ذبل ورد الغرام

[poet font="Simplified Arabic,5,purple,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
ذبل ورد الغرام ابلا احترازي = وبان اللي تخبّى من ركيزه
شراه اللي يظنّه فيه فازي= ولا يدري بشوكه او نشيزه
فلا هو من تعلّم بالمغازي = ولو جرحه تكلّم عن ازيزه
ولا هو عارفٍ وين المجازي = مثل من تاه واخطى في لزيزه
مابين الشرق وجبال الحجازي= ابي يصحى ولو لحظه وجيزه
ولكن طال نومه بارتكازي = تشوفه تحسبه صاحي قزيزه
انا وياه مثل الخاز بازي = اقلب فيه مدري وش يعيزه
تباعدنا ودربه بانحيازي = يفكّر غير ما تدري لفيزه
تلاقي كل خطّين بتوازي= قوانين الطبيعه ما تجيزه
يجفّ العرق من بعد الركازي = اذا من ركز في بطحا نزيزه
ويغرق دون سقياه ابروازي = يخيس بتربته لو هي عزيزه
اذا الرجّال فكّر بالجوازي = فلا يحكمه قلبه والغريزه
يطيح من السما صقر البهازي= ولا يسوى بسوقه لو بريزه
الا يالله بالطافك تجازي = فؤادٍ صار يشكي من فزيزه
قلق مع خوف بانواع الطرازي= من همومٍ تصافق به حزيزه
تكسّر مثل تكسير القزازي= ابي يجبر وعاودني هزيزه
يئست من العذل هذا نجازي= وقطعتي كل قولي يا جهيزه
[/poet]

ابوعبدالله







صح الله لسانك






ابداع مافيها كلام







الله يعطيك العافيه

فلا هو من تعلّـم بالمغـازي
ولو جرحه تكلّم عـن ازيـزه
ولا هو عارفٍ وين المجـازي
مثل من تاه واخطى في لزيزه



صح لسااااااااااااااااااااااااااااااانك





سجل اعجابي والله لايهينك

تلاقي كـل خطّيـن بتـوازي
قوانين الطبيعـه مـا تجيـزه
يجفّ العرق من بعد الركازي
اذا من ركز في بطحا نزيـزه



اخي عثمان العبدالله


قافيه مميزه ونص فيه حكمه وعذوبه



صح الله لسانك


اخ وك

عثمان

صح السانك ولاهنت

قصيده رائعه وفوق الوصف

لك تحياتي

هلا ومرحبا بأخي الفاضل الكريم/ سعد بن حبشان
تشرفت بكريم حضورك الرائع وتفاعلك الراقي
لاهنت يالغالي
تقبل أطيب تحياتي واحترامي

كل الشكر والتقدير لأخي الفاضل الكريم/ فلاح آل مخلص
على كريم تشريفي بالحضور الرائع
تسلم يالغالي
تقبل أطيب تحياتي