خميــــس الشقا

[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
ياخميس الشقا نقّصت زودي = من خبرك المدويّ والشنيع
حسبك الله جعلك ماتعودي = وحسبي الله على ذاك المذيع
اتسمّع وجودي ما يجودي = والتلفزون والرادي يذيع
الخبر موت منسوب الجدودي = قدّر الله ويلزمنا نطيع
اتصبّر وبيّحت السدودي = ماهنا صبر يالسد المنيع
واتحسّر ودمعاتي شهودي = الخبر يجعل الواقف صريع
راح رمز الشجاعه والصمودي = سيّدي راعي الصدر الوسيع
يوم حطّوه من بين اللحودي = هلّ يادمع واضعف ياشجيع
وياعيوني بدمع الحزن جودي = ونّة الحزن تقرع بي قريع
الحزن عمّ شبانٍ وعودي = ولحق حتى الرضيعه والرضيع
وحزني اليوم عدّا للحدودي = فاق ماصاب شالح في الفديع
مت وانا استوت بيضي وسودي = واستوى الورد مع شوك النقيع
مت بعدك نويت ابيع ذودي = عيشتي بعد بو خالد ضريع
كيف بعدك بنرقى للسنودي = كيف ياصاحب القدر الرفيع
سيّدي سيّدي ممدوح فودي = بعد ابوك الامانه لا تضيع
فيك اشوفه ياحلاّل العقودي = ماتوفّى وممدوح الطليع
وش بقى الا وجودي يا وجودي = والدعا له وخالقنا سميع
بابتهل في الركوع وفي السجودي = وادعي الله وربي يستطيع
يا الهي مسيّر كل نودي = بامرك الصلب والقاسي يميع
اسكنه وسط جنات الخلودي = بين ذاك المشفّع والشفيع
مع محمد ومع موسى وهودي = ومع هل الخير واصحاب البقيع
واعطنا الصبر والصبر امحمودي = فاشهد ان فقد ابوخالد فظيع
واحسن الله عزا الشعب السعودي = واحسن الله عزا الدنيا جميع
في فقيد الوطن نسل الاسودي = قدّر الله ويلزمنا نطيع


[/poet]

صح لساانك ياناصر والله يرحم ابو خالد


كلنا نتالم على فراقه ولايسعنا الا الدعاء له



اخوووك

صح الله اللسانك

صح لسانك وبيض الله وجهك



والله يرحم موتانا والمسلميين




جراح

صح الله لسانك يا ناصر


ورحمة الله على الامير عبدالرحمن بن سعود وأسكنه فسيح جناته




مشاعر طيبه من شاعر أطيب







تقبل خالص تحياتي

[ALIGN=CENTER]

ناصر الأحمري


صح لسانك

رحم الله الامير _ عبد الرحمن بن سعود

مشاعرك طيبه من شاعر اطيب

تقبل تحياتي

راشد الكاظم [/ALIGN]

ناصر الاحمري

صح السانك

هذا حال الدنيا

الله يرحمه ويرحم اموات المسلمين

تقبل تحياااتي