Tweet
هذه قصيده استغاثه بالله سبحانه وتعالى
من اجل تاخر المطر نسال الله ان يرحمنا
ويغيثنا برحمته ويرحم عباده وبلاعده.
وتطرقت الى مواضيع عده سوف ترونها
[poet font="Tahoma,4,darkblue,normal,normal" bkcolor="transparent" bkimage="backgrounds/5.gif" border="ridge,4,indigo" type=2 line=200% align=center use=ex length=0 char="" num="0,black" filter=""]
يالله يامعبود يامنش السحايب=منشي السحب المطيره من بحرها
تنشي السحب وتسوقه بالهبايب=وان نشت تعلم وتدري عن مطرها
إرحم إديارٍ غدت شهبٍ جدايب=شح ماها واجدبت وايبس شجرها
وإرحم اعبادك لأجل طفلٍ وشايب=ولأجل شيخٍ لحيته ماقد قصرها
والا من شأن البهايم والدوايب=قبل لاتلعن عبادك من قهرها
سوق سحب الخير ياجزل الوهايب=فوق الارض اللي يناجونك بشرها
شهر ماترفع عن الارض الذوايب=كل عصر وكل ليل اليا سحرها
لين تروى الارض وتسيل الشعايب=والكاضامه سيلها ياصل حجرها{1}
والسّد اللي له حدود وله نسايب=خله مثل النيل يجري او نهرها
والبيار اللي شحيحات ونضايب=تمتلي والزايد السكه حدرها
والمزارع تُزرع اخضار وحبايب=دخن زايد قمح والصعوه سبرها{2}
والفواكه تهدى لأحباب وصحايب=مانبي مكسب نبي نكسب اجرها
وإكس الارض المجدبه زهر وعشايب=والغصون اليابسه فتّح ثمرها
حتى راع النوق حلوات الحلايب=ينبسط والنفس يتجلا كدرها
لامشى معها من الهم صار طايب=فطرةٍ يارب ماغيرك فطرها
خمس ميه خلفه وميه جنايب=في فيافي نجد تشبع من زهرها
وجيب شاصٍ من جديدات الركايب=فوقه الكنود وعزبه مع نجرها
يمكن ان البعض يستغرب غرايب=كيف شاوي يعشق البل؟لو طمرها
إيه انا شاوي ولافيها عجايب{3}=اعشق البل والغنم فرشي شعرها
وان لفا ضيفي ذبحت ام العصايب{4}=كبش والا حايلٍ ظافي ظهرها{5}
واسرح إبها في الجبال اللي صعايب=والسفوح ارعابها صبح وعصرها
واحتميها انا بمنقوش الخشايب=بندقٍ بحزامها عادد صفرها
نيمسيٍ في اللقا تقض الطلايب=كم تحدينا قبل يظهر خطرها
في ديار أجناب وديار القرايب=نقنص ونرعها سهلها مع وعرها
قبل لانصبح في الديره حرايب=كل واحد نفسه ابليسه حشرها
نمسي ونصبح في جدال ونشايب=والمحاكم والشرط نزعج خفرها
وان دعينا ناس زادوها شبايب=همهم شوف الذبيحه في قدرها
وان تعشو فالمعزب قيل صايب=والخطا والمشكله يشكر؟سترها
والخصم عدوه مخطي بل وخايب=والسبب فقير وانا بأختصرها
كيف نرزق والبَعَض عاش بغلايب=والمجالس مايقلط في صدرها
غرنا الشيطان ***** الصلايب=فالحياه ولا اتعضنا من عبرها
ما اتعضنا حتى من رز النصايب=والفتن نعوذ بالله من قشرها
من حروب ومن كوارث مع مصايب=دنيا سودا حالكه غيّب قمرها
فيها راع الدين كالقابض لهايب=حافظٍ دينه مثل قابض جمرها
والختام ان كان انا ظلمت غايب=اطلبك يارب في الزله تغفرها
طالبك يارب يامنش السحايب=مجري السفن العجيبه في بحرها
[/poet]
وسلامتكم جميعاً
{1}الكضامه وادي في منطقتنا وضعنا فيه حد لاكبر سيل اتى من قبل اعوام وهو حجر في طرف الوادي كعلامه
{2}الصعوه طيور تأتي عندما تُزرع المزارع وهي من آفات المحاصيل الزراعيه خصوص الحبوب
{3}الشاوي هو راعي الغنم الذي يشد وينزل ولاله صله بالابل
{4}العصايب هو الشحم الذي يكون بداخل الذبيحه ويسمى مفرده عصب
{5}الحايل هي الشاه او الناقه او العنز التي لاتلقح
{سهيرالليل}
من اجل تاخر المطر نسال الله ان يرحمنا
ويغيثنا برحمته ويرحم عباده وبلاعده.
