هــطّــال الــســحــايــب
[align=center]قصيده جديده ،، عسى أن تنال رضاكم ،،
[/align][poem=font="Simplified Arabic,6,indigo,bold,italic" bkcolor="white" bkimage="" border="groove,4,purple" type=2 line=1 align=center use=ex num="0,black"]
آه من وناتٍ بصدري أليمه=في ضميري كانت الونّه لزيمه
وآه من وقتٍ ظلمني ما رحمني=يوم كلٍ في الهوى يشكي غريمه
قبل أشوفك ما عرفت الحب مرّه=في حياتي او تنعّمت بنعيمه
وبعد شوفك أسفرت روحي بحبك=وأنقضت أيامي السودا العتيمه
وانعشت روحي بحبك ياحياتي=من بعد ما كانت الحاله سقيمه
ليتني اعْرفك من سابق زماني=كان ما عانيت من صالي جحيمه
وليت لو تبقى معايه يا هنايه=حيث وصلك غيث وجروحي هشيمه
ما أريد إلا هواك و لا أبالي=لو فنيت العمر لجلك يا نديمه
حالفه ما خون ودّك يا حبيبي=لك عهود الود والنيّه سليمه
مد لي يمنى الوصل والعمر لحظه=واسعد الايام في قربك مديمه
واحذر الواشي وعذّال المحبه=لا يغرّك قولهم ويّا النميمه
قصدهم فرقا الاحبه يا غلايه=ما دروا انْ فعْلهم اكبر جريمه
كل غالي يا الغلا بالرخص بعته=والعمر دونك فلا له أي قيمه
خلنّي ويّاك يا بدر الليالي=في سمايه شوفتك راحه عظيمه
يعل دارك يود هطّال السحايب=والمزون اتهل بك واهديك غيمه
وتعشب الريضان وسفوح الروابي=وين (دارٍ للظبي) كانت مقيمه
والنسيم ايداعب احساسك وتذكر=سر نبضات القلوب المستهيمه
والهبايب صوبكم تحمل سلامي=معْ شذى الاطياب يحملها نسيمه
والختم صلّو على خير البرايا=هو شفيع الخلق من نارٍ ضريمه
عد ما ينبض فوادي من ودادك=وكثر ماحبٍ لك ابخافي صميمه [/poem]
دمتم بود ..
اختكم ..
اختكم ..
[/align]
تعليق