قفا زمانٍ فيه ناهب ومنهوب

[poet font="Simplified Arabic,4,white,normal,italic" bkcolor="transparent" bkimage="backgrounds/21.gif" border="none,4,gray" type=0 line=200% align=center use=ex length=0 char="" num="0,black" filter=""]
هذه قصيده عن اليوم الوطني
للمملكه العربيه السعوديه

يالله يالمطلوب ياخير مطلوب=ياواحدٍ نرجي رضاه وثوابه
يامنجيٍ نوحٍ ويمصبرايوب=ويامنشيٍ بالريح في الجو سحابه
ويامرسلٍ نورٍ لنا كان محجوب=نورٍ ينور ليل منهو سرابه
قفا زمانٍ فيه ناهب ومنهوب=وقت الجهل والحنشله والعصابه
وعم الامان اللي من إسنين مسلوب=واصبح لنا قدر ومكان ومهابه
بفضل ابو تركي لنا قدر محسوب=كلٍ يفكر به ويحسب حسابه
عبد العزيز اللي من الله موهوب=ثبت رواسيها بعزم وصلابه
من الرياض العاصمه لابها لوب=بسيفٍ بيمناه قاضب نصابه
مع اربعين من الرياجيل مصحوب=اللي بوقت الضيق عزوه ولابه
صبح بهم عجلان والكل من صوب=وقضى عليه ورأس عجلان جابه
ونادى المنادي باعلا صوتٍ على الطوب=المُلك لله ثم للي بدابه
وواصل التوحيد شمال وجنوب=وغربٍ وشرقٍ لحتى حضابه
وتم توحيد الوطن سلم وحروب=ناسٍ تسالم له وناسٍ تجابه
ولمّ شعبٍ كان في الماضي إشعوب=وصار شعبٍ لا- وحتى قرابه
وإهتم بالتعليم لو واجه إصعوب=خصٍ كتاب الله سَعَد من قرابه
وبعده سعودٍ سار في نفس الاسلوب=وفيصل وخالدكل منهم مشابه
واليوم يوم اللي من الشعب محبوب=قايد مسيرتنا ذرا من لجأبه
فهد فهد لن هب للشر هبهوب=كم من عدوٍبركه معْ ركابه
لاعمست الارياء لها عنده إطبوب=دكتور للعله ومخه كتابه
قرمٍ صميدع صامدٍ غير رعبوب=حكيم والحكمه لحكمه تهابه
فتال حلالٍ ليا شبت إشبوب=حماي حامي للحما من حمابه
للجار عون وللعدا سم مسكوب=ياويل من بالفكر باع وشرابه
خادم بيوت الله مسماه مكتوب=لقب لبوفيصل طلبه ورضابه
تواضعٍ من سيدي صار له ثوب=وطيبه وعطفه ضمن باقي ثيابه
وولي عهده سِعد من جاه ملهوب=عونٍ لمن حضه سبايب عذابه
حب الوطن شاربه ابو متعب إشروب=وحب شعبه هو طعامه شرابه
أمرين مافيها مساوم وملعوب=الدين ثم الدار نحمي ترابه
قولٍ لبو متعب من العام منسوب=كلٍ من العالم سمعه ودرابه
ماهمه اللي للمحطات مندوب=صحافته حره ليا أبدا جوابه
همه يعود اللي اسيرٍ ومغصوب=المسجد الاقصى عثت به كلابه
ينخى وهو بالحلق ملزوم مكروب=ويبكي على الايوب مماجرابه
وشعبٍ تشتت واصبح اليوم منكوب=دمر وطنه وصار مثل الخرابه
قضيته في راس ابو متعب اتجوب=يمسي ويصبح والهجوس إبطلابه
والنايب الثاني على الجيش منصوب=وزير للقوات لن جاء حرابه
لأوامره صقورنا أفواج وإسروب=والبحر والبر تحت اوامر جنابه
سلطان لعيون العدا دوم سكروب=عما الحسود وعز من ينتخابه
كم واحدٍ جاله من الفقر مغلوب=وفرج له إهمومه وداوى صوابه
حنا هل الاسلام مافيه عذروب=دين الولي والرسل وايضا الصحابه
دستورنا القرآن ماعنه مجنوب=يسعد به المسلم ويلقى عقابه
لاتفهمونه عكس ياناس مقلوب=وتقولو الارهاب منه ونشابه
لا-والف لا-لاتدخلو مابه إدروب=نبرء من الارهاب ضرسه ونابه
هذا مسمى من هل الكفر مجلوب=خلط الحقايق لين تصبح تشابه
والخاتمه يالله ياخير مطلوب=تديم الامن وترحم اللي سعابه


مع تحياتي ابنكم الشاعر/حسين بن داخل الحارثي{سهيرالليل }
[/poet]

القصيده للرفع