الله كلك جمــــــيله ويش اناظربه
....................طعمك الأحلا وش السكر ولا حاجه
وش يفتح النفس لا غبتي وش اشعربه
....................شاعرك جاك متضايق فلّي حجاجه
ماتذكرين التعب والليل والغربه
...................وجرحٍ عزمته وهي ماهي بمحتاجه
الميّ دربه خضر وانتي مثل دربه
..................اي والله انّه حلاة السيل مدراجه
ماللقمر في حضورك وجه يــظهربه
.................اقول دامك وصلـــتي طفّي سراجه
وما عادللورد شيٍ زين يـــفخربه
.................أخذتي احلا شـــذاه وعوّدادراجه
لعيونك اكتب قصيد جنان واقهربه
................أحزاني اللي فوسط القلب دوّاجه
ما يذبح الكافر الاّ يوم تكفربه
...............وما يحيي القلب ألا الحب وازعاجه
أشوف فيك الضحى والليل يا قربه
...............كيف النقيضين فيك اليوم تتواجه
ملّيت مليت من ليلي وانا اسهربه
..................وش يذبح الحزن لاغبتي ولا حاجه
تعليق