--------(((((( فـــــك اللثـــــااااام ))))))--------

[poet font="Arial,6,darkred,bold,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]


الـبـارحـة قـــدام وقـــت الـغـروبــي =سهرت ليلي ليـن نـور الشفـق بـان

يسـوق دمعـي مثـل وبـل الجنـوبـي
=غيـثٍ مقاديمـة هواجيـس واشجـان

علـى الوليـف اللـي بطبعـة لعـوبـي
=وليـا طلبـتـه مطلـبـن قــال مـاحـان

مـا يــدري انــي كاسيتـنـي ذنـوبـي
=لجلة انا ضيعت فـي بعـض الايمـان

ولا يـدري ان تـوي صغيـرٍ عزوبـي
=يضيع علمة بس من رمش الاعيان

لا جـيـت ابـدلـه زاد فــي الشبـوبـي
=ابـكـلـمــةٍ والا بـنــظــرات فـــتـــان

ولـو قلـت عنـه اتـوب مقـدر اتوبـي
=شـيٍ كتبـة الله علـى هيـكـل انـسـان

يـاكـم سـحـب قــدام قـلـبـي قـلـوبـي
=راحوا مثل مارحت انسي معه جـان

اول مـــلا قـانــا بــحــي الـغـروبــي
=قريـب مــن بـيـت الحبـيـب مسـيـان

قلـت ارحمـي قلـبٍ لحـبـك رحـوبـي
=ساعة لمح وجـهك غـدى فيـه بركـان

وساعـة نظرتيـلـة بنـظـرة سلـوبـي
=تقـطـعـت كـــل المعـالـيـق وانـهــان

ولحظـة غمزتيلـة برمـشٍ سحـوبـي
=راح الـوريـد يـظـخ تـقـول شـريــان

واقبـل وقلبـي صــار لجـلـه يـذوبـي
=وفك اللثام اللي على حمـر الاوجـان

نـورٍ بـعـد مـاكـان عـنـي محجـوبـي
=تقشعـت عنـه السحـايـب والامــزان

وقالت حدانـي عنـك وقـتٍ شحوبـي
=تـغـيـرت فـيــه الـمـبــادي والاوزان

مـا عنـك بعـد اليـوم واحــد ينـوبـي
=حقيقةٍ مـن قلـب ماهـي مـن السـان

والله مـانـي فـــي هـواكــم كـذوبــي
=لاشــك حـدتـنـي مـقـاديـر الازمـــان

واقـفـا مــع أشبـاهـه بـعـد هبلـوبـي
=واقفيـت أنـا بعـده حزيـنٍ ومرضـان

واعلـنـت للعـالـم نتيـجـة رسـوبــي
=في حب من عينه كما عين شيهـان

ورحـت أتخيلـهـا عـلـى كــل ثـوبـي
=وقام يتداعا الفكـر راضـي وزعـلان

تـقــول مـشـتـركٍ بـعـشـره قـروبــي
=إليـا أرسـل الأول يسـدك عـن الثـان

ياليتـنـي معـهـم حـصـلـي ركـوبــي
=في جنب غض العود مياس الأردان

ولديارهـم يــوم ارحـلـوا روحـوبـي
=ضيـفٍ ولـو ساعـات مانيـب سكـان

ولــو أنـهـم بالـحـب والله رضـوبـي
=ماكـان خلـونـي عـلـى جــرة الـفـان

صويـب فـي دنيـاي مـحـدٍ بصـوبـي
=والعشـق ذنـبٍ سيتـه فـوق الأبـدان

لعبتـبـي الايـــام وايـضــا لعـبـوبـي
=كـرة قـدم مـا بيـن هينـري وزيــدان

نـاسٍ تواسينـي ونـاس اضحكـوبـي
=ولا عاد اميـز بيـن صاحـب وعـدوان

حسبي عليهم عن شعوري غدوبـي
=من يوم راحوا شب في القلب نيران

وعــن يـمـة الله يـاعـرب شرقـوبـي
=تقـول لا صاحـي ولا نـيـب سـكـران

عـان الـعـوذل يالغـضـي شهـروبـي
=اصبحت انا لبندق هل القول نيشان

واهـل السوالـف والنمايـم وشـوبـي
=غرايبـي تقـرى علـى فــلان وفــلان

