مساجله شعريه مع الشاعر معتز

السلام عليكم يا اخوان......هذي القصيده موجهه الى الشاعر معتز

من غير اقصورٍ في باقي الاعضا....


معتز يا معتز يا ذرب الايمان

----------- ياعزوتي من بين برقا وروقا

الصاحب الي خوته ترفع الشان

-------------كريم سبلا للمراجل سبوقا

شاعر وماهر عارف بكل الألحان

-----------يعقد ويفتل مبهمات الطروقا

اشكي عليك الحب والحب سلطان

----------حبه ملكني واشعل القلب شوقا

ابو جديلٍ لانتثر فوق الامتان

---------وسميتن فيها المطر والبروقا

الخد الايمن به زبادي ورمان

----------والخد الايسر به شعاع الشروقا

وفي مبسمه مصفوف لولو ومرجان

-------------ياحظ من ذاق العسل منه ذوقا

ماقلتها يا الذيب داله وطربان

-------------مار المحبه باقت القلب بوقا

تكفى يا بو منذر ترا الحال تعبان

----------الحق قبل دمي يقف با العروقا



وسلامتكم

حلو يابو سلطان يعطيك العافيه وقصيده جميله ولها بصمتها الخاصه وتقبل اعجابي بالقصيده وخالص تحياتي



اخوك/عبدالله

مشكور يابو سلطان


على ها لقصيده



الرائعه


والله يقدرنا على الرد اللي يليق


بمقام ها لقصيده


والرد قريب انشاء الله


اخوك: معـتــــز