قصيدة وصورة من تصميمي

[زايد القلادي]

خوي المطاليق

يامرحبا بالذيب كل ما اسمع صوتك اتذكر العود اللي قصد بذيب
لله در الذيب والعود عز الله سجل لة تاريخ أعظم بطولة ..
هلا وغلا بخوي المطاليق يالله تحية وش الساعة المباركة
طال عمرك يالغالي الصورة اللي تقول ما هي صورة احد معين
صورة عادية انا ابغى ابين ان موقع النداوي ممثل باعضائه
هم المكسب الاول لي
الله يديمك ياخوي المطاليق اخ نفتخر بة ونعتز بصداقتة
ولا على الباقين زود

[كحيلان]

انا اعتبرها كبوة حصان ويقوم
------وانت اعتبرها زي ماتعتبرها

بيض الله وجهك يالقلادي
عن كن بعض النشيد يبرد الكبد
مع كل مفرده تنضح المرجله
والمرجله حبل طويل وممدود
لارحم ابو حي يعرفك ولا يثمنك
قصيده فيها من الامثال مايميزها عن سواها
صح الله لسانك يالسنافي

اما من ناحية الصوره
جميله واسعد الله اني اسوي سواتك واملاء موقعي بهالحركات
في غيبتك
لك حشمه وتقدير
وش عاد لى جيت عاني
تحيه اخويه اصفا من زلال الماء في عين ضامي
اخوك
كحيلان

[زايد القلادي]

ارحب ياكحيلان

يامرحبا والله بكحيلان يالله تحية راعي الطيب والرجولة والله انك كل ذوق ولاعليك زود وانا ياكحيلان من الناس المتابعين لك ولفيض خاطرك الطيب واقسم بالله ان مكسبي بنداوي هو معرفتكم يالغالي
والله لايهينك وبمناسبة الصور انا كل الصور اللي اصممها ملك لك والموقعك واذا تبي اي صو انا تحت امرك
تدلل يابو صقر لاعدمتك
تقبل تحيات اخوك القلادي

<
قصيده ولوحه ومن مين
من القلادي .. ثلاثية الابعاد

القصيدة اختيار متذوق
واللوحه خيال مبدع .. يتجلى في المزج
المقصود والمتداخل صورا ً والمنفصل بالمعنى

بعدين ابوصي على تصميم سبشل لي يحمل نقشة
مصنع القلادي للشعارات الفنيه الاخويه

عساك سالم


اخوك ذهب

[زايد القلادي]

ارحب ياذهب

الله يسلمك ياذهب عز الله انك على اسمك ذهب بالمعنى والكلمة الطيبة الرقيقة واشكرك على الاطراء الطيب
وعلى فكرة ترى ما نحب التجارة لان التجارة
عندنا هي معرفت الرجال الطيبة اللي يشرف قبالهم وكلامهم
وترى الفن والشعر وجهان للعملة وحدة
وابشر باللي تطلب اذا تبي تبي صورة شبيشل
وانا شاكر كلمات الرقيقة التي تنم عن مدى شاعريتك
تحياتي
اخوك القلادي

اخوي القلادي ....

ماشاء الله عليكمهندس ذوق وبعد لا متناهي .....

فعلا مجموعة صور في صوره ..... بس لو تعلمنا اشلون تسوون هالحركات ...

وبالنسبه لمساعد الرشيدي .....

ان هذاالشاعر يعرف اين يضع كل حرف في قصيدته ...

ويعرف ايضا كيف يجبر الجميع على التصفيق لكل بيت يكتبه .....

............... ولا ننسى قصيدته المشهوره (( عذب السجايا ))


عذب السجايا وعوده باول الكنه
______________________ متى تزين السوالف واخذ علومه

واسامحه عن خطاة الجرح والونه
_____________________ واعاتبه لو يصد شوي والومه

اخوي الغالي القلادي

اختيار ذوق وتصميم صورة ذوق وكلك ذوق ومدري وش اقول

لكن الله يعطيك العافيه ولا يحرمنا منك ولا تبطي بالمشاركه مو بس ردود
نبي مواضيع لك
شد حيلك يالذيب

سلمت على الاختيار الحلووو والذوووووووق يا ذوق

[زايد القلادي]

الله يديمكم

النايفة السهلي
------------------
الله يسلمك ياشاعرتنا واختنا واشكرك على الاطراء
اللي ماهو غريب عليك
يطويلة العمر
تقبلي تحيات اخوك القلادي
البراق
------------
الله يحييك يالغالي والله انت يالبراق ذيب
الله لايخليني منك وبعدين ترى مواضيعي كثيرة
وانا عندي الردود اهم من المواضيع تدري لية
لان كل الاعضاء اخواني وربعي ويشرفني
ان اسجل اعجابي باللي يكتبونة
تقبل تحيات اخوك القلادي
والله لايحرمني منك