الاهداء للشاعرين (خوي المطاليق) ( المبدع ) ..

هذه القصيده اهداء للشاعر خوي المطاليق والشاعر المبدع بمناسبة القصيده اللغز يا مدرك الدعوى خطر ورد الشاعر المبدع وحله لهذا اللغز..

====================== القصيده =============================


سلام يارجّال واخر لرجّال
====================== ياراعي الاولى ويازوج الاخرا

لله دره عارف كل الامثال
===================== ما يجهله من مجد الاجداد ذرّا

ابدع وهو في نظم الامثال يختال
===================== يبغي الصميدع يعرف شلون يقرا

واعرف ترا ماكل من يلبس عقال
===================== الى قراه تقوا ياناس بقرا

يغوص في بحرالقصيده ويجتال
===================== ما يعرف الا قول حقرا وبقرا

هزيتها لا والله علومها ثقال
===================== هذا واناخيّال صفرا وشقرا

اصبحت مع الافكار في حرب واهوال
===================== والا انتبهت الا وانا وسط شقرا

اعلنت عجزي قلت ياناس موال
===================== حتى ولوكنت اشقر الشعر شقراء

تدوّراللي للصعيبات حلال
==================== شيخ على روس المعالي مجرا

ما هوب همه وين يلقا له ضلال
===================== ذيب يجر عواه بالليل جرا

فكك طلاسمها البطل ذيب الادغال
===================== ذيب على كسب الغنيمه تجرا

حلل معانيهابلا شك مامال
===================== يوم ان كل من قراها تبرا

مرهيبها يبدع سمينات وجزال
===================== كنه يغرف العلم من وسط بحرا

ابدع ونظمها على قرش وريال
==================== وعيوننا مما قرت جات بحرا

انشهد ان بالهرج ما هوب دجال
==================== حط النقط على الحروف وتحرا

واختامها سلام رجّال لرجال
==================== اللي على كسب المراجل مضرا


وتقبلوا تحيات اخوكم /// حكيم الجامعه




[تم تعديل الموضوع من قبل حكيم الجامعه بتاريخ 03-25-2001 الساعة 01:09 AM]

اخوي العزيز ..... حكيم الجامعه...

يا سلام عليك ...

ويستاهلون الربع كل خير .....

المبدع شاعر كبير ولا عليه خلاف ويسرني تواجده بالمنتدى ..

بالنسبه للأخ الغالي خوي المطاليق ...

هذا الانسان اكبر من الشعر بمراحل ما يتصورها الا اللي يعرفه عن قرب .. وفي حالات كثيره ما يستوعبها ... لانه هو والبحر اخوان.

اشكرك اخوي حكيم الجامعة على اتحاف المنتدى بالعلوم الطيبه ..

وياليتنا نسوي سواتك ونزيد من تقاربنا ببعض وترابطنا واخوتنا ..

تقبل تحياتي ..

اخوك:
امرىء القيس

[تم تعديل الموضوع من قبل ولدعبس بتاريخ 03-25-2001 الساعة 08:27 PM]

صح لسانك يا حكيم الجامعه والله لايهينك ولا عليك زود

المبدع شاعر كبير وربما اغلبكم يعرفه باسمه الحقيقي

عندما عرفته واتصلت به لم استغرب حله للقصيده شاعر كبير ومتمكن جدا وخاصة في ابيات المعنى

.....
الأخ ماجد بن محمد

الله لايهينك وماعليك زود

المقابله معكم كانت شرف لي افتخر به وصدقني اني لا اعد نفسي إلا تلميذ هنا استفيد من كل شاعر اقرأ له

...........................

ملاحضه :

سوف تقرأون قريبا قصيدة يامدرك الدعوا رقم(2)

وستخصص جائزة ثمينه ماديا ومعنويا لمن يرد عليها بالوجه الصحيح

هذا اذا اذنتو لي طبعا . لاني خايف ان بعضكم لا يؤيدني , أو اني غثيتكم بالأولى

عطوني رايكم




خوي المطاليق

حكيم الجامعه..........على نذر انك خذيت حقك من الابداع وشاركت اخويك خوي المطاليق واخوه المد المبدع الابداع.......قلتها من زمان واقولها الان.......فوق فوق انت احس انك ترقا بدون سلم من دخلت المنتدى وانت في مستوى تصاعدي لله درك قسم بالله ما اجاملك

خطير خطير......شئ فوق المستوى انا يهمني هالمستوى التصاعدي
ياشيخ فرضت نفسك بنفسك بطيب اخلاقك وجمال طرحك.
يابعد راسي ياحكيم الجامعه.

