Tweet
صباح الخير اخواني اعضاء وزوار المنتدى الشامخ النداوي احبيت اشارك معكم في صوت وصدى بيني وبين اخي العزيز والشاعر الكبير عبد الرحمن صامل الرويضي وارجو ان تحوز على رضاكم
[poet font="Tahoma,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
تجهز على اللي تو من مصنعه ماجيب=جديد(ن) مقفل قبلنا مافتح بابه
عيله الورق مفروش ومشمع(ن) بالتيب=وغبار الوكاله فوق زيكه وبجنابه
موديل اربعه والفين مالمس لكزس جيب=ماطب الورش والسمكري ماتلهابه
تفكر بفكر مصممه ماترك به عيب=خبير(ن) من اليابان ياويش سوابه
خبير(ن) تعلم من هل العرف بالتدريب=عرف بالبلاد العلم كيف يتعلابه
خياله يرتب هيكل الجيب بالترتيب=تبصر بميزاته وشكله وبصطابه
على هدروليك يرفع البودي ياعجيب=ان كانك نويت مع الفيافي تمشابه
تقول اللعين مصممه لاهل التهريب=سمع بالنفود وصمم الرفع لحسابه
مصمم تصاميم(ن) تهول بها رهيب=وقبل لا يورد والزباين تحاكابه
حلي اشقر(ن) لاهد للصيد يانديب=يقطع فنأد الخرب لاهد مخلابه
تولم عليه من الاحسا الصبح خلك ذيب=ابعطيك خطي ثم عجل تعنابه
ابى تمشي الطبلون كله وقبل تغيب=قبل لاتغيب الشمس حايل تمسابه
تمسى ببيت مكرم الضيف راع الطيب=راع المرجله والطيب ثوبه ويزهابه
كريم السبال اللي بعيد(ن) عن أهل العيب=ابو نشمي اللي عالي الطيب عدابه
توصل سلامي له ومنه السلام تجيب=علوم(ن) تبشرنا بحاله وباصحابه
لعله بخير وفي ذرا عالم(ن) الغيب=من الشر والمكروه والحزن وسبابه
(خليف الوهيداني)
[/poet]
[poet font="Tahoma,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
وهذا الرد من الشاعر عبد الرحمن
على شاشة الديوان سجلي الترحيب = عدد من كتب شعر الهجيني و غنا به
لمن دز لي شعره على صدر صفحة ويب = عبر شاشة الديوان و جهلي خطابه
قبل لا يجي مرسوله اللي مشى بالجيب = قريت الرسالة و استسريت بكتابه
تحريت ياتيني من ارض الحساء نجيب = على شأن ينبيني عن أمره و ما جابه
و لكن عسى تأخيرته خير يالحبيب = عسى ما تعرض للصواديف و أنشابه
تحريت لكن طال بالغايب المغيب = و نبي نلتمس للغايب العذر بغيابه
خلاص الرساله واضحة ما تبي تنقيب = و صلني سلامك يا ذخر من تهقوابه
حلا عندي أحلى من حلا بارد الحليب = على كبد عودٍ طقه الجوع و اسطابه
ابشرك حنا بخير يا منزح الحريب = و لانشتكي من سوط بقعا و مشعابه
سهود الأمور بقدرة الواحد الرقيب = و الأحوال زينة و الزمن خير عشنابه
لو انه بدأ في عارضي يالرفيق الشيب = بدأ الشيب فينا و الشباب اقفت اركابه
أعذر الزمان وكل ما ب النصيب مصيب = و أعرف الرجال و مثلكم نحسب حسابه
كريم السبال امثالك مقلط العصيب = على مفطحات الحيل للضيف و اقرابه
عوائد هله و اجداده وكل سبع و شيب = يحافظ على ما ضيه و المجد يرقابه
عسى بجاه من يسمع لمشي النمل دبيب = يكافي خليف شرور هالوقت و تعابه
(عبد الرحمن صامل الرويضي )
[/poet]
تعليق