جديد محمد بن علوش ... (( يابن ضاحي ))

[poet font="Simplified Arabic,5,black,bold,italic" bkcolor="transparent" bkimage="" border="none,4,gray" type=2 line=350% align=center use=sp length=0 char="" num="0,black" filter=""]
ما ذخرت ابغي الجماله لكن عيا الزمان=الزمان اللي ما خلا حدٍ ما بار به

وما مشت الايام لي صح واللي كان كان=اه لو تدري بصاحبك واللي صار به

هي كذا الدنيا والايام ما فيها ضمان=كلٍ وفي باله ان الزمان يحاربه

والحظيظ اللي عطاه الله بالايمان امان=له مسارٍ لو ماربي كتب ما سار به

يابن ضاحي عقب اللي عطا عوده ليان=لا قست الايام عوّد يعض بغاربه

كيف ؟؟ لو ماحن فامان وزمان امن وطمان=كان طاروا به الاواليد .. والله طار به

يغفر الله للنشاما وسيعين البطان=والله لا يقطع رجا من قطع فاقاربه

فانك اعلم بانه آصل من الما للظمان=وانه ما اقفا اللي عقب بذته تجاربه

ولا تحكم الا على اللي فعل يمناه بان=اما كرم شاربه والا عقب شاربه
[/poet]

الشاعر الرائع جابر العلوش


يسعد صباحك بكل خير



وصح السانك على هالقصيده الوافيه يالوافي


دمت ودام ابداعك المميز والجزل

تحياتي لك





عبدالرحمن البراك

جابر


الله لا يهينك على نقل قصيد الولد الشاعر البيطار


محمد بن جابر بن علوش


ووالله انني كلي خجل ان اعلق على قصيدة هذا القرم


فمستواه اعلى من ان يعلق على القصيدة

الا بذكر الاسم فقط


وانا استغرب قراءها قليل .. والمفروض اي قصيدة لمحمد بن جابر


تثبت سنه على الاقل لكن .. ؟!!!!!!!!!!!!!!!!!!!!!!!

فهو شخص استطاع أن يجعل المتذوق يتشوق

لرؤية جديدة ..ويكون لة جمهور..و انا اولهم..


فلحرفه عبق خاص ..ينفرد به قلمه ..


حروفه يصوغها بأسلوب مميز فريد ..


دام عذب تواصله معانا ..


ونحن فخورون بوجود شخص يقدم بحسة.. ونبضة قبل قلمة..


ومتشوقون لرؤية جديد سيد الحرف فلا تحرمنا

يغفر الله للنشاما وسيعين البطان
والله لا يقطع رجا من قطع فاقاربه

فانك اعلم بانه آصل من الما للظمان
وانه ما اقفا اللي عقب بذته تجاربه

ولا تحكم الا على اللي فعل يمناه بان
اما كرم شاربه والا عقب شاربه


قصيده نبعها المعاناه الصادقه

لله دره من شاعر...


وانه ما اقفا اللي عقب بذته تجاربه
خطا املائ اللي...... الصح الاّ