البارحه غرتك دنياك والا 000 ودك على شوف العذارى تباهي
كلا تسمعها وانا اقول كلا 000 مالك لوى مانته بوامر وناهي
واليا عبس وجه الغرام وتولا 000 يبطي وهو عن ضحكة السن لاهي
والله يالولا عقدة ما تحلا 000 وأخشا يثور الشوق والشوق راهي
لابعدك بعد الغريب المجلا 000 لو كان ما لقا من بعدك الرفاهي
فان كان لك مقصد علي أتغلا 000 بعض الغلا يرث وراه الكراهي
عود ودنق والقلاده تدلا 000 بيدي وانا كحل العيون السواهي
وارفع طرف برقعك لين آتملا 000 جمر يناديه البرد يوم تاهي
وانشر جديلك والجبين ايتجلا 000 وتلين عنده يابسات الجماهي
بالطيب تلقاني شراب محلا 000 وبالغصب لاوالله دهي الدواهي
مكرمني المعبود عزا وجلا 000 صعب آتنازل عن وقاري وجاهي
(مشهور)
تعليق