[poet font="Simplified Arabic,6,purple,normal,normal" bkcolor="transparent" bkimage="" border="none,4,gray" type=2 line=350% align=center use=ex length=0 char="" num="0,black" filter=""]
فعلآ قصيدة شرف وأجمل من الدانه=وفي بنت أميرآ وصح لسان شاعرها
من شاعرآ تطرد الهاجوس قيفانه=والساحه اللي يجي شعره ينورها
يا أفكار شعري تعالي لي على شانه=أنا علوم الشرف والطيب أقدرها
لو يختلف رمي نيشاني ونيشانه=الناس ماتعبر الا عن خواطرها
النفس من جاير الأيام زهقانه=وبعض المعاني هواجيسي تثورها
البارحه مارقدت العين سهرانه=تقول بالشب مذروره محاجرها
البيت ماينبني من دون عمدانه=وأنا علوم الوفا والطيب أدورها
عزي لمن باربه وقته وصدقانه=وكثرت أكسور الزمن وأزرا يجبرها
اليا سمعت الفراق وذكرت أزمانه=هلت عيوني من الفرقا عبايرها
لوأن نفسي ماهي بالحيل ندمانه=مير العرب مايفوت الشين ناظرها
وياكثر ناسآ بهذا الوقت بلشانه=وتخفي بلاو الزمن بقصى ضمايرها
وناسآ لو تسوي المعروف غلطانه=هاذي علومآ أنا شايف وخابرها
سبحان ربآ فرق بالخلق سبحانه=ناسآ تشاور وناسآ ماتشاورها
أحدآ صديقآ وكنك من حدا أخوانه=وأحدآ يفكر حياتك كيف يدمرها
ونوب الرجل تطلع ألاقراب عدوانه=والله سبحانه المعبود ذاكرها
وناسآ بنقل النمايم كيف فنانه=وأهل النمايم عسى ربي يدهورها
الرجل صدقه ونياته من أيمانه=وألا السوالف يبا يقدر يصورها
والرجل لوهو خفا للناس عنوانه=تكشف علومه لونه كان ساترها
ولابد يات الخبر من صوب عربانه=تاتي علوم الصحيح ولا يدبرها
والتجربه للرجل عرفه وبرهانه=وألا البشر تنخدع نوب بمظاهرها
والرجل فعله وعقل الرجل ميزانه=والناس تحكم على نظرت بصايرها
والسر لاما أغلق الانسان بيبانه=قامت علومه أهل النمه تمررها
ناسآ لها بالزمان وبالعمر خانه=وناسآ تجيب الهموم ولا تقاصرها
أحدآ كما الغيث لقرابه وجيرانه=وأحدآ خواطر معازيبه يكدرها
وناسآ لو أتظل طول الوقت زعلانه=محدآ نشد عن زعلها مع تظررها
وأدري وأعرف الزمن وأشوف عميانه=وأتبع هوى ناس والا ناس أسيرها
والدرب ينظربه المخلوق بأعيانه=ويمش الدروب الذي نفسه تخيرها
ويختار في سيرته ربعه وخلانه=نفسه ونفسه على كيفه يسيرها
ومن دور الطيب جعل الرب ماهانه=الله يجيره من الدنيا ومخاطرها
(خليف الوهيداني)
[/poet]
فعلآ قصيدة شرف وأجمل من الدانه=وفي بنت أميرآ وصح لسان شاعرها
من شاعرآ تطرد الهاجوس قيفانه=والساحه اللي يجي شعره ينورها
يا أفكار شعري تعالي لي على شانه=أنا علوم الشرف والطيب أقدرها
لو يختلف رمي نيشاني ونيشانه=الناس ماتعبر الا عن خواطرها
النفس من جاير الأيام زهقانه=وبعض المعاني هواجيسي تثورها
البارحه مارقدت العين سهرانه=تقول بالشب مذروره محاجرها
البيت ماينبني من دون عمدانه=وأنا علوم الوفا والطيب أدورها
عزي لمن باربه وقته وصدقانه=وكثرت أكسور الزمن وأزرا يجبرها
اليا سمعت الفراق وذكرت أزمانه=هلت عيوني من الفرقا عبايرها
لوأن نفسي ماهي بالحيل ندمانه=مير العرب مايفوت الشين ناظرها
وياكثر ناسآ بهذا الوقت بلشانه=وتخفي بلاو الزمن بقصى ضمايرها
وناسآ لو تسوي المعروف غلطانه=هاذي علومآ أنا شايف وخابرها
سبحان ربآ فرق بالخلق سبحانه=ناسآ تشاور وناسآ ماتشاورها
أحدآ صديقآ وكنك من حدا أخوانه=وأحدآ يفكر حياتك كيف يدمرها
ونوب الرجل تطلع ألاقراب عدوانه=والله سبحانه المعبود ذاكرها
وناسآ بنقل النمايم كيف فنانه=وأهل النمايم عسى ربي يدهورها
الرجل صدقه ونياته من أيمانه=وألا السوالف يبا يقدر يصورها
والرجل لوهو خفا للناس عنوانه=تكشف علومه لونه كان ساترها
ولابد يات الخبر من صوب عربانه=تاتي علوم الصحيح ولا يدبرها
والتجربه للرجل عرفه وبرهانه=وألا البشر تنخدع نوب بمظاهرها
والرجل فعله وعقل الرجل ميزانه=والناس تحكم على نظرت بصايرها
والسر لاما أغلق الانسان بيبانه=قامت علومه أهل النمه تمررها
ناسآ لها بالزمان وبالعمر خانه=وناسآ تجيب الهموم ولا تقاصرها
أحدآ كما الغيث لقرابه وجيرانه=وأحدآ خواطر معازيبه يكدرها
وناسآ لو أتظل طول الوقت زعلانه=محدآ نشد عن زعلها مع تظررها
وأدري وأعرف الزمن وأشوف عميانه=وأتبع هوى ناس والا ناس أسيرها
والدرب ينظربه المخلوق بأعيانه=ويمش الدروب الذي نفسه تخيرها
ويختار في سيرته ربعه وخلانه=نفسه ونفسه على كيفه يسيرها
ومن دور الطيب جعل الرب ماهانه=الله يجيره من الدنيا ومخاطرها
(خليف الوهيداني)
[/poet]
تعليق