((ودي اطيح من التعب في يدينه))

[poet font="Arabic Transparent,5,darkblue,normal,normal" bkcolor="transparent" bkimage="backgrounds/19.gif" border="double,6,darkblue" type=2 line=200% align=center use=ex length=0 char="" num="0,black" filter=""]
يا من بنى له في خفوقي مدينه=لاغاب عنها فدوته كل من غاب
له دمعتينٍ فالمحاجر حزينه=وحلمٍ قديم من التعب مفرقه شاب
وله عاشقٍ يفداه بأغلى سنينه=وبخافقٍ من كثر ما اشتاق له ذاب
مدري ادين الوقت والاّ ادينه=ودي اشتكي له مدري اشكيه بعتاب
ودي اطيح من التعب في يدينه=اصبحت اشوف الناس من بعده اغراب
يمكن نسى السجّان صرخة سجينه=ما حس بالوحده ولا طيّر اسراب
يا ما رفعت الصوت واقول وينه=ويا ما صحى حلمي على غيبة احباب
انا الغريب اللي فقد نور عينه= والعاشق اللي عن محبتك ما تاب
حتى السهر هذي يدي في يمينه=يا قلّ ما غمضت من بُعدك اهداب
اسهرك شوق وفي يدي ياسمينه=واقول يا خوفي يجي الحلم كذّاب

[/poet]

الابداع طاح في يديك





عبدالله تتقزم عباراتي امام ابداعك






صح لسانك

الاخ الغالي ... فهد الشبيعان


هلا وغلا


وصح بدنك


فالحقيقه انت الذي تسعدني بهذا المرور الكريم


والتواجد المستمر


اتمنى ان اكون كما قلت


لك اجمل تحيه

الشاعر القدير
عبدالله بن غازي





عندما اريد اتنفس الشعر اذهب الى هذه الابيات





ودي اطيح مـن التعـب فـي يدينـه
اصبحت اشوف الناس من بعده اغراب
يمكن نسى السجّان صرخـة سجينـه
ما حس بالوحده ولا طيّـر اسـراب
يا ما رفعت الصـوت واقـول وينـه
ويا ما صحى حلمي على غيبة احباب
انا الغريب اللـي فقـد نـور عينـه
والعاشق اللي عن محبتـك مـا تـاب










قد لااجيد الرد عليها

تعرف مدى اعجابي بشاعريتك





تقبل تحياتي ومتابعتي الدائمه






اخوووووووووووك

اخي الغالي ..محمد العيباني

هلابك

وصح بدنك


مرورك يسعدني


وتواجدك يهمني


لك مني جزيل الشكر والامتنان

وتحياتي الصادقه

الاخ العزيز .. سعد العصيمي


هلابك


وبمرورك الرائع


لاهنت


ولك اجمل تحيه

الاخ العزيز .. على العجب


هلابك


وبمرورك الرائع


لاهنت


ولك اجمل تحيه

الاخ العزيز ... خالد بن سكران


هلابك


وصح بدنك


مرورك يسعدني


لاهنت


والف شكر


لك تحياتي