Tweet
اضمن لي ان البحر مافيه حوريه
.................. واضمن لك انه يظل حكاية المينا
الله يرحم جدار ٍ كان له فـّـيه
.................. وكانت تسمـّي علينا كل ماجينا
نرمي تعبنا عليها كل عصريه
.................. نتبع قدرنا وتتبعنا خطاوينا
انا وذاك وهذاك .. وكانت بنيه ..
.................. تطل من جرحها وتبشره فينا
اذا استلان الزمان احد ٍ بكت هيه
.................. واذا استهان المكان احد ٍ تباكينا
وفي يوم كان الدفا صوت الشماليه
.................. نادت : حبيبي .. وجينا نرفع ايدينا
خلّت يديهم وجتني وانكسر فيّه
.................. صوت , وصدى صوت : ( تكفى لاتخلينا )
رجعت الّم الشتات وضاعت ايديه
.................. كل ماجمعته تبعثر تحت اسامينا
ورحنا نعدّي وكل ٍ عبرته حيه
.................. حتى الزوايا بكتنا يوم عدّينا
انا وذاك وهذاك وكانت بنيه
.................. وقبل انتفارق كتبت اللي يعزّينا:....
(( اضمن لي ان البحر مافيه حوريه
.................... واضمن لك انه يظل حكاية المينا ))
وان
كيدهن
لعظيم
تعليق