[poet font="Simplified Arabic,4,darkblue,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
إنشرح يابال مع هب النسايم = وجرّها بين القصيره والطويله
سحرها ماينحسب ضمن العزايم = استدارت في الضمير وشد حيله
للجبل راقي وللغبّات عايم = في البحر والبر ماضاع الدليله
السلع مابين بيّاعٍ وسايم = واستوى سعر السمينه والهزيله
دارت الدنيا ولقّتنا الهزايم = يالله انك لاتورّدنا الفشيله
والبعير شعيل بالحمله تزايم = والبلا في الذود مانلقى بديله
العظيم يهوّن علومٍ عظايم = والصغير استكثر علومٍ قليله
لا تجازون الشتايم بالشتايم = الشتايم وش وراها من حصيله
الولد لو هي توفّيه التمايم = كان دمها كل يوم يسيل سيله
لكن الوقفات في يوم الخصايم = تفرق الكف السخيّه والبخيله
والسخا ماهو بتكثير الولايم = السخا لا زبّن الواحد دخيله
قبل تقسيم المكاسب والغنايم = حلّو الموضوع ياصحاب الفضيله
البشر قسمين مستقعد وقايم = والرذيله من نصيب اهل الرذيله
راح وقت اللي يلفّون العمايم = يوم كان الرجل ينطح له قبيله
وحل وقت اهل النقاصه والنمايم = لاجل غايه ساقطه تصنع وسيله
الرعايا شابعه والذيب صايم = يلمع البرّاق لكن من يخيله
والحمامه طايره والصقر حايم = يالخفيفه ليه زعّلتي الثقيله
واحدٍ صاحي وتسعين الف نايم = واعذاب الصاحي من اوباش جيله
والعلوم مصلّحه والجو غايم = والجباه مفلّقه والقتل غيله
فاحمدو ربي مادام الستر دايم = قبل مايرقد مهنّا مع جميله!
[/poet]
إنشرح يابال مع هب النسايم = وجرّها بين القصيره والطويله
سحرها ماينحسب ضمن العزايم = استدارت في الضمير وشد حيله
للجبل راقي وللغبّات عايم = في البحر والبر ماضاع الدليله
السلع مابين بيّاعٍ وسايم = واستوى سعر السمينه والهزيله
دارت الدنيا ولقّتنا الهزايم = يالله انك لاتورّدنا الفشيله
والبعير شعيل بالحمله تزايم = والبلا في الذود مانلقى بديله
العظيم يهوّن علومٍ عظايم = والصغير استكثر علومٍ قليله
لا تجازون الشتايم بالشتايم = الشتايم وش وراها من حصيله
الولد لو هي توفّيه التمايم = كان دمها كل يوم يسيل سيله
لكن الوقفات في يوم الخصايم = تفرق الكف السخيّه والبخيله
والسخا ماهو بتكثير الولايم = السخا لا زبّن الواحد دخيله
قبل تقسيم المكاسب والغنايم = حلّو الموضوع ياصحاب الفضيله
البشر قسمين مستقعد وقايم = والرذيله من نصيب اهل الرذيله
راح وقت اللي يلفّون العمايم = يوم كان الرجل ينطح له قبيله
وحل وقت اهل النقاصه والنمايم = لاجل غايه ساقطه تصنع وسيله
الرعايا شابعه والذيب صايم = يلمع البرّاق لكن من يخيله
والحمامه طايره والصقر حايم = يالخفيفه ليه زعّلتي الثقيله
واحدٍ صاحي وتسعين الف نايم = واعذاب الصاحي من اوباش جيله
والعلوم مصلّحه والجو غايم = والجباه مفلّقه والقتل غيله
فاحمدو ربي مادام الستر دايم = قبل مايرقد مهنّا مع جميله!
[/poet]
صح الله لسانك وسلم بنانك ياناصر
ياسلام ياسلام
تعليق