شعاع الفجر
[poet font="Arabic Transparent,4,white,normal,normal" bkcolor="black" bkimage="" border="groove,5,skyblue" type=1 line=200% align=center use=ex length=0 char="" num="0,black" filter=""]
( شعاع الفجر )
أنا وقت ٍ نسى الدنيا .. زمان ٍ عاشر الأحزان = أنا حين ٍ وغير الحين إذا مريت في حينك
أنا كلي على بعضي زمان( معذّب الوجدان ) = تعذّب حيل في ليلك وهو يعزف أفانينك
جمعت الشعر من ليلي وليل الشاعرة طغيان = عشقت الصبح من زود الحنين للمسة ايدينك
سكبت النور في حرفي فتحت لهاجسي بيبان = وطرت بعيد لاكني رجعت بشوق لسنينك
شعاع الفجر ياخذني من أقصى الخوف للشطآن = بمان الحب يتركني على مرسى عناوينك
أسج حروف قيفاني وأدور للهنا أوطان = وميض النور يكتبني جواب ٍ مقنع لسينك
سكنت بمعمعة شعري وعشت بعالم النسيان = ذبلت ولا ذبل نزفي على فلك ونسرينك
كتبتك حرف من شوقي على صدر الورق ريان = وعشتك شوق يدفعني إلى ظمك وتنوينك
أسرني غيهب الفرحة زمان لخاطر التحنان = حلم في ليل أيلولك زهر من عمر تشرينك
حبيبي الليل له قمرى على درب السهر عنوان = وأنا باصاحب القمرا على رسمك وتلوينك
ونتلاقى مثل نجمة ونجمة في دجى الحرمان = وليل الشوق ثالثنا ولا به بيني وبينك
ترى طبع الحزن يخلف عن الأفراح هو شتان = وأنا شفت الفرح يرقص بعين ٍ نامت بعينك
طلبتك لا تخليني زمان ٍ عاشر الأحزان = مدام أن الحزن غادر زمان ٍ مر في حينك
جود الحزن
[/poet]
[/align]
تعليق