وتطرقت الى مواضيع عده سوف ترونها
[poet font="Tahoma,4,darkblue,normal,normal" bkcolor="transparent" bkimage="backgrounds/5.gif" border="ridge,4,indigo" type=2 line=200% align=center use=ex length=0 char="" num="0,black" filter=""]
يالله يامعبود يامنش السحايب=منشي السحب المطيره من بحرها
تنشي السحب وتسوقه بالهبايب=وان نشت تعلم وتدري عن مطرها
إرحم إديارٍ غدت شهبٍ جدايب=شح ماها واجدبت وايبس شجرها
وإرحم اعبادك لأجل طفلٍ وشايب=ولأجل شيخٍ لحيته ماقد قصرها
والا من شأن البهايم والدوايب=قبل لاتلعن عبادك من قهرها
سوق سحب الخير ياجزل الوهايب=فوق الارض اللي يناجونك بشرها
شهر ماترفع عن الارض الذوايب=كل عصر وكل ليل اليا سحرها
لين تروى الارض وتسيل الشعايب=والكاضامه سيلها ياصل حجرها{1}
والسّد اللي له حدود وله نسايب=خله مثل النيل يجري او نهرها
والبيار اللي شحيحات ونضايب=تمتلي والزايد السكه حدرها
والمزارع تُزرع اخضار وحبايب=دخن زايد قمح والصعوه سبرها{2}
والفواكه تهدى لأحباب وصحايب=مانبي مكسب نبي نكسب اجرها
وإكس الارض المجدبه زهر وعشايب=والغصون اليابسه فتّح ثمرها
حتى راع النوق حلوات الحلايب=ينبسط والنفس يتجلا كدرها
لامشى معها من الهم صار طايب=فطرةٍ يارب ماغيرك فطرها
خمس ميه خلفه وميه جنايب=في فيافي نجد تشبع من زهرها
وجيب شاصٍ من جديدات الركايب=فوقه الكنود وعزبه مع نجرها
يمكن ان البعض يستغرب غرايب=كيف شاوي يعشق البل؟لو طمرها
إيه انا شاوي ولافيها عجايب{3}=اعشق البل والغنم فرشي شعرها
وان لفا ضيفي ذبحت ام العصايب{4}=كبش والا حايلٍ ظافي ظهرها{5}
واسرح إبها في الجبال اللي صعايب=والسفوح ارعابها صبح وعصرها
واحتميها انا بمنقوش الخشايب=بندقٍ بحزامها عادد صفرها
نيمسيٍ في اللقا تقض الطلايب=كم تحدينا قبل يظهر خطرها
في ديار أجناب وديار القرايب=نقنص ونرعها سهلها مع وعرها
قبل لانصبح في الديره حرايب=كل واحد نفسه ابليسه حشرها
نمسي ونصبح في جدال ونشايب=والمحاكم والشرط نزعج خفرها
وان دعينا ناس زادوها شبايب=همهم شوف الذبيحه في قدرها
وان تعشو فالمعزب قيل صايب=والخطا والمشكله يشكر؟سترها
والخصم عدوه مخطي بل وخايب=والسبب فقير وانا بأختصرها
كيف نرزق والبَعَض عاش بغلايب=والمجالس مايقلط في صدرها
غرنا الشيطان ***** الصلايب=فالحياه ولا اتعضنا من عبرها
ما اتعضنا حتى من رز النصايب=والفتن نعوذ بالله من قشرها
من حروب ومن كوارث مع مصايب=دنيا سودا حالكه غيّب قمرها
فيها راع الدين كالقابض لهايب=حافظٍ دينه مثل قابض جمرها
والختام ان كان انا ظلمت غايب=اطلبك يارب في الزله تغفرها
طالبك يارب يامنش السحايب=مجري السفن العجيبه في بحرها
[/poet]
وسلامتكم جميعاً
{1}الكضامه وادي في منطقتنا وضعنا فيه حد لاكبر سيل اتى من قبل اعوام وهو حجر في طرف الوادي كعلامه
{2}الصعوه طيور تأتي عندما تُزرع المزارع وهي من آفات المحاصيل الزراعيه خصوص الحبوب
{3}الشاوي هو راعي الغنم الذي يشد وينزل ولاله صله بالابل
{4}العصايب هو الشحم الذي يكون بداخل الذبيحه ويسمى مفرده عصب
{5}الحايل هي الشاه او الناقه او العنز التي لاتلقح
{سهيرالليل}
[/align]
تعليق