رسائل ربما تصل

(1)
ماراح منهو صدفة اعيون لاقاك
--------- وسط الزحام وثار همة حنينك

لو راح باقيله عــــلى بيد ذكراك
------ باقي وراح اللي يصـــافـح يميـنك

ماهو اكيد يروح من مر دنياك
-------- صدفه ولا جاك الذي عند عينك

واحد اذا مرك وقف لو تعداك
--------- واحـــد تعـدا لو يده في يدينك

ياخافقي وان قلت لطرف لولاك
-------- ماكان ما جا من وزر نظرتينك

لاتلوم طرف العين في كل ماجاك
------- هــذا قدر عمرك وهذي سنينك

شف لعبت الاقدار في من تمناك
------- قـلبه ومن صدفه غدالك ظنينك

هذا حضر غايب وذا غاب ومعاك
----- حاضر مابين احساس قلبك وبينك

لاشك ناد اللي رقيق(ن) وبكّاك
---------- وقله ديار اهلي ثرى والدينك

عسى الذي مرك من اقصاك لاقصاك
-------- يدري بك انك من شمال ويعينك






(2)

قالت مسافر؟ قـــلت بعـــد اذان عـــمري
-------- قالت خـــــويك؟ قـــــلت اخــــويه وعيا

قـــالت لحـــالك؟ قـلــت شـــاعر وشعري
------- انــشـــهد انــــه صــــاحــبي لا تــــــهيا

كـــل الســـــفر مشـوار لـــــفه وكـــبري
------- لا قـــــلت لــه هـــــيا ولا قـــــال هـــــيا

ماهــــو مــــثل من جــيت له يوم عبـري
------- ابن امي اللي قــــلت لـــه يا اوخـــــــيا

هــــــذا السفر محتاج من هــــمه امـري
------- اللي يــتــفـــياني وفــــــــــيه اتــــفــــيا

اللي بلـــيلة مـــولـــدي كــــان كــــبري
------- والـــــيوم انا كــــــــــــــبره ولا بـر فيا

قدرت كبره مارحم ضعف صغري
---------- لاالعين شافتني ولا القلب حــــــــيا

وغضبت حيل(ن) وانخجل وجه صبري
------- وده يصــــافحني وعـــيــــت يـــــــــديا

ودمــعي جـــرى لاماهـــو بدمـع يجري
------- من سم سهم الغــــدر قــــلبي تــــقــــيا

خــطــير لو ماهــــاتفــتـــني لقـــــبري
------- غــيـــضي يــوديـــني ويجـــني عـلـــيا

هــدتـــني اللي هـاتــفــتـني وصـــدري
------- مـكــــانــها لا قــــلت هـــــــذي هــنـــيا

قـــالت مســافر؟ قـــلت باطــــيع جبري
------- وعــصي هــــوى كيف الامل ياقمر ..يا

...عــــمري وقــــالت باسلامه وخبري
------- قـــلبي مــــعي حــتى قـــفـــل خــط ريا

وناديت الاشعار وغدى الصوت حبري
------- والسالــــفه هـــمسة جمــــيلة محــــيا

قالت مسافر؟ قــــلت بعد اذن عــمري
------- قــالت خـــويـك؟ قــلت قـــلبي وعيا




(3)
في اجازت مرض رجلي سرت
------ يم دارك وانا فعل(ن) حضيض

برتــــفاع الحـــــــراره حررت
------ علتي خطوت الدرب العريــض

هــذا انا جـــيت لك لو صخـنت
----- دولة الجسم لك شوقي يفـــيض

والله انــــه وانا جســـمي نـبت
----- شوك(ن) وكحتي تنفض نفيض

ضحكتي في غيابك ما ســــوت
----- كحتي يوم انا جـــنـــبك مريض

ياعـسى وعــــكة(ن) بي قربت
----- ماتجي صحتي عنها عـــويض
__________________
احمد سويلم الاسحم

الغالي احمد





صح لسانك على الابداع





سلمت ودمت يالغالي

اخي فارس

مرورك الكريم

من كرم اخلاقك

تشرفت بك ودمت بخير

[align=center]



كلمات عذبة وشاعر مرهف


لاهنت ..


صح لسااااااااااانك ..


انتظر جديدك


سعد بن مسهوج[/align]

الشاعر /احمد





صح لسانك وعلا شانك000





سلمت ودمت يالغالي000


موفق


تحياتي

السلام عليكم




الغالي أحمد السويلم



ابيات غايه في الروعه و الجمال




تسلم البنان الذي صاغتهااا

لك خالص تقديري

اخي العزيز \ سعد

تحيه لك ايه الرائع

وتشرفت بقدومك العذب

دمت رائع