&*& ا لوقت يمضي &*&

الاخوة اعضاء هذا الموقع الندي
السلام عليكم ورحمة الله وبركاته وبعد
كل عام وانتم بخير
وأسأل المولى جلت قدرته ان يجعلنا وأمة محمد اجمعين
ممن تقبل منهم الصيام والقيام وفازوا بالعتق من النار بفضل عفو ه سبحانه
الابيات التالية من قديمي المتواضع وهي تحمل احرفا بسيطة حاولت من خلالها
بأسلوبي المتواضع ان اشخص حال بعض الامة وخصوصا الذين انساقوا كالهوام
وراء الملذات والزيف الدنيوي الزائل اتمنى ان اكون قد وفقت في ذلك وادعو الله بقلب المخلص ان يرد
هؤلاء الى جادة الصواب وان يرزقهم الكرم والفضيلة في الخلق والوقار والرشاد في الخلق امين
والى الابيات وماحملته :

[poet font="Arial,6,white,bold,normal" bkcolor="transparent" bkimage="backgrounds/21.gif" border="none,4,gray" type=0 line=200% align=center use=ex length=0 char="" num="0,black" filter=""]
يقول من نفسه معيفه وهايبة
=لوماالأمل باللي جزيله وهايبه
ذكرخاطري ماقد مضى له وماجرى
=وقت مضى يصعب علينا حسايبه
عدا عليه في زماني من العبر
=مايتعب الكاتب ويكسركتايبه
مضى لنا وياكثرمامضى لنا
=عسى لنا في مقبل الوقت صايبه
يوم كدرواخرتزايد حلاوته
=واخر نخايل هلته في سحايبه
مشيت بر وغبة البحرخضتها
=وصارعت وقت كايدات مصايبه
وشفت البشر تمشي ولاهي بداريه
=والعيش يخدعهم بكثرة اطايبه
يتلون برق لو لمع حيل ما نفع
=وبله تقفاه العجاج وهبايبه
الرجل طرد المال همه وغايته
=والنفس في لذات الايام سايبه
يجهد ويكدح والبنا يتبع البنا
=ماحسب ليوم تفاجيه نايبه
يحسب هنا الدنيا دوام لمن حرص
=مايدري ان الوقت مااسرع عقايبه
ياتابع الدنيا تراها غروره
=وكم من شكيل قبلك ارست نصايبه
فيده من امواله مترخام لوكسب
=وممكن عليه يجود فيها قرايبه
رغم ان ماله لوجمع صعب ينحصي
=لكن دونه ضنوة ابليس لايبه
هدوا بنا ه وشالوا انشور ثروته
=وتعبه درك ماله خلف في تعايبه
لانه لهث لين انقطع فيه منسمه
=يجمع لغيره ياخسارة كسايبه
واللي ورثها ماتعب حين جمعها
=ولاظنتي بيحط للعود ثايبه
مادام عود الشر ماجاد من يده
=وشلون يكرم من هذا في نسايبه
يامنخدع في طولت الوقت والمنى
=اغنم زمانك لاتفاجيك غايبه
سدد وقارب والخطى تتبع الخطى
=والدين قم به واجتهد في طلايبه
ترى القدرماله نذيريحذرك
=تحتاط قبل تجيك عجله حرايبه
يقوله اللي ذاق لوعات دنيته
=ونفسه تقطع لاتذكر حبايبه
عاش القسى وقت الرخا مااسرع انقضى
=روحه من الصكات في الحزن ذايبه
تبع بهارج دنيته وانفتن بها
=ولفت عليه حبال تقصد نشايبه
خلته يمشي منجم مادرى بها
=يتبع امل دنيا للاوهام جايبه
يادنية الافلاس يادنية الفنا
=كم ضاع راجي طمعة فيك خايبه
ياسامع قافي من القاف خذ عبر
=الوقت يمضي مسرعات ركايبه[/poet]

يـادنــيــة الافـــــلاس يـادنــيــة الــفــنــا
......................................كم ضاع راجـي طمعـة فيـك خايبـه
ياسـامـع قـافـي مــن الـقـاف خــذ عـبــر
......................................الوقـت يمضـي مسـرعـات ركايـبـه

أولا عليكم السلام وكل عام وانت بخير وتقبل الله صيامنا وقيامنا

ثانيا صح لســـانك على هذه الابيـات

صورت ورسمت وأجزلـــت
دمت بلبوس العافيه..............والى الامـــام

تقبل تحيات
فهد الذبياني

الرائع عيد المسلط


صح الله لسانك وعلا شانك

قصيده رائعه تشرفت بقرائتها

دمت بخير ودام ابداعك يالغالي

وكل عام وانت بالف خير

ابو عرب

الغالي فهد الوذيناني
سررت بتواصلك
وتشرفت باسهامك
اسمى عبارات التقدير
والشكر نزجيها لشخصكم الكريم
على متابعتكم الكريمة

صح لسانك ياعيد


والله ماقصرت
ومقدي

ووالله اني احب الطرق الهلالي

ولكني ما اميلله

ولاهنت

تحياتي لك من القلب للقب

الغالي سعود العازمي
تهل بتواصلك
ويهل معك السرور لنا
الف شكر على تواصلك
واسهامك الراقي

الغالي بدر الصبيحي
منور بحضورك
وشرفتنا باسهامك
الف شكر على متابعتك وتواصلك