قصيدة .. طفل المشاعر .

[poet font="Arial,6,darkblue,normal,normal" bkcolor="skyblue" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
تقبليـن الـعـذر؟ قالـت:أخـاف العـذرواهـي= قلـت مــن عقـبـك جمـيـع الليـالـي خـاويـه

تذكريني زين؟ قالت :ذكرتك وإنـت لاهـي= قلـت لــو ذنـبـي تـنـدم وش إنـتـي نـاويـه؟

ياغناتي جت ظروفي على عكس إتجاهـي= لاتلوميـنـي وأنــا الـلـي جـروحـي كـاويـه

سامحيـنـي لويبـيـن الخـطـا قـبـل إنتبـاهـي=الـمـولـع بـالـهــوى دوم نـفـســه غــاويــه

إن تواضعتـي علـى هيبتـك يختـال جاهـي= زلــة الأحـبـاب مـاهــي مصـيـبـه داويـــه

إكسري عين المشاريه دام الرمـش ساهـي= الـرجـاء شـمـسٍ أشـوفـه بعيـنـك ضـاويـه

خابرك وردٍ تفرعن على الأغصان زاهـي= لويـجـف الـكـون كـلـه غصـونـك راويـــه

إنتي أقصى ماوصلته وفيك الحسـن ناهـي= ينتـثـر عـمـري ولاجـلـك سنيـنـي حـاويـه

في هجير البعد يبست مـن الفرقـا شفاهـي= سـيّـرن طـفـل المشـاعـر لــدرب الهـاويـه

ماسلت روحي من الشوق بغيابـك ولاهـي= غـايـبـه صـــورة خـيـالـك بـعـيـنٍ هـاويــه

لاتثنـى لـيـل خـوفـي وزفــرات إشتبـاهـي= يلـفـح الخـاطـر صــدى للـذيـاب الـعـاويـه

مـن رداة الحـظ يطـوي مـع البيـدا متاهـي= لـيـن صــارت وجهـتـي كـلـهـا متـسـاويـه

لوحـة الماضـي غـدا لونهـا بالحيـل فاهـي= لاتـذكـرتــه بـعـيـنـي تـضـيــق الــزاويـــه

هو صحيح إن السواهي تلاقي به دواهي؟= مـن متـى صـارت عـزوم الأمانـي ثـاويـه

والله إنـي بـالأمـل ظـافـي الأردان راهــي= فـــي حـيـاتـي مــيــزةٍ لـلـتـحـدي قــاويــه

مدلي كف الرضا لاجل أماري بك وأباهي= راحتـي لاشـفـت نفـسـي مـعـك متخـاويـه

[/poet]

صقر السلوه


راااااااائع

واحاسيس مرهفه وعذبه


صح لسااانك

وجااااد بنانك

واعتلا شانك

ولاهنت

جزله

ووافيه

وورائعه

لله درك

تقبل تحياتي

اخوك

[align=center]
( خالد سعد بن حطاب )

دائماً تغمرني بكرمك أيها النبيل ..

أشكرك على قراءتك وحضورك

تحياتي[/align]