[poet font="Simplified Arabic,5,white,bold,normal" bkcolor="transparent" bkimage="backgrounds/21.gif" border="ridge,5,indigo" type=2 line=350% align=center use=ex length=0 char="" num="0,black" filter=""]
ياللي تقول اسمع وانا بقول = وصبرك علي لو تختلف ألأقوال
سافر معي للواقع المجهول = مجهول للعقال والجهال
واسمح لي اطلع بك من المعقول= لكن هو الواقع على اية حال
والسالفه ماهي من المنقول = ماكل ما يسمع كذا بيقال
على العموم اقبل من المقبول= وماطال يقصر غير طول البال
وكان الحكي حكياً بلا مدلول = يقل ملح الهرج لامن طال
لاقصة العنقاء ولا بالغول = قصة رفيقاً لي ماهي دهوال
فعايله منها العقل مذهول= وسوالفه تضرب بها الأمثال
لاهوب لا سائل ولا مسؤول وان قلت فيه هبال فيه هبال
يقول لامنه بغى ويطول = وان ما بغى قصر عن اللي قال
الى زهمته عرض جالك طول = ياحي ذا الفزعة وذاك الفال
قلبه جسور وساعده مفتول= في الهوش تنطح به مية خيال
يصير لك كا الجندي المجهول= وليا لقى الحيله عليك احتال
يبدا الحديث بحكيه المعسول= وينهي حديثه ما دريت اش قال
كنه على درب الوعر مجبول = تلقاه في غير القدا يجتال
يصول دايم في الخطا ويجول =والى نصحته قال كيف الحال!!
لوصحت في اذنه قال: ويش تقول؟= مايسمع الناصح ولاالعذال
راسه من جنون الطنخ ماهول= لوكان ما في الجيب غير اريال
عليه يقبل حول واقفى حول= والحال ماهو للصديق بحال
يقول مادام الجمل معقول = ليش اتوكل واعقله بعقال
عود يردد بالندم( لاحول)= ضاع الجمل بالحمل والجمال
زيد الحسناوي
[/poet]
ياللي تقول اسمع وانا بقول = وصبرك علي لو تختلف ألأقوال
سافر معي للواقع المجهول = مجهول للعقال والجهال
واسمح لي اطلع بك من المعقول= لكن هو الواقع على اية حال
والسالفه ماهي من المنقول = ماكل ما يسمع كذا بيقال
على العموم اقبل من المقبول= وماطال يقصر غير طول البال
وكان الحكي حكياً بلا مدلول = يقل ملح الهرج لامن طال
لاقصة العنقاء ولا بالغول = قصة رفيقاً لي ماهي دهوال
فعايله منها العقل مذهول= وسوالفه تضرب بها الأمثال
لاهوب لا سائل ولا مسؤول وان قلت فيه هبال فيه هبال
يقول لامنه بغى ويطول = وان ما بغى قصر عن اللي قال
الى زهمته عرض جالك طول = ياحي ذا الفزعة وذاك الفال
قلبه جسور وساعده مفتول= في الهوش تنطح به مية خيال
يصير لك كا الجندي المجهول= وليا لقى الحيله عليك احتال
يبدا الحديث بحكيه المعسول= وينهي حديثه ما دريت اش قال
كنه على درب الوعر مجبول = تلقاه في غير القدا يجتال
يصول دايم في الخطا ويجول =والى نصحته قال كيف الحال!!
لوصحت في اذنه قال: ويش تقول؟= مايسمع الناصح ولاالعذال
راسه من جنون الطنخ ماهول= لوكان ما في الجيب غير اريال
عليه يقبل حول واقفى حول= والحال ماهو للصديق بحال
يقول مادام الجمل معقول = ليش اتوكل واعقله بعقال
عود يردد بالندم( لاحول)= ضاع الجمل بالحمل والجمال
زيد الحسناوي
[/poet]
تعليق