Tweet
[poet font="Simplified Arabic,4,white,bold,normal" bkcolor="green" bkimage="" border="double,8,black" type=0 line=200% align=center use=ex length=0 char="" num="0,black" filter=" dropshadow(color=black,offx=4,offy=4) shadow(color=black,direction=135)"]
الروح ومناها
.
من لعينٍ نجوم الليل تكلاها=ساهره يوم كلٍ حولها غافي
من همومٍ على الخلاق مشكاها=ومن نشد قلت أنا طيب ومتعافي
راس مالي رضى نفسي وتقواها=وإن طلبت اطلب الله ستره الضافي
عالم بروح عبدٍ بث شكواها=في دجى الليله اللي نورها طافي
مخفيٍ حاجته في الصدر ماابداها=غير للواحد اللي عالم الخافي
.
يالله اطلبك تحيي الروح بمناها=مثل ماتحيي ارضٍ عقب الإتلافي
جالها القيض والسافي تقفّاها=ولابقي شي عقب القيض والسافي
ثم سقت المزون اللي إنتثر ماها=من عطاك الجزيل ومدّك الوافي
علها الغيث بعد الموت واحياها=في بداية ربيع وجوّها صافي
وإكتست بالحيا يوم الله أعطاها=وإختلط نبتها من كل الأصنافي
وإشتبك فوق تربتها وغطاها=من بديع الزهور وزين الأوصافي
راحت أنعم من الديباج لوجاها=ترف الاقدام يمشي والقدم حافي
لين الاقدام تبرد عند ماطاها=يوم يبتلّ منها بطن الاخفافي
.
ذكرياتٍ جميله مانسيناها=منية الشاعر اللي يبدع القافي
يوم الأيام صفيت له وصافاها=قبل جفوة زمانه والزمن جافي
الله أكبر على الدنيا وجفواها=كيف تبدي الجفا من كل ميلافي
يوم تطري عليّ سنين عشناها=كنها حلم ليل ومرقدٍ دافي
مرت علوم لو إنا حكيناها=عند مرتاح لاجرّب ولاشافي
مايصدق صحيح إنا لحقناها=كنها من قصص ماضين الأسلافي
.
وجاتنا اليوم دنياً ماعرفناها=ترخي اللي رفيع وترفع الهافي
وللقيامه علاماتٍ وجدناها=أصبحت واضحه بالعين تنشافي
في طوال البيوت اللي بنيناها=عقب كنا بدون فراش ولحافي
مكثر بيوتنا لكن قفلناها=مابها حلّةٍ يلفي لها اللافي
ضِيفة الطرقي الجايع فقدناها=والمواجيب راحت دين واسلافي
.
وبهرتنا الحضاره وإقتحمناها=والغشيم إمتطاها خلف وخلافي
والحضاره ندوّرها ونبغاها=مير أخذها بعضنا جهل وإسرافي
كلما جات بدعايه قبلناها=كيف نجهل وفينا ناس عرافي
جاتنا بالحداثه وإستلمناها=ووصلت العولمه حتى للاريافي
خابت العولمه واللي تبناها=دعوةٍ ماوراها حق وإنصافي
والله ماني مصدقها بدعواها=لو تقدم لها تسعين حلافي
راس مالي رضى نفسي وتقواها=وإن طلبت أطلب الله ستره الضافي
.
.
عبدالله الطلحي
.
[/poet]
الروح ومناها
.
من لعينٍ نجوم الليل تكلاها=ساهره يوم كلٍ حولها غافي
من همومٍ على الخلاق مشكاها=ومن نشد قلت أنا طيب ومتعافي
راس مالي رضى نفسي وتقواها=وإن طلبت اطلب الله ستره الضافي
عالم بروح عبدٍ بث شكواها=في دجى الليله اللي نورها طافي
مخفيٍ حاجته في الصدر ماابداها=غير للواحد اللي عالم الخافي
.
يالله اطلبك تحيي الروح بمناها=مثل ماتحيي ارضٍ عقب الإتلافي
جالها القيض والسافي تقفّاها=ولابقي شي عقب القيض والسافي
ثم سقت المزون اللي إنتثر ماها=من عطاك الجزيل ومدّك الوافي
علها الغيث بعد الموت واحياها=في بداية ربيع وجوّها صافي
وإكتست بالحيا يوم الله أعطاها=وإختلط نبتها من كل الأصنافي
وإشتبك فوق تربتها وغطاها=من بديع الزهور وزين الأوصافي
راحت أنعم من الديباج لوجاها=ترف الاقدام يمشي والقدم حافي
لين الاقدام تبرد عند ماطاها=يوم يبتلّ منها بطن الاخفافي
.
ذكرياتٍ جميله مانسيناها=منية الشاعر اللي يبدع القافي
يوم الأيام صفيت له وصافاها=قبل جفوة زمانه والزمن جافي
الله أكبر على الدنيا وجفواها=كيف تبدي الجفا من كل ميلافي
يوم تطري عليّ سنين عشناها=كنها حلم ليل ومرقدٍ دافي
مرت علوم لو إنا حكيناها=عند مرتاح لاجرّب ولاشافي
مايصدق صحيح إنا لحقناها=كنها من قصص ماضين الأسلافي
.
وجاتنا اليوم دنياً ماعرفناها=ترخي اللي رفيع وترفع الهافي
وللقيامه علاماتٍ وجدناها=أصبحت واضحه بالعين تنشافي
في طوال البيوت اللي بنيناها=عقب كنا بدون فراش ولحافي
مكثر بيوتنا لكن قفلناها=مابها حلّةٍ يلفي لها اللافي
ضِيفة الطرقي الجايع فقدناها=والمواجيب راحت دين واسلافي
.
وبهرتنا الحضاره وإقتحمناها=والغشيم إمتطاها خلف وخلافي
والحضاره ندوّرها ونبغاها=مير أخذها بعضنا جهل وإسرافي
كلما جات بدعايه قبلناها=كيف نجهل وفينا ناس عرافي
جاتنا بالحداثه وإستلمناها=ووصلت العولمه حتى للاريافي
خابت العولمه واللي تبناها=دعوةٍ ماوراها حق وإنصافي
والله ماني مصدقها بدعواها=لو تقدم لها تسعين حلافي
راس مالي رضى نفسي وتقواها=وإن طلبت أطلب الله ستره الضافي
.
.
عبدالله الطلحي
.
[/poet]
تعليق