[poet font="Simplified Arabic,4,darkblue,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
سبحانه اللي ماتنام عيونه = اللي عباده كلهم يرجونه
استغفره واسبحه واخضع له = واطلب رضاه وفي الشدايد عونه
ومرضاة شيباني يسهلها لي = حيث انها بعبادته مقرونه
وان يسّر الله طلبتي واعطاني = فاصعب صعيب بعدها ياهونه
كل العقد لو طوّلت منحله = حتى لو رماح الزمن مسنونه
واكبر قضيه في زمنا هذا = الساحة الشعبية الملعونه
شفنت العجايب والبلاوي فيها = وزادت على الصدر الوسيع غبونه
هرجه ودرجه شدها واحملها = واهل الصحافه صوتو مجنونه
قالو قصيده واصلها خثروقه = واللي نشرها قد كلا عربونه
صحافة اش حالك وخذني جيتك = الكيف بيبسي والقدوع التونه!
صحافة سعيّد خوي مبارك = والموتر اللي ماطلع كربونه
يامكثر العمدان في المطبوعه = يكتب بها الدندون والدندونه
والنشر والتوزيع ماشي سوقه = لان الغلاف تجمّله مزيونه
غرة حليمة مع شفايف ننسي = وادفع ضريبه وانفخ البالونه
وجمهورهم بقعا تصوعه دجه = لعيونهم اخر عدد يشرونه
بس الحقيقه مايلام الشاري = لو يدفع رياله مع مليونه
بنت الغلاف وشكلها الفتاني = ابرك ولا هزل الحكا يقرونه
ياثقل دمك يالملف الشعبي = اصبح مطبٍ والعرب ياطونه
يمكن تلاقي في الميه كم واحد = راعي جزيل وافيات لحونه
واما البقيّه شلة المتريّس = راعي الرحا والحبة المطحونه
سيف القصيد اخذوه غير اصحابه = حتى استوى قدره مع الحاجونه
صفصف كلامه والمحرر يرقب = يرقب عشا المقرود فوق صحونه
ونهايته ياشين تقفيلتها = اكلو عشاه وكسّرو ماعونه
شلة حسيب الله قصار القامه = ياليتها تحت الثرى مدفونه
وانا يدي من كل مافي الساحه = غسّلتها بالماي والصابونه
وابنصح اللي للجزايل ينظم = الدرج يحفظ منتجه ويصونه
ويعد جزلاته على الذويقه = في مجلس كل العرب ينصونه
عند الرجال اللي تثمّن قوله = اللي جزيل القول ماينسونه
اهل القصيد يقدّرون الشاعر = وان غاب عنهم رسّلو يدعونه
ماهم بشلة شد لي واقطع لك = ابشر ولو هو فارغٍ مضمونه
باسبابهم موروثنا به عله = غبّر صبيح وعوّدت لقرونه
والمشكله ماينقطع تاليهم = كلٍ بديله جاهز بكرتونه
صحافة التدليس يالله بدها = قدّام اذاهم صوبنا يرمونه
بقدرتك وبقوتك شتتهم = واعجم ياربي الشلة الملسونه
قلته وانا ماني مدّور شهره = وغيري يدوّرها ويحد سنونه
انا تكفّيني شهادة ربعي = وشهادة اهل المنتدى وفنونه
شهادة العراف نعم المكسب = عندي بقدر الدرة المكنونه
حفظو قصيدي دون سابق لقيا = حبو الجزيل اللي معي يلقونه
دارت وسارت واستوت طرقتها = ماعدها اللي ماسحٍ طبلونه
ويامن نشد عن مقصدي واسبابه = ويقول ناصر الاحمري وش شونه
باقول يامتنشد اسمع وافهم = ترى الذهب ماقد تغيّر لونه
لكن حداني صوب ماهليته = بدر الشهر وهلاله وعرجونه
والعن حقيقه لازمٍ توحيها = الوقت دار وبانت المدفونه
الشعر صار يثمّنه بولندي!= في الساحة الشعبية الملعونه
[/poet]
سبحانه اللي ماتنام عيونه = اللي عباده كلهم يرجونه
استغفره واسبحه واخضع له = واطلب رضاه وفي الشدايد عونه
ومرضاة شيباني يسهلها لي = حيث انها بعبادته مقرونه
وان يسّر الله طلبتي واعطاني = فاصعب صعيب بعدها ياهونه
كل العقد لو طوّلت منحله = حتى لو رماح الزمن مسنونه
واكبر قضيه في زمنا هذا = الساحة الشعبية الملعونه
شفنت العجايب والبلاوي فيها = وزادت على الصدر الوسيع غبونه
هرجه ودرجه شدها واحملها = واهل الصحافه صوتو مجنونه
قالو قصيده واصلها خثروقه = واللي نشرها قد كلا عربونه
صحافة اش حالك وخذني جيتك = الكيف بيبسي والقدوع التونه!
