قصيدة ... فصول المسرحية .

[poet font="Arial,5,darkblue,bold,normal" bkcolor="silver" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
جابك الله والزمن بيننا شاهد عيان= للهموم الباقية والجروح الأوليه

في غرامك ناوي القلب يصدر لك بيان=هذاأنسب وقت نكشف ملفات القضيه

أقدم المدعو خفوقك على سلب الحنان=من خفوقي لين صارت حياتي لك ضحيه

وأسفر التحقيق إنك على هجري مدان=سابق الإصرار غير الترصد بالخطيه

الأدلة واضحة كل شيٍ فيك بان=ظالمٍ يومك دفنت الغلا والنفس حيه

مابقي غير إعترافك على هدم الكيان=قرّب التنفيذ بالحكم وش عندك وصيه

إنتهى شوق المواعيد وبرد الزعفران=يوم كنا نلتقي في ليالي نرجسيه

للحديث أشجان يبدأ بصبح القحويان=والمسا ينثر غناوي لحون السامريه

كل ذكرى ساقت الريح من نفس المكان=هزت اللي بالمعاليق في روحة وجيه

صاحبي لك شاعرٍ به طموح وعنفوان=من شجونة ينبض الحب بعروقٍ نديه

ينتظر نقع المطر منك في هاك الزمان=مامنحته من ظلالك بوقت القيظ فيه

لكن إنه مارضي يمسك يدين الهوان= صابرٍ لو هي جميع المساري سرمديه

حالف إني لآخذ الصعب في كسب الرهان=لين أخايل في سحاب الهوى برق برديه

إعتبر قصة هوايه معك كبوة حصان=لوتثاقلت المسافات وأتعبت المطيه

دامني في مهرة الحرف شديت العنان=لاتحاول في قصيد الغلا تشره عليه

مال دربك عن دروبي ومال السنديان=وإنتهت في عيني آخر فصول المسرحيه

إنطفى مع دقة الوقت نور الشمعدان=لين ضاعت من قصيدي حروف الأبجديه

سامحك ربي توكل على درب الأمان=العفو سلم المحبين عند المقدريه

لك أمان الله وأمانه علي في كل شآن=مستحيل إني أجازيك بالسيات سيه

ما على مثلك عتب والقصيدة إمتحان=حبنا يمديه يجمع حطام المزهريه

قلتها لك من ضميري بليا ترجمان=من يحب بصدق ماظنتي ينسى خويه


[/poet]

[frame="7 80"][poet font="Simplified Arabic,4,darkblue,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
جابك الله والزمن بيننا شاهد عيان,,,,,,,,,,,,,,للهموم الباقية والجروح الأوليه

في غرامك ناوي القلب يصدر لك بيان,,,,,,,هذاأنسب وقت نكشف ملفات القضيه

أقدم المدعو خفوقك على سلب الحنان,,.,من خفوقي لين صارت حياتي لك ضحيه

وأسفر التحقيق إنك على هجري مدان,,,,,,,,سابق الإصرار غير الترصد بالخطيه

الأدلة واضحة كل شيٍ فيك بان,,,,,,,,,,,,,,ظالمٍ يومك دفنت الغلا والنفس حيه

مابقي غير إعترافك على هدم الكيان,,,,,,قرّب التنفيذ بالحكم وش عندك وصيه

إنتهى شوق المواعيد وبرد الزعفران,,,,,,,,يوم كنا نلتقي في ليالي نرجسيه

للحديث أشجان يبدأ بصبح القحويان,,,,,,,والمسا ينثر غناوي لحون السامريه

كل ذكرى ساقت الريح من نفس المكان,,,هزت اللي بالمعاليق في روحة وجيه

صاحبي لك شاعرٍ به طموح وعنفوان,,,,,,,من شجونة ينبض الحب بعروقٍ نديه

ينتظر نقع المطر منك في هاك الزمان,,,,,,,مامنحته من ظلالك بوقت القيظ فيه

لكن إنه مارضي يمسك يدين الهوان,,,,,,,,صابرٍ لو هي جميع المساري سرمديه

حالف إني لآخذ الصعب في كسب الرهان,,.لين أخايل في سحاب الهوى برق برديه

إعتبر قصة هوايه معك كبوة حصان,,,,,,,,,,لوتثاقلت المسافات وأتعبت المطيه

دامني في مهرة الحرف شديت العنان,,,,,,,لاتحاول في قصيد الغلا تشره عليه

مال دربك عن دروبي ومال السنديان,,,وإنتهت في عيني آخر فصول المسرحيه

إنطفى مع دقة الوقت نور الشمعدان,,,,,,لين ضاعت من قصيدي حروف الأبجديه

سامحك ربي توكل على درب الأمان,,,,,,,,,,,العفو سلم المحبين عند المقدريه

لك أمان الله وأمانه علي في كل شآن,,,,,مستحيل إني أجازيك بالسيات سيه

ما على مثلك عتب والقصيدة إمتحان,,,,,,,,,حبنا يمديه يجمع حطام المزهريه

قلتها لك من ضميري بليا ترجمان,,,,,,,من يحب بصدق ماظنتي ينسى خويه
[/poet][/frame]



صقر السلوة


هلابك وغلا

لاهنت وتسلم يمينك

وصح السانك مدد بلا عدد

تحياتي

[align=center]
( محمد العاطفي )

أهلاً بهذا البياض ، وهذا الوفاء الذي لايستغرب .

وإن كنت قد منحتني الكثير من بهائك .

تقبل كل التحايا وأعذبها [/align]