أصـحـاب الـجــلاله .. !!

[align=center]






بسم الله و الصلاة و السلام على رسول الله





ما عليكم زود جميعاً

و أن فرقتنا الاعراق و المناسب

يجمعنا دين الأسلام

ثم

الاخلاق و الرجوله ..

اللتي لا تختلف من قبيله الى أخرى



[poet font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
يالله عليك الستر في كل الاحوال=يا ذو الجلال .. اللي تبارك جلاله
بأسمك لنا مبدا .. و مبنا .. و مدخال=و أثبات حق .. و رد كيد .. و مقاله
للشعر فتل و نقض .. و أسلوب .. و أقفال=و أتقان .. و أسترسال فكره .. و حاله
ما دونه الا الموت .. و جباله جبال=و القافيه و الوزن .. ماهي جباله
القافيه و الوزن ذي .. لعبة أطفال=سلّم .. و يطلع كل فاشل خلاله
و الشعر انا عمه و شيخه .. و اذا قال=لبيك .. طعته كني أصغر عياله
أقول فيه أشياء .. ماهيب تنقال=و أنال منه أحيان .. و أحيان أناله
لا ورث جد .. و لا عطية ولد خال=و لا دعوة أم .. و لا تباشير خاله
لا و الله الا مرّ .. و أنساق فنجال=محد ٍ شربه .. و صار هو لي و انا له
فأما كتبت و قيل .. ( ما ينعطى بال )=و الا كتبت و قيل .. ( رمز الجزاله )
جعل الله يبارك بعبده .. و ما شال=و يغنيه عن ترك الحرام .. بحلاله
يوم القصيد اليوم .. و الوادي أن سال=قام يتصافق فيه .. جاله و جاله
يا ليتها بالفعل .. و أنطح لي ارجال=مير البلا .. قدام عيني حثاله
مراهقين .. صغار .. مجموعة عيال=عصبة ضحايا المجتمع .. و البطاله
من حكمة الله .. فيهم الشخص يختال=منحل فكر .. و يفتخر بأنحلاله
مثل البهايم .. لا عقيده و لا أشكال=جاهل يروح .. و جاك جاهل بداله
عز الله ان يبطون .. ذره و مثقال=ما يلحقون مطير .. عرق و سلاله
من عادة ذياب الصحاري و الادغال=يوم اللقاء ما تلتفت للثعاله
هذا و انا لا قلت ( حنا ) .. لنا مال=غصن الزمان .. و زاد رقعة ظلاله
حنا لنا التاريخ .. و كبار الأفعال=حنا طريق الطيب.. حنا مجاله
حنا سرايا الموت .. و جموع الأبطال=روس الرجال .. أهل الظفر و الشكاله
فينا و عنا .. يُكتب المدح و يقال=و المجد .. حنا قمته و اكتماله
فالحرب حنا .. خير مضرب للامثال=و فالسلم حنا .. خير من ينسعى له
عز الرفيق .. و ستر منسوفة الشال=و أخوان ضيق .. و ما ندور جماله
بيض الوجيه .. الغيم .. سمحين الأقبال=الشامخين .. مطورين الأصاله
لمطير كان المجد شاهد .. و لا زال=يوم النهار غبار .. و الحرب أزاله
زلنا الدول .. و عروش أهلها .. و الأجيال=بمصادم الجمعين .. ماهي سهاله
فأن عذربونا .. ما على الشمس غربال=للمستحيل .. الله جعلنا أستحاله
و ان كان طيب الراس .. من طبع الأنذال=يا ليت بعض الروس فيها .. نذاله !!
تبقى الكلاب كلاب .. في كل الاحوال=و يبقى الأمير أمير .. صاحب جلاله
[/poet]




تلميذكم الصغير

عبدالله ذويبان[/align]

الله اله يا عبدالله



كفووووو كفوووو ونعم بك وبربعك



ابطيت علينا يا عبدالله بس كانت الجيه قوووويه



صح الله لسانك ملاااين



شاعر جزل ورائع في كل احوالك





تقبل خالص التحيه والتقدير

الاخ العزيز الشاعر / عبدالله الذويبان
تحيه طيبه واسعد الله صباحك
كفو والله يا عبدالله من غير
قصور في القبائل كلها

تحياتي

ابراهيم الشمراني


الله يسلم لي راسك يا غالي

ترحيبك دليل على طيبك و طيب اخلاقك

تسلم

ونعم بمطير قبيلة سجل لها التاريخ ما يبيض وجهها
ومن يقول او يبي يقدح ظالم حظه




عبد الله علامك أول مرة أشوفك معصب




يابعد راسي دع القول دامك سليل المجد والتلد




صح لسانك مدد




ومطير يلوق بها المدح وتلوق له





اخوك الصغير

السلام عليكم ...



يا اخي تغط تغط وتجي



يا مرحبا والله واعز من جا



صح لسانك وكفووو


مراهقين .. صغـار .. مجموعـة عيـال
عصبة ضحايـا المجتمـع .. و البطالـه


اعجبني هالبيت


صح لسانك يا ابو فلاح



فهد

ان كان طيب الراس .. من طبع الأنذال
يا ليت بعض الـروس فيهـا .. نذالـه !!

ان كان طيب الراس .. من طبع الأنذال
يا ليت بعض الـروس فيهـا .. نذالـه !!

ابو فلاح يسعد مساك اول شي

ولا تغيب علينا


وانشهدانك الوجه الحقيقي للشعر

تحياتي

تركي

الرائع عبدالله ذويبان

الله اله يا عبدالله



كفووووو كفوووو ونعم بك وبربعك



ابطيت علينا يا عبدالله



صح الله لسانك ملاااين



شاعر جزل ورائع في كل احوالك

سعد السبيعي


ما عليك زود يا غالي


و اسعد الله مساك و صباحك على هالمرور اللي اسعدني


شكراً

كفووووووووووو يامطير

تقول ... وتفعل

وقبيلة مطير من روس العرب..
ويستاهلون ربعك ماقلت .. قول على برهان

تحياتي طال عمرك

الاخ العزيـــز




عبد الله بن ذويبان




كفووووووووووووووووووووووو والله ياعبد الله ونعم الى مالا نهايـــــــة




صح لسانك على القصيدة الجزلـــــة





ولاهنت



تقبل خالص الاحترام والتقدير ......!!

اخي الشاعر عبدالله ذويبان




عـز الله ان يبـطـون .. ذره و مثـقـال
ما يلحقـون مطيـر .. عـرق و سلالـه
من عـادة ذيـاب الصحـاري و الادغـال
يـوم اللـقـاء مــا تلتـفـت للثعـالـه


كفو


ياسلام عليك

روعه لايختلف عليها احد
وتمكن نادر من شاعر يعرف من اين تؤكل الكتف
انا سعيد بتواصلك العذب

لك مني اعجابي ونقديري





اخوك خالد

والله ومليون في مليون نعم يا خوالي حمران النواظر



ابو فلاح

لله درك

صح لسااااااااااااااااانك


صح لسااااااااااااااانك


لاهنت وجعل يمينك ماتعطب

خالد الذيابي


مرحبا يا ابو حميد


حضورك و تعليقك يزيدني ..


الله يزيدك من فضله

شكراً يا غالي

فأن عذربونا .. ما على الشمـس غربـال
للمستحـيـل .. الله جعلـنـا أستحـالـه


ياسلام



رائع يابو فلاح


صح لسانك ولاهنت