صحافة سعيّد خوي مبارك = والموتر اللي ماطلع كربونه
يامكثر العمدان في المطبوعه = يكتب بها الدندون والدندونه
والنشر والتوزيع ماشي سوقه = لان الغلاف تجمّله مزيونه
غرة حليمة مع شفايف ننسي = وادفع ضريبه وانفخ البالونه
وجمهورهم بقعا تصوعه دجه = لعيونهم اخر عدد يشرونه
بس الحقيقه مايلام الشاري = لو يدفع رياله مع مليونه
بنت الغلاف وشكلها الفتاني = ابرك ولا هزل الحكا يقرونه
ياثقل دمك يالملف الشعبي = اصبح مطبٍ والعرب ياطونه
يمكن تلاقي في الميه كم واحد = راعي جزيل وافيات لحونه
واما البقيّه شلة المتريّس = راعي الرحا والحبة المطحونه
سيف القصيد اخذوه غير اصحابه = حتى استوى قدره مع الحاجونه
صفصف كلامه والمحرر يرقب = يرقب عشا المقرود فوق صحونه
ونهايته ياشين تقفيلتها = اكلو عشاه وكسّرو ماعونه
شلة حسيب الله قصار القامه = ياليتها تحت الثرى مدفونه
وانا يدي من كل مافي الساحه = غسّلتها بالماي والصابونه
وابنصح اللي للجزايل ينظم = الدرج يحفظ منتجه ويصونه
ويعد جزلاته على الذويقه = في مجلس كل العرب ينصونه
عند الرجال اللي تثمّن قوله = اللي جزيل القول ماينسونه
اهل القصيد يقدّرون الشاعر = وان غاب عنهم رسّلو يدعونه
ماهم بشلة شد لي واقطع لك = ابشر ولو هو فارغٍ مضمونه
باسبابهم موروثنا به عله = غبّر صبيح وعوّدت لقرونه
والمشكله ماينقطع تاليهم = كلٍ بديله جاهز بكرتونه
صحافة التدليس يالله بدها = قدّام اذاهم صوبنا يرمونه
بقدرتك وبقوتك شتتهم = واعجم ياربي الشلة الملسونه
قلته وانا ماني مدّور شهره = وغيري يدوّرها ويحد سنونه
انا تكفّيني شهادة ربعي = وشهادة اهل المنتدى وفنونه
شهادة العراف نعم المكسب = عندي بقدر الدرة المكنونه
حفظو قصيدي دون سابق لقيا = حبو الجزيل اللي معي يلقونه
دارت وسارت واستوت طرقتها = ماعدها اللي ماسحٍ طبلونه
ويامن نشد عن مقصدي واسبابه = ويقول ناصر الاحمري وش شونه
باقول يامتنشد اسمع وافهم = ترى الذهب ماقد تغيّر لونه
لكن حداني صوب ماهليته = بدر الشهر وهلاله وعرجونه
والعن حقيقه لازمٍ توحيها = الوقت دار وبانت المدفونه
الشعر صار يثمّنه بولندي!= في الساحة الشعبية الملعونه
[/poet]
تعليق