وش تبي تشرب تفضل ...!

[align=center]


وش تبي تشرب تفضل تبيها القهوة سـادة
.......... حاضر أمرك خله إثنين سادة لوسمحـت

قلـي أخبـارك علامـك تطالـع بالقـلادة
.......... وش تفكر فيه وش بك عسى ماشر سرحت

ماتبي تحكـي بكيفـك أنـا كلـي ركـادة
.......... ماتعجل فـي قـراري لوإنـي مانجحـت

مدري من وين أبتدي للعتب مابـي جـلادة
.......... خايف إنه بك تطول السوالف لو شرحـت

كلنـا مخطيـن وشرهاتنـا أكبـر شهـادة
.......... ماأبري نفسي مثلك خسرت ومـا ربحـت

من زرع كلٍ على نيتـه يجنـي حصـادة
.......... ودي أعرف وش عقب غيبتك عني فلحـت

قاطعتني دمعته يـوم سلهـم بـه سـوادة
.......... إقصر بحسك تراني بصوتـك إنفضحـت

طالبـك لاتقلبـه غـم وتأخـذك العـنـادة
.......... مـن كثرماتتهمنـي تـرانـي إنذبـحـت

قالته لحظة غضـب يـوم زودت إنتقـادة
.......... ماتشوف إنك تغالـط وعمـرك مادمحـت

إذكر اللي فات يمكـن تلاقـي بـه إفـادة
.......... إعتذر وأنا أعتذر عن جميع اللي جرحـت

ساعته حسيت قلبـي تحقـق لـه مـرادة
.......... من زمـانٍ ماتهنيـت ومبطـي مافرحـت

تـوي أدري يـوم كنـا قويـيـن الإرادة
.......... إنك الغالي وأنـا فـي ميازينـك رجحـت

مؤتمر حبـي توثّـق معـك يـوم إنعقـادة
.......... إنكشف أحلى غموضك وأنا لاجلك وضحت

ياقصيدي أثبـت إنـي فـدا لعيـون غـادة
.......... وإنها أغلـى الأمانـي وآخـر ماطمحـت

رجعتنـي للبـدايـات وأيــام السـعـادة
.......... مثل هالليلـه وسـام المحبـة لـه منحـت

إبتسم لي قال أبـي قهوتـك سكـر زيـادة
.......... قلت له أبشر من عيوني سكر لو سمحـت


[/align]

محجوووووووووووووووووووووووووووووووز




ولي عوده

[align=center]
( فلاح آل مخلص )

حضورك يشكّل مساحات للنور ..

هنا إضاءة منك تكفي ...

مبتهج بك .

تحياتي [/align]