اكبر سبب للصد عن بعض الوجيه

ياعين لاتستغربين الصد عن بعـض الوجيـه
انا ليا صديتلي عن وجـه عـارف مقصـدي
انتي تشوفين الردي زوله مثـل زول النزيـه
ماتقدرين تميزين الـي النزيـه مـن الـردي
الناس تخفيها الثياب الاّ عـن القلـب النبيـه
اللي يميّز فالبشـر ويعـرف فيمـن يقتـدي
وانا مجرّب عارفٍ صرف الريال مـن الجنيـه
واحسب حساب لخطوتي ياعين قـداّم ابتـدي
انا اعرف الرجّال وادري وش علي ووش عليه
وادري براع المصلحه من راعي الكف النـدي
وانا اعرف الوجه البشوش مخفّي القلب الكريه
يضحك وقلبه سم عقرب لو لبس ثوب اجودي
وانا اترفّع في كلامي عـن مخاطبـة السفيـه
ومن لاهداه الله محـال مـن الاوادم يهتـدي
الطيب لو انه بضاعـه كـان كـلٍ يشتريـه
لاكـن نجـمٍ عالـيٍ بيـن الثريـا والجـدي
والطيّب اللي ياخذ الطاله ليـا طالـت يديـه
ماهوب من يذكر بطيب ابوه و(ا)هوه مرتـدي
وانا الصديق الصادق ادوّر لذكره ليـن اجيـه
اتعب علشانـه خطايـه بـاذلٍ كـل جهـدي
ان كان ماجالي شبيه اصير انا اللي له شبيـه
ان جاني ابشر بسعده وان جيته ابشر بسعدي
ولاّ رفيق الضحك في وقت السعه والله ما ابيهم
اني بحاجة رفقته لوكـان اعيـش بمفـردي
ابوي وصىّ والولد يحفـظ وصيـة مرتجيـه
قال انتبه لاتصحب اصحاب المذلـه ياولـدي
ياعين هذا اكبر سبب للصد عن بعض الوجيه
عساك ياعيني عذرتي عقب شفتـي مقصـدي


هلالاهلاهلاهلاهلا

ابو مشاري القصيده بدري على اتكلم فيها

اللي مثلي يقرا مره ومره ومره ويستفيد

فانت شاعر كبير كبير والله يوفقك

مرحبا ياسعود مرحبا



صح الله لسانك وشاعر بقامتك نشفق لقصيده




جعلك تبطي حي



دمت مبدعا كعادتك



تحياتي

اخوي فهد الصعاق
دمت ودام حجزك
تحياتي لك...

الناس تخفيها الثياب الاّ عـن القلـب النبيـه...........اللي يميّز فالبشـر ويعـرف فيمـن يقتـدي


الناس تخفيها الثياب الاّ عـن القلـب النبيـه.............اللي يميّز فالبشـر ويعـرف فيمـن يقتـدي


الناس تخفيها الثياب الاّ عـن القلـب النبيـه..............اللي يميّز فالبشـر ويعـرف فيمـن يقتـدي


سعود الدهيمي


شاعرنا وشاعر الصدق والقوّه اللفضيه المجازه


صح لسانك


وتقبل تحياتي

ســـعود الدهيـــمي


صح لسانك أخوي سعود

بيض الله وجهك على هالرائعه

عز الله انها وافيه

تقبل خالص تحياتي

وسجل اعجابي واحترامي وتقديري،،،،،،


(أخوك/أبومناحي)

اخوي حسن الوطري


هلا يابو عبد الله

صح بدنك ولاعليك زود

ياعين لاتستغربين الصد عن بعـض الوجيـه انا ليا صديتلي عن وجـه عـارف مقصـدي
انتي تشوفين الردي زوله مثـل زول النزيـه ماتقدرين تميزين الـي النزيـه مـن الـردي
الناس تخفيها الثياب الاّ عـن القلـب النبيـه اللي يميّز فالبشـر ويعـرف فيمـن يقتـدي

يا سلام

يا سلام عليك يا سعود

مطلع رائع وتسلسل منطقي يشد من البدايه


وانا مجرّب عارفٍ صرف الريال من الجنيـه واحسب حساب لخطوتي ياعين قـداّم ابتـدي
انا اعرف الرجّال وادري وش علي ووش عليه وادري براع المصلحه من راعي الكف النـدي
وانا اعرف الوجه البشوش مخفّي القلب الكريه يضحك وقلبه سم عقرب لو لبس ثوب اجودي
وانا اترفّع في كلامي عن مخاطبـة السفيـه ومن لاهداه الله محـال مـن الاوادم يهتـدي


حكم من ذهب وخلاصة تجربه



الطيب لو انه بضاعـه كـان كـلٍ يشتريـه لاكـن نجـمٍ عالـيٍ بيـن الثريـا والجـدي


حكمه فريده

وانا الصديق الصادق ادوّر لذكره ليـن اجيـه اتعب علشانـه خطايـه بـاذلٍ كـل جهـدي
ان كان ماجالي شبيه اصير انا اللي له شبيـه ان جاني ابشر بسعده وان جيته ابشر بسعـدي


لله درك ياسعود , طالما قلت ان الشعر فكر قبل ان يكون وزن وقافيه وموسيقى
وانت هنا كتبت نص نبيل وشامخ يحوي فكرا نيرا وسمو في القصد ,
وطالما قلت وورددت شعر الحكمه في رايي هو الشعر الاهم والاسمى والابقى





صح لسانك ايها الشاعر الرائع



اخ وك

هلا ياخوي عادل المطرود


تشرفت القصيده وراعيها بمرورك لاعدمتك...

اخوي الغالي سعود

صح لسانك على هذه الجزله و مثلك لا يستغرب منه هذي القصيدة

قول و فعل لا عدمتك

اخوك ومغليك

فيصل العاصمي

اخوي الغالي سعود

صح لسانك على هذه الجزله و مثلك لا يستغرب منه هذي القصيدة

قول و فعل لا عدمتك


تقبل مني صادق الود والأحترام والتقدير .......

اخوي راشد

صح بدنك وياهلا وغلا فيك..
تشرفني بمرورك

هلا وغلا يابو حميد


صح بدنك والله لايهينك

وانا الصديق الصادق ادوّر لذكره ليـن اجيـهاتعب علشانـه خطايـه بـاذلٍ كـل جهـدي
ان كان ماجالي شبيه اصير انا اللي له شبيـهان جاني ابشر بسعده وان جيته ابشر بسعدي




الله عليك وعلى الابداع والجزاله




صح لسانك مليوون على الدرر




لاهنت ,, لك مني كل التقدير

اخوي فهد ابن دلباح

صح بدنك ولاعليك زود يافهد...

أبو مشاري

صح لسانك، وما تنلام فيمن تصد عنه بسبب ما وصفته بالأسلوب القوي الذي لا يدع مجال للشك. طيب ومن راس أبو الطيب. دائما نفتخر بالطيبين أمثالك، ياسعود.

أبو فيصل