حضن العيون

[poet font="Simplified Arabic,4,black,normal,normal" bkcolor="transparent" bkimage="backgrounds/1.gif" border="none,4,gray" type=2 line=200% align=center use=ex length=0 char="" num="0,black" filter=""]
اه من حضن العيون المقبله يوم التفّتي = قلت في قلبي امووووت واندفن داخل هدبها
انظرت لي واخجلتني وابتسم يوم ابتسمتي = قلت في قلبي؟ رضى؟ والا ابتسامتها غضبها؟
اسحرتني.. لااا .. ابد الا انسّحرت ومانسحرتي = هي كذا بس سحرتني! كيف لو اسمع عتبها؟
نضرتي من عقب ماهي فوق صارت غصب تحتي = ماوعيت الا وانا ... انظر بعيني في كعبها
اقسم اني صرت احس بالارض قالت ليه قمتي= كنها قامت تقول: الارض قلّت في ادبها
اعذريها الارض هي والكون لو في يوم نمتي= يسرقك حتىالمنام .. وعذره انه من تعبها
انخلقتي كالملاك؟وكانك اصلن انخلقتي= انتي فكره فالخيال.. ومابه انسانٍ قضبها
ماشتبه فيك الشبه .. وان اشتبه بك ماشتبهتي= اقرب اشباهك ثرى .... وانتي سماه اللي حجبها
لانظرتي فوق تحت؟ احساس من فيهم شبحّتي = يآآآقفون بصوت واحد؟ هالملاك؟ اشهوووو طلبها؟
ومشيّتك تهدي الهداوه ثقل وان لحضه ثبّتي = تثبت الدنيا معاها والزمن ياقف سببها
لو كبرتي فالعمر؟ اقول ماوالله كبرتي= تسلب العمر الجمال.. وهو بكبره ماسلبها
نضرتك فيها شغف وبصدّتك كلمة سمحتي = كنها تحكي غرور وكبر عن ميزة نسبها
تفضحين المنحشم فاللبس لامن بس سرّتي= وتستره فاللي تبي من شعرها والا هدبها
وشفّتك جمرٍ اشوفه ثلج لو لحضه ضحكتي=ولو يشوف الجمر مؤمن قال اصلّوني لهبها
ويفضحك عطرك وروج بشفّتك ساعة كشختي= غار من روجك وقال؟ اشلون ياتي معّ ذهبها؟
؟ ان سمعتي ماسمعتي؟ او سمعتي مافهمتي= ودي اعرف هو شعوري؟ لو اقوله بيعجبها؟
قلت هذا في عيونك وانتي اصلن ماسمعتي= آه ياحظن العيون .... ونظرتي لاسفل كعبها...
تمت
[/poet]

الله الله الله

صح اللسانك يالقرم مثل هالقصيده تروح للصفحه الثانيه وماعليها ردود


جزله ومن صح لسانك

ويفضحك عطرك وروج بشفّتك ساعـة كشختـي
غار من روجك وقال؟ اشلون ياتي مـعّ ذهبهـا؟
؟ ان سمعتي ماسمعتـي؟ او سمعتـي مافهمتـي
ودي اعرف هو شعوري؟ لـو اقولـه بيعجبهـا؟
قلت هذا في عيونـك وانتـي اصلـن ماسمعتـي
آه ياحظن العيون .... ونظرتي لاسفـل كعبهـا

وربي ابداع

صح السانك اخوي

قصيده تشرفت في قرائتها


متابعتي الدائمه

تركي الديحاني

الله الله عليك

صح لسانك والله يالقرم








تسلم





ناصر المجماج

لله الله الله

صح الله اللساااانك وافيه ومن وافي

















وتقبل اعجابي



جراح

محمد بن هضيبان
مشرف المحاوره وعيون الشعر

ردك ورد امثالك يكفي من العشر صفحات ..



تشرفت بردك الكريم ..
وتاكد ان رايك يشرفني


تقبل تحياتي

تركي الديحاني

كم سرني رايك
ووربي انه يشرفني اكثر
ويفرحني ..


تقبل تحياتي

اخوي ناصر المجماج
صح بدنك نفداك
ولا عليك زود


والله لايهينك على الرد..


اخوك حزام المقارح

جراح العجمي

جعل ربي يسلمك
اخوي وصح بدنك
ولا عليك زود ولا اللي انت منهم
..


تقبل تحياتي والله لايهينك على المرور

السلام عليكم



الاخ الشاعر حزام بن ناصر




صح لسانك على ماسطرت فعلا جزل معنا وقيمه ومشاعر واحاسيس لاتود ان تفشي بها ؟؟




دمت بكل ماهو صافي




اخوك
ابوطارق

صالح ال شنيف
او ابو طارق

يامرحبا بك
بالعكس ودي افشي بها واقول شعري كله
لكن منتدى مثل النداوي لازم الواحد يختار له اروع القصائد
اللي تناسبه .. وهذا اللي ياخرني لانشر فيه قصائدي

تقبل تحياتي

ولاهنت على المرور

حزام

ياهلافيك على محلك ومحل الجميع


وهذي الساعه المباركه اللي نشوفك فيها بيننا


صح السانك ولاهنت

قصيده رائعه من شاعر اروع


لك تحياتي

الشاعر المبدع

حزام بن ناصر

صح السانك نص مميز وجزل من شاعر جزل ومميز


اقسم اني صرت احس بالارض قالت ليه قمتـي
كنها قامـت تقـول: الارض قلّـت فـي ادبهـا



الله الله تصوير من البعد الثالث


صح السانك مرة اخرى


تحياتي

حسن الوطري
المرحب يبقى الله
والشكل زايل طال عمرك


وصح بدنك..


ولاهنت على المرور تقبل تحياتي

جابر الحنزاب
يامرحبا ومسهلى

بعد الغيبه الطويله


لاهنت على المرور ..
صح بدنك


مره وعشر

تقبل تحياتي