لاني ببن مرعي ولاني مشاري !!!!!!!!

السلام عليكم .. أشقائي النداويه اعتذر لعدم تواصلي فالفتره الماضيه .. ولكن والله انه مامنعني الا الشديد القوي ..


جديده .. أتمنى تحوز على رضاكم .. [poet font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=200% align=center use=ex length=0 char="" num="0,black" filter=""]
أحس في صدري من إسبوع ظيقه = والحزن ؟؟ له بجفون عيني مواري
وبجوف قلبي شي !!! كنه حريقه = وذا الثلاث .. تقول .. أنت اختياري
من بيننا حلف وصداقه عريقه = ولا أفكر إني أسحب قراري
أبغي الى بار الصديق بصديقه = وصار الصديق من الصداقات عاري
فلايها مثل الذياب المويقه = من رجم تبغي واردات الخباري
تويق .. ويق اللي بيسرق رفيقه = على صدر رجلن على الحزن ظاري
أربّها ؟! تآآآكل فواد يعيقه = البعد .. واللي يجيب للبعد طاري
دامك كذا .. يابو مشاعر رقيقه = تشوف حبي لك يطمن وقاري
وتود هدم العشق بأية طريقه = تبغي مسارك يختلف عن مساري
تقول .. كلن له قدمه وطريقه = والله يعين مبعدات المساري
لاتلتفت خل الخطاوي طليقه =إلين أنسى شي إسمه مشاري
لحوووول !!! ؟؟ لكن دام هذي الحقيقه = إسر وأنا بجمع دموعي .. وساري
بصرك .. مع إن البعد ذا ما أطيقه = لكن أبيك تكون مدرك وداااري
إن العشيق اللي يبور بعشيقه = كنه يكرم ناقلين المزاري
يامرثع (ن) فقلوب ثلث الخليقه = أرثعت بي .. من عقب ماحن كناري ؟!
خليتني حتى الحكي ما أطيقه = كني بدون لسان .. في عقر داري
والدمع من عيني فبعدك يريقه = مزحات إبن عمي .. وترحيب جاري
وبستان قلبي لك .. حديقه حديقه = ألوانها خظر .. وغدت شبه ناري
أنا غلطت .. إن كان تبغي الحقيقه = وأبعتذر لو ما قبلت إعتذاري
كلي عذر .. عذر رفيق لرفيقه = إن كانّي مهمل بك وما أداري
وإن كانني سجيت منك دقيقه = لاني ببن مرعي ولاني مشاري



وسلامتكم


[/poet]

صح لسانك يامشاري المري ملاييين


شاعر مايحتاج مني تزكية او اي اطراء




تقبل اعجابي الشديد

مرحبا يامشاري

شاعر غني عن تعريف

واسم لايخفى على المتابع

والمشاهد والقارئي ..

لاهنت يابو علي وبيض الله وجهك..

بكل صراحه اعجبتني بجوابك على

حمد العزب عندما اسألك عن برنامج

مشاعر حالمه وقال المقدم مري والضيف مري

وقلت له وبعد المعد مري .. ياسلام عليك يامشاري

ذكي وماينخاف عليك..

تقبل خالص تحياتي وتقديري ..

الاخ العزيـــز


مشاري بن مرعي








إن العشيـق اللـي يبـور بعشيـقـه
كنـه يـكـرم ناقلـيـن الـمـزاري






صح لسانك على القصيدة الجزلـــــة



ولاهنت





تقبل خالص لشخصـــك الكريـــم .....!!

مشاري المري

شاعر شاعر

عز الله انها قصيده وافية وجزله


بيض الله وجهك



والامام يابو علي




تقبل تحيات اخوك

السلام عليكم



الاخ الشاعر مشاري المري


صح لسانك مدد ياجزل ولاهنت


وإن كاننـي سجيـت منـك دقيـقـه
لاني ببن مرعي .. ولانـي مشـاري


كفو والله يابعدي



دمت بكل الود



اخوك
ابوطارق

يا سلام عليك يا مشاري



مبدع في كل حالاتك




صح الله لسانك ملاين ولاهنت




قصيده تستحق الاشاده والثناء






تقبل فائق اعجابي وتقديري



اخوك
ابراهيم الشمراني

مشاري


الله يصح السااااااااااااانك جديدة ولكنها فريده

اتيت هنا لكي اسجل مروري ولا رايي انت عارفه



وإن كاننـي سجيـت منـك دقيـقـه
لاني ببن مرعي .. ولانـي مشـاري


ياسلاااااااااااااااااام دمت لنا وللشعر


ولك مني كل التحايا والتقدييييييييييييير

اخوك صالح آل مانعه

ارحب يامسفر ... مرحبا ومسهلا .. وصح الله بدنك .. وهذي الساعه المباركه .. ولاهنت على المرور الممتع .. تحياتي لك

الله الله

صح الساااااااااااانك وعلا شاااااااااانك

ابداع شوي في حقك

تحياتي

ارحب يامشاري


تغيب ولكن مكانك القلب

نشفق عليك وعلى جديدك دائماً


نص جميل أجدت فيه كالعاده فأنت شاعر عذب ومتمكن


ان كان لي ملاحظات فهي :


القفله جميله جداً وهي اجمل ما في النص مع أحترامي للنص كله وهي بيت القصيد في رأيي على الرغم من ان النص ملئ بالأبيات الجميله واللي عجبني حبكة بعضها . وهذا المتوقع من شاعر متمكن مثلك:


وإن كاننـي سجيـت منـك دقيـقـه
لاني ببـن مرعـي ولانـي مشـاري





شطر العجز في هذا البيت ما قدرت أفهم مغزاه ولا الهدف من تركيبته في البيت:

والدمـع مـن عينـي فبعـدك يريقـه
مزحات إبن عمي .. وترحيب جـاري



وهذا ايضاً ما فهمت كيف الأخضر أصبح شبه ناري؟

وبستان قلبي لـك .. حديقـه حديقـه
ألوانها خظر .. وغـدت شبـه نـاري


الا ان كان قصدك انه أصبح لونه مثل لون العشب "الحميس" مثلاً لكن ما أشوفه ناري

ربما كان في إمكانك توظيف كلمه أقوى دلاله من شبه ناري

مجرد وجهة نظر قابله للنقاش


صح الله لسانك ياشاعر ولاهنت على التواصل الجميل



أخ وك