[poet font="Simplified Arabic,4,black,normal,normal" bkcolor="transparent" bkimage="backgrounds/11.gif" border="none,4,gray" type=2 line=200% align=center use=ex length=0 char="" num="0,black" filter=""]
تعال،عندي لك سواليف وهروج=في ضامري كنيتها لك من العام
بالقلب لك خزنة لها باب ودروج=فيها صكوك الحب والشوق وهيام
في وصط قصر(ن)فيه لك باب مهجوج=مايدخله غيرك ولو هو بالأحلام
وبين القصر والباب لك درب مسهوج=متروك لك وحدك ولاجته الأقدام
ولك ماردٍ بالقلب عذب(ن) وهدّّّوج=وكل العذارى عنه ضميا وصِّّيام
وحدايق فيها القميري مية زوج=ووسط الحدايق فيه دكات وخيام
وشوارعٍ حول القصر مابهن عوج=عليهن الحراس من ترك وأروام
وحراس قصر القلب ماهم من الفوج=ضباط عدتهم صواريخ وألغام
ياعين هاك اللي على خده دعوج=شيهانة ماناش كفه غدا حطام
له ماكر(ن)بأعلى الشواهيق وتروج=ماقرنست في وسط شبك به اسيام
زينك ماهو في رسمة الكحل والروج=الزين في مبسم ورمش به اسهام
تعال وأودع خاطري منك مبهوج=تعال نقرا صكوك حبك بالأنغام
ماهمني غيرك من البيض عمهوج=وغيرك فلا والله قعد عندي أوقام
سبحت في بحرك وغرقني الموج=وأنا ببحر الحب من قبل عوام
قبلك عسفت مهار(ن) تلاعب الهوج=واليوم راسي لين(ن)لك بلا لجام
تعال عندي لك سواليف وهروج=في ضامري كنيتها لك من العام
[/poet]
تعال،عندي لك سواليف وهروج=في ضامري كنيتها لك من العام
بالقلب لك خزنة لها باب ودروج=فيها صكوك الحب والشوق وهيام
في وصط قصر(ن)فيه لك باب مهجوج=مايدخله غيرك ولو هو بالأحلام
وبين القصر والباب لك درب مسهوج=متروك لك وحدك ولاجته الأقدام
ولك ماردٍ بالقلب عذب(ن) وهدّّّوج=وكل العذارى عنه ضميا وصِّّيام
وحدايق فيها القميري مية زوج=ووسط الحدايق فيه دكات وخيام
وشوارعٍ حول القصر مابهن عوج=عليهن الحراس من ترك وأروام
وحراس قصر القلب ماهم من الفوج=ضباط عدتهم صواريخ وألغام
ياعين هاك اللي على خده دعوج=شيهانة ماناش كفه غدا حطام
له ماكر(ن)بأعلى الشواهيق وتروج=ماقرنست في وسط شبك به اسيام
زينك ماهو في رسمة الكحل والروج=الزين في مبسم ورمش به اسهام
تعال وأودع خاطري منك مبهوج=تعال نقرا صكوك حبك بالأنغام
ماهمني غيرك من البيض عمهوج=وغيرك فلا والله قعد عندي أوقام
سبحت في بحرك وغرقني الموج=وأنا ببحر الحب من قبل عوام
قبلك عسفت مهار(ن) تلاعب الهوج=واليوم راسي لين(ن)لك بلا لجام
تعال عندي لك سواليف وهروج=في ضامري كنيتها لك من العام
[/poet]
تعليق