مشاعر كيبورديه .. بيني وبين نواف ابن رازن العتيبي

[poet font="Arial,4,black,bold,normal" bkcolor="transparent" bkimage="backgrounds/7.gif" border="none,4,gray" type=1 line=200% align=center use=ex length=0 char="" num="0,black" filter=""]
مـسـاء الخـيـر يــا وجـيــه الـخـيـر

مشاعر كيبورديه للشاعر الغالي .. نواف ابن رازن

ومــا قلتـهـا الا وهــو يستاهـلـهـا والله

والـسـمـوحـه عــلــى الـقــصــور

::::::::::::::::::::::::::::::::::::::::::::::::::::::::::::
:::::::::::::::::::::::::::::::::::::::::::::::::::::::::::

هات القلم باكتب مثايل من الـراس=منّي لأبـن رازن عشيـر القرومـي


الطّيـب اللـي للمشاكيـل نبـراس=يستاهل التقديـر موفـي اللزومـي


أنا اشهد أنه وافي الطيـب بالنـاس=وانا اشهد انّـه بالمواقـف يقومـي


جنّب طريق الساقطه عالـي البـاس=وامن الردى ذرب الخصال امحشومي


شهم ٍ عزيز ٍ شاعر ٍ قـرم قرنـاس=قلبـه عطـوف ٍ لليتامـى رحومـي


ما له مثيل ٍ كود ذربيـن الأجنـاس=ربّـاه محمـود النبـا والعلـومـي


لو جيت اوصّف ما يكفيه قرطـاس=حاز المراجل جعل عمـره يدومـي


هذي مثايل قلتهـا لْطيّـب السـاس=نواف ابـن رازن قـويّ العزومـي


وصلاة ربي عد مـا هـب نسنـاس=على النبي واعـداد وبـل الغيومـي
::::::::::::::::::::::::::::::::::::::::::::::::::::::::::
:::::::::::::::::::::::::::::::::::::::::::::::::::::::::

(( .. وهذا رده الجزل .. ))
:::::::::::::::::::::::::::::::::::::::::::::::::::::::::::
:::::::::::::::::::::::::::::::::::::::::::::::::::::::::::
يامرحبا واهلاً عدد رمـل الاطعـاس=واعداد مابـان القمـر والنجومـي


ترحيب غاية قلب واغلى من المـاس=وأحلى من السكـر بـدر الردومـي


وللعود الازرق فيه خنـه ونسنـاس=والكاد واليشمـوم ريحـه يزومـي


بالشاعر اللي من بعيديـن الارمـاس=أمـن الهواجـر طيبيـن السلومـي


لباسة الماهـود والـدرع والطـاس=واهل اجياد الخيل يـوم الزحومـي


الطيب فـي رجالهـم مالـه اقيـاس=ومرين لامن جات لطـم الخشومـي


وحسن علي .. وافي وتزاهاه الالباس=من المدايح مثـل لبـس الهدومـي


حرٍ عطاه الله مع الفكـر الاحسـاس=وعينه على العليا وعـال الرجومـي


لبو علي في قمـة المجـد مجـلاس=ونفسه لجـزلات المعانـي تشومـي


شاعـر رصيـده مايعـود للفـلاس=ويغوص غبّـات البحـور ويعومـي


للشعـر ميـزانٍ وللطيـب عسـاس=تنشر له البيضاء بروس الحزومـي


شوق الهنوف اللي لها قـد ميـاس=بنت الرجـال امنزحيـن الخصومـي


فرز الوغى يوم ان الاريـاق يبـاس=اليا عقبوا الساقه عيـال الرخومـي


وصلاة ربي عد من طـاف بلبـاس=وادى الفريضة من طواف القدومـي


على الرسول الهاشمي سيد النـاس=خير الورى من كل ذنب امعصومـي
[/poet]

حسن بن علي الهاجري
نواف ابن رازن العتيبي


كل الشكر لكم
ابيات جميلة ...

اغنت ذائقتنا سائر اليوم

اخوكم
داهم العصيمي

[سعد بن شليه السبيعي]

الاخ حسن بن على الهاجرى صح السانك

مساجله رائعه بين شاعرين رائعين











تقبل تجياتى