ياليـتـنـي مـــا شفـتـهـم ورثـعـوبـي
=ولا عرفـت الحـب مــن كـايـنٍ كــان

ولا شقـيـت ابـهـم ولاهــم شقـوبـي
=ولا صرت مسجونٍ ولا صار سجان

ضاقـت علـى محمد جميع الـدروبـي
=وتجرحـت بالدمـع ياصـاح الاجفـان

وتبـيـنـت للـخـلـق بـاقــي عـيـوبـي
=ولا عــاد تنفعـنـي مشـاريـه خــلان

قـامــت تصافـقـنـي ذوار الهـبـوبـي
=رحال مـا املـك بهـا الكـون عنـوان

[/poet]


[align=center]مع اجمل تحية وتقدير[/align]

الاخ محمد العضياني


صباح الجمال والشعر الاجمل

صح لسانك وسلمت يمناك على امتاعنا بالقصيده الجميله ..

انا اول قصيده اقراها لك مادري لك غيرها هنا والا هذي اول وحده انا مبطي ما دخلت النت

والاحظ ان فيها تطويل ماله داعي وفيها مفردات غير متناسقه مع المعني مثل هذا البيت

( ياليـتـنـي مـعـهـم حـصـلـي ركــوبــي ............في جنب غض العود مياس الأردان ))


وهنا فيه غلطه مطبعيه (( ساعة لمح وجـك غـدى فيـه بركـان))) وجك اعتقد انك تقصد (( وجهك ))


وفيه ملاحظات اخرى ومع هذا قد اكون انا غلطان

تقبل تحياتي وتقديري

صح لســـانــك اخوي محمد

وبيض الله وجهك على هذا البوح الجميل

حقيقه امتعتنا بهذي القصيده

والخطأ الأملائي تستطيع تعديله ...........(((وجك.))

وأتمنـى لك التوفيق والسداد

أخــوك /

فــهــد الـذبـيـــانـي

اخي العزيز

حكيم الجامعة


الف شكر لمرورك الجميل ولتوجيهك الذي ينم عن حرصك عن البحث عن المصلحة العامة

صدقني اثلج صدري ما كتبت وايقنت الان سبب نجاح هذا المنتدى العملاق

كلماتك تزيدني اصرار على بذل المزيد

لك مني اجل تحية واجل تقدير

فهد الذبياني

الف شكر على مرورك الجميل الذي زاد متصفحي نوراً

وشكراً لك على كلمات المدح التي زادتني شرفاً


تقبل فائق تحياتي

الاخ الشاعر المبدع / محمد نجر
تحيه طيبه واسعد الله صباحك
صح الله لسانك وبيض الله وجهك
قصيده رائعه جدا ومعانيها قويه
ومن شاعر متمكن ومبدع ورائع
سجل اعجابي وتقديري
اخوك / سعد السبيعي

الاخ الشاعر المبدع / محمد نجر
تحيه طيبه واسعد الله صباحك
صح الله لسانك وبيض الله وجهك
قصيده رائعه جدا ومعانيها قويه
ومن شاعر متمكن ومبدع ورائع
سجل اعجابي وتقديري

محمد


صح السانك ولاهنت

قصيده رائعه وفوق الوصف

لك تحياتي

اخي العزيز

سعد السبيعي


لقد شرفني مرورك الجميل

وكلمات الاطراء التي كتبتها

تقبل تحياتي

علي العجب

الله لايهين على مرورك الجميل

وكلمات الثناء الجميلة

تقبل تحياتي

حسن الوطري


الف شكر على مرورك الرائع
تشريفك زاد من روعة متصفحي

تقبل خالص تحياتي

الاخ / محمد العضياني



صح لسانك وقدمت ما يعكس شاعريتك



ننتظر جديدك القادم


تقبل تحيااتي

الاخ العزيز
خالد بن عياش

اشكر لك حظورك الجميل

وما انا إلا تلميذ بين اساتذة الشعر

تقبل تحياتي