اللــــيـــل مـوحــش

[align=center]السلام عليكم

اضع هذه القصيده بين ايديكم
وعسى ان تشفع لي عندكم بعد هذا الغياب[/align]


[poet font="Arial,5,black,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
وا كبدي اللي عافت الزاد صايمه=كن الهنادي بالمعاليق حايمه
واللي لجا بي كم لجا جاش غيري=وانا همومي في خفا الجوف عايمه
لا زل ثلثينٍ من الليل هاضت=عيني وعين مدله القلب نايمه
جلست افكر في الزمن ذاك الاول=والليل موحش والهواجيس هايمه
لامن طرى لي ماطرى قلت ليته= يرجع زمانٍ ماحضرت بقدايمه
حتى يبيّن كل وافي وهافي=يوم الفتى تغني يمينه عزايمه
مالوم وقتٍ بأوله ماغرني=تاليه كالهيب الثقيله قوايمه
كنه حلال القوم عاقت ولدها=لا خلته يمشي ولاهيب رايمه
قشرى بطن للغير حلو(ن) حليبها=عزاه لو امسك خطام الظايمه
وانا ادري ان تحت السواهي دواهي=تالي زمنّا عايذٍ من وخايمه
والوقت وقت البوم والتبع والمره=ونفسي عن الهزلات والهون شايمه

وسلامتكم
[/poet]

الشاعر عبدالله


قصيده رائعه يالغالي في مجملها


واجبتني ها البيتين

لا زل ثلثـيـنٍ مــن الـلـيـل هـاضــت ==عيـنـي وعـيـن مـدلـه القـلـب نايـمـه
جلسـت افكـر فـي الزمـن ذاك الاول == والليـل موحـش والهواجيـس هايـمـه


صح الله لسانك


والله يعطيك العافيه

عبدالله

صح لسانك


حـتـى يبـيّـن كـــل وافـــي وهـافــي
يــوم الفـتـى تغـنـي يميـنـه عزايـمـه


ودمت لنا

وانا ادري ان تحت السواهي دواهي
تـالـي زمـنّـا عـايــذٍ مـــن وخـايـمـه
والوقت وقـت البـوم والتبـع والمـره
ونفسي عن الهزلات والهون شايمـه



قصيده رائعه من شاعر رائع
صح لسانك

والوقت وقـت البـوم والتبـع والمـره
ونفسي عن الهزلات والهون شايمـه




هنا المشكله وهنا الحقيقه




لله درك يا عبد الله




قلت وطلت وأبدعت




ولاهى غريبه




تحياتى

صح لسانك









يابن دريب













قصيده جزله


وبيض الله وجهك

رغم مرارة هذه القصيده

الا انها كاالقهوة المشتهاه..

قصيده صادقه وحارقه

وجزله من جزل ..


لاهنت وصح لسانك
ياعبدالله .


تقبل تحياتي
وتقديري,,,