كلمةٍ من ورى صوتٍ بحوح

[align=center]يوم بان العلم شفت الحقايق والمزوح
مثل شوف البدو لسهيل في عرض الجنوب

من يقولٍ زلة الذيب لا يمكن تروح
كيف ينسى رحمة الله غفار الذنوب

ومن يعيش العمر ماله على الدنيا طموح
لا يصدق كل حلمٍ يجي من كل صوب

الاماني كم و كم ضيعت روحٍ و روح
لين حطت فارس القوم للحزن مغلوب

والدروب اللي نقصها من الواقع وضوح
كيف نامن خطوة الرجل مع ذيك الدروب

من يثمن كلمةٍ من ورى صوتٍ بحوح
مثل من يفزع لربعه على الوقت الشحوب

البخيل اللي من الكلمه الزينه شحوح
والكريم معان لو مابقاله غير ثوب

كلمة العاقل تجيني مثل مسكٍ يفوح
استمعها واعرف شروقها قبل الغروب

هيه ياللي تبغي اتعرف ويش اقسى الجروح
طعنتٍ من بين لاكتاف من كف محبوب [/align]

الله الله الله

بيض الله وجهك يا مبارك بن مناحي

قصيده جزله من شاعر جزل.


سجل إ عجابي لاعدمتك

الاخ
عبدالله بن عتقان

صح بدنك

ولك جزيل الشكر على الرد الطيب