اخوك/عبدالله بن فلاح الهاجري

صح صح صح الساااانك يا حكيم الجامعه

قصيدة رائعه في كل شي الله لا يحرمنا منك يا حكيم الجامعه

تسلم يمينك والله يعطيك العافيه

تسلم ياحكيم الجامعه .. جعلك والله تسلم ... وصح لسانك..

ماعليك زود الله لايهينك .. وبيض الله وجهك يالغالي

وتسلم ياامروء القيس .. هذا من ذوقك .. والله لايهينك ياخوي المطاليق .. ولاتهون يالواثق والبراق ..

الصراحه ان النداوي يضم نخبه من الشعار والتواصل مع امثالكم زود .. جعلكم والله تسلمون

ههههههههههههههههههههههههههههههههههه



الله يقطع ابليسك يا خوي المطاليق ..

يوم تعشينا تقول لماجد :
وينك دقينا عليك وجوالك مقفل ؟
وماجد مستغرب جدا من السالفه هذي .؟؟ لان اللي دقيت عليه انت انا مهوب ماجد

والحين تقول :

الأخ ماجد بن محمد

الله لايهينك وماعليك زود

المقابله معكم كانت شرف لي افتخر به وصدقني اني لا اعد نفسي إلا تلميذ هنا استفيد من كل شاعر اقرأ له

ياخي والله ان ماجد ما رد على الموضوع هذا

هذا انا عزيزي امرىء القيس (عايض الهاجري)

ماجد اسمه ماجد بالمنتدى

وانا اسمي بالمنتدى امرىء القيس ....... واسمي الحقيقي عايض راشد الهاجري ..

الظاهر انّا تعبناك بالقصيد ذاك الليل وقمت تلخبط

شكرا لك عزيزي ..

ولاعاد تعودها

اخوك:
امرىء القيس ..... ( عايض الهاجري )

اخوي حكيم الجامعه ......

سكبت الدهشه في اسماعنا بهذه القصيده ...

وحلوه سالفة الالغاز .

اخوي امريء القيس ....

شكرا لك على متابعتك وابداء ملاحظاتك التى تشرفني وتتحفني بها

واعتبرها نبراس ينور لي طريقي..

الاخوان يستاهلون اكثر على هذ الابداع الجميل وهذا اقل واجب ممكن نقدمه لهم..

اخوك/// حكيم الجامعه

اخي العزيز خوي المطاليق ....

لا شكر على واجب وانا اخيك هذا اقل واجب ممكن نقدمه لك ولشرواك

لما يمتعونا به من روائع سواءا شعر او غير شعر..

والمعذره على القصور الله يطول عمرك على طاعه..

اخوك /// حكيم الجامعه

------------------------------------------------------------
اخوي ابو فلاح طويق الشعر ...

الله لا يهينك ويرفع مقدارك هذا من الله ثم من تعليماتك ياستاذي العزيز. والعين ما تعلى على الحاجب..

لك مني كل الحب والتقدير..

تلميذ المدرسه الطويقيه/// حكيم الجامعه

اخوي البراق ....

تسلم والله لا يهينك على الاطراء الجميل والتواضع الجم ..

واشكرك على متابعتك لما اكتب وهذا هو اللي يدفعني الى المزيد من الابداع...

تقبل تحيات اخوك الصغير /// حكيم الجامعه

------------------------------------------------------------

اخوي المبدع ....

لك مني الشكر الجزيل وانت اللي تستاهل الشكر على ما اتحفتنا به من عصارة جهدك وتفكيرك . انت راعي الاوله..

وهذا اقل واجب ممكن اقدمه لك وللنشاما اللي مثلك ..

والمعذره على القصور وانا اخيك ..

اخيك الصغير /// حكيم الجامعه

اختي العزيزه النايفه السهلي ...

شكرا جزيلا لكي من الاعماق على الاطراء الجمييييل جدا من شاعره مثلك واشكركي على التواضع الجم...

وهذا هو الدافع الحقيقي لتقديم الافضل بأذن الله ..

تقبلي تحيات اخوكي الصغير /// حكيم الجامعه