـل خيـر

وخل نفسك تحمل اسمك , وأنتبه من ضدهـا=ومن علا لجل الأسامي صار في نفسه صغير

وأصعد بنفسك إلين تصيـر بأعلـى سدهـا=ما يكون أمير من ما صار في نفسـه أميـر

وأحذر ليا جاتك الفرصـه بطيـش تصدهـا=والفرص ما تنتظر وإن ما غنمت (إ)بها تطير

والمصايـب لا تهمـك للـرخـا مـردهـا=وكل ما طالت تحرى للفـرج منهـا بشيـر

وأعـرف إن المشكلـه وإن باغتتـك بقدهـا=الزمن عدوها يهـوي بهـا فـي قـاع بيـر

وللهموم إفطن تـرى ملعـون سابـع جدهـا=لا قوت شخـص تدكـه بغتـه بليـا نذيـر

وأستقـل برايـك وكلمتـك دايــم بـدهـا=أطرد التقليد وأعرف إنك أنت إنسـان غيـر

والتقاليـد أنتبـه تعمـد وتـنـوي هـدهـا=وكل شخص لعرف ربعه ينحكم لو باليسيـر

وأترك الدنيـا وراك ولا يغيضـك صدهـا=واردى من شافته في طردها يزفـر زفيـر

ولا تغرك لو تجـي يمـك تصعـر خدهـا=خلهـا سلـم نجـاة ليـوم شـره مستطيـر

ذي مثايـل قلتهـا يـوم إشتهيـت أعـدهـا=ويا فهـد لعلهـا تلقـى فـؤادٍ مستنيـر

عل من يسمع بهـا يوعـى بحـزت ردهـا=وعل ربي يغفر ذنوبي ليـا حـان المصيـر

ويالله إنـك تغفـر لنفـس قصدتـك بكدهـا=وما طلبت إلا رضاك أقولها بقلب وضميـر


doPoem(0)

أخوي الشاعر بدر العوفي


الحقيقة قصيدة طيبة وجزلة من راس جزل
أستمتعت بقرائتها


صح الله لسانك يامبدع


ولاهنت


تحياتي وودي

أخي الكريم فايز الثبيتي


ألف هلابك ومرحبا


أشكرك على مرورك الكريم


وكل عام وأنت بخير

أخي الكريم مناور


حياك الله


وشاكر لك مرورك أخوي


لك كل التحية والتقدير


وشهادتك أعتز فيها


الله يديمك يا مناور ودمت بأطيب حال