رجاءً لا تكلمني.............قصيده

اولا كل عام وانتوا بصحه وعافيه ..................... وعسى الله يتقبل صيامكم وقيامكم..



عسى ان ترتقي الى مستوى ابداعاتكم..
******************** رجاء لاتكلمني************

رجـاءً لا تكلـــمني ولا بي اســـمع اي اعـــذار ==== واذا تـتــوقع ادمـوعـك ترجّـعني تـرى غلطــان


انا يامن حبيـبي كنت اسامح باي شي لوصــار ==== ولكـن ماهـو مـن طبـعي اعـدّي غلـطة الـخـوان


تجاوزت الحدود وصار لازم في النهايه اختار ==== والملم كل جـروحي وذكرياتي وليلي السـهـران


على ايدك بدا عمري وبـيدك انتـــهى وانــهار ==== وبيــدك ضـعت في كــلّي ولاني لاقــي العــنـوان


كسرت ابداخلي شخصك بعد ماكان لْه مقــدار ==== وعمر اللي انكسر يفـلان مايــرجع مـثل ماكــان


بطوله وكنت فارسها..عرفـت اتمـــثّـل الادوار ==== مشاهـدها فـرح.. والخاتمه زيـف والم واحـزان


من عيونك ابي ارحل واسافر لآخـر المشــوار ==== عشان اطوي معاناتي واحس اني رجعت انسان


وهذا كل ماعـندي رسـايل..صــورتك..وازهــار ==== تفضل خذها واتركني اذوب ف عـالم النسـيان


رجــاءً لاتنـــاديني ابكـــسـر حـاجـز الاســـوار ==== وداعاً وامسح ادموعك محـال آعـود للحرمان

والســــــمـــــــــوحـــــــــــه

صح لســانــك يالجزل

وبيض الله وجهك

ودمت بملبوس العافيه

سلمت يمينك

تحيات أخوك
فــهـــد الـذبـيــانـي

الله عليك

ياعيضه قصيده

جميله وانت اجمل

تحياتي


تركي الديحاني