لحظة غضب يامعمر القذافي

[poet font="Simplified Arabic,4,blue,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
أبدعت يا معمر ولك دور معلوم=دور الغبي في مسرحية درامه

صحيح كاتبها كتب نص مرسوم=وعلى فم المدفع جعلك العلامه
[/poet]

[ALIGN=CENTER]تناقلت وسائل الإعلام قضية المؤامرة التي يقودها معمر القذافي والتي كان هدفها اغتيال
محبوب العرب الأمير عبدالله بن عبدالعزيز

ولكن فليخسأ ويخسأ معمر القذافي وهذه القصيدة تعبيراً عن الموقف[/ALIGN]

[poet font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
لحظة غضب فيها الغضب كنه أسهوم=وزاد الغضب بين الضلوع أزدحامه

وملزوم أعبر وأكتب الشعر ملزوم=شاعر ولي غيره وعزة كرامه

شاعر بحكام الوطن يفتخر دوم=وبموطنه حتى تقوم القيامه

جعلك يا بو متعب من الشر معصوم=واعز رب الكون راسك وأدامه

مهزوم من ينوي لك الشر مهزوم=البر خلفه والبحر من أمامه

أمر على أمرك يصرخ الشعب ويقوم=الشعب واحد وقفته والتحامه

أمر يا بو متعب تريّح ومخدوم=حب المنايا زاد فينا غرامه

فيك العزم ونزود من عزمك اعزوم=وصلابة الراي وشموخ الزعامه

وعلى النقا ساعة لقا القوم بالقوم=ما هيب وصمة عار ولا ملامه

الغدر والله وصمة العار واللوم=لا شاد له منزل ولا عز هامه

وراس الذي تحسب له الفرس والروم=محدن تجرا يا معمر وسامه

حنا الرجال اللي نسوم العدا سوم=ونطوي طوابير العدا طي خامه

والا انت لا معطي ولا نته بمحروم=واصل الهلامه طول عمره هلامه

جنون فكرك عاشت أوهام وحلوم=جبان في حلمه يحس ابقرامه

مبداك الارهاب وتطلعك مفهوم=مالك مدا كنك عروق الثمامه

تعيس عمرك من طفولتك لليوم=سبّب خلل شخصك وقو انفصامه

تعيس فيك العقل والحس معدوم=واكبر خلل شخصك تناقض كلامه

تبت يداك ومثل شرواك مخزوم=والعين ملطومه وفالخد شامه

وتوك صحيت وفقت من غفوة النوم=بعد هجير الشمس كف الغمامه

أبدعت يا معمر ولك دور معلوم=دور الغبي في مسرحية درامه

صحيح كاتبها كتب نص مرسوم=وعلى فم المدفع جعلك العلامه

في ليبيا تذبح لنا الحيل والكوم=ترسم لنا الضحكات والابتسامه

وغايتك معروفه وخنجرك مسموم=من حدها قله يا مصعب مرامه

والرجل فينا عن مقابلك محشوم=والله ما تسوا طلقةٍ من حزامه

هيا تهيا لك مصيرٍ ومحتوم=وجهك مثل ليلك شديدٍ ظلامه

خطاك ما يغفر وموقفك محسوم=مانت بكفو للحكم تقبض زمامه

حكمك نهاية عهد فاشل ومشئوم=حكمٍ بلا مبدأ ولا له دعامه

شعبك بحكمك منهك الروح مظلوم=يا ما عطيناك الفرص يالهلامه

نرفعك ثم اطيح ونجيك وتقوم =ومن وسط جرف اطيح لك في عدامه

شعبك سنينٍ يشكي الجوع محروم=وطال انهيار الاقتصاد وعدامه

محصور بر وجو ما تقدر اتحوم=حتى فزع لك من خسرت احترامه

سنين وانت بفزعة ايديه مدعوم=لكن لئيم وصغت معنى اللئامه

تنسج خطط بالحقد والراس منجوم=وتغط راسك مثل راس النعامه

يصعب عليك الفعل يا ماكر البوم=جنب طريق اللي صعيبٍ خصامه

هذاك عبدالله ذرا كل مضيوم=ابن الإمام اللي زهته الإمامه

وكل الشمال ابحب مولاي مغروم=وكل الحجاز ونجد واقصى تهامه

يحيا ولي العهد والراس مزموم=اللي وصل بالمجد ذروة سنامه

اللي بفعله تختلف روس وعلوم=وخشم عليه اعرام يفرك اعرامه

واليا انعمست وضقت والبال مهموم=ذكرك يابو متعبً يبعد هيامه

واحس بالي لا كتب فيك ملهوم=وشعري ما زادك قدر ولا شهامه

حتى ولو صغته امنظم ومحكوم=انت الذي يا مير ترفع مقامه

ومهما يفيّض خافقي كل مكتوم=يعجز قصيدي فيك ياصل ختامه

وراس الذي تحسب له الفرس والروم=محدن تجرا يا معمر وسامه
[/poet]


[ALIGN=CENTER] شعر الملازم
ثواب بن زيد بن نجا الحارثي
لواء الملك عبدالعزيز
Thawab1398@hotmail.com[/ALIGN]

ثواب

صح السانك ولاهنت


قصيده رائعه من مشاعر صادقه

والله يحفظ ابو متعب

لك تحياتي

صح لسانك ياشاعر الحرس الوطني مستقبلا


بدع لايجيده كل شاعر وشعور لايستغرب من مثلك...


صح لسانك وتقبل تحياتي

الاخ /سعود الدهيمي الموقر

شكرا على ردك الجميل واطرائك المشرف ارجو ارسال جوالك عبر الأميل

وتقبل تحياتي

الاخ/حسن الوطري المحترم

شكرا على ردك الجميل واتمنى ان يكون التواصل بيننا دائما وان يتجدد موعد

الامسيه التي الغيت قبل حين فالاحساء بسبب بعض الظروف*******

وتقبل تحياتتتتتتتتتتتتتتتتتتتتتتي

ابو زيد ....صح لسانك...ولاهنت ..(( تقبل خالص التقدير والاحترام))

الشاعر ثواب الحارثي

صح الله السانك وبيض الله وجهك


واتمنى ان تبقى على هذا المستوى او المضي قدماً


وفقك الله لما يحبه ويرضاه




اخوك فالله{سهيرالليل}

تسلم تسلم

تسلم على هالمشاعر






وصح والله لسانك




والله يخلي لنا حكامنا




تقبل إعجابي ومتابعتي



ناصر المجماج

الأخ /حمد المداد تحيه طيبه

صح بدنك وشكككككككككرا على تواصلك

وتقبل تحياتي‘‘‘‘‘‘‘‘‘‘‘‘‘‘‘‘‘‘

الاخ حسين الحارثي تحيه طيبه

انا فخور بتواصلك الدائم ومشاعرك واتمنى لقائك

تقبل تحياتي

اخي الغالي والشاعر الرائع




ثواب الحارثي وشاعر الاحداث



الف صح لسااااااانك يالمبدع




لله درك ياشيخ لله درك








قصيده رااااائعه من الفها الى يائها










تقبل ودي وتقديري واعتمد متابعتي وسجل اعجابي

الاخ /ناصر المجماج (راعي الاثله) المحترم

وسلم راسك ايضا وصح بدنك وشككككككككككرا

[ALIGN=CENTER]..


الشاعر ثواب الحارثي


صح لسانك ولاهنت


ابدعت ابدعت

صح لسانك مