&& أ صعب سبحة &&

الاخوة اعضاء هذا المنتدى النير
السلام عليكم ورحمة الله وبركاته وبعد
القصيدة التالية تحمل حوارا عن الذات اطاره الخارجي المسرح العام
وتشريحه الداخلي الذات حاولت فيها أن ازاوج بين الخطين ونتجت لدي الابيات هذه الابيات المتواضعة
ارجو ان تحظى على استحسانكم :


[poem=font="Times New Roman,4,darkred,bold,normal" bkcolor="royalblue" bkimage="backgrounds/8.gif" border="inset,8,indigo" type=2 line=0 align=center use=ex num="0,black"]



قال الجريح ودنيته هي جرحه

بالقلب قاسي الهم مكن رمحه

ونار الليالي تضترم في دمي

يا ناس من مثلي عذابه ربحه

الكل يرثي حالته وينوحي

وانا عناية وان رثيته ذبحه

دافن بقلبي جمرة تتلظى

بالدم تحرق وان بدت لي فضحه

ياناس هيدوا ماعليها سالم

ولاأحد مخلد او معمر فرحه

هذا زمان لوضحك لك ساعة

ضيع سرورك في أقل من لمحه

نظمت فيها بالعنا لحظاتي

وتالي المسيرة هلت اصعب سبحه

اتعبت حالي آمل في عيدي

واحلم بيوم يبتديني صبحه

واثري بوهم غاشي لي شوفي

الماء تصرب والحصادة قمحه

وش بس يعمل من تعب واجهدته

دنيا عسيرة بالوزا متشحه

ان طاح واغظى عقب ماهو صامد

بيصير شمتة للدني والسلحه

وان شدعوده وانتصب مانوخ

هد بعناده مابقى من صرحه

ما احد يكابر في طريق اقفايه

إلا معذر او عماوي طمحه

ولاني بمنهم يامتابع قافي

لكن شسوي الغبينه طرحه

ياليت مانحلم يجي بالهين

واطماعنا غصبا تجي منسمحه

ماكانت العليا كليفة مجلب

ولااحد تعب وانهك جواده ضبحه

لكن يالله عيننا ياواحد

على زمان ٍ معتمات وضحه

واستر علينا من حقود وحاسد

ومن اللئيم ومن طغاة الشفحه

ما احد شفوفه جات له في رمشة

ولااحد بماخذ غير قسمه منحه

وانا تعبت وغربلتني الدنيا

واللي لقيته صعب اوفي شرحه

امضوا يا خلق الله بعزم الواثق

برجوى إله اعطياته سحه

لانه كريم عادل ما يظلم

ومن راد غيره في خسر ياويحه

وكما بدأنا قافنا باولها

الله يداوي من حياته جرحه[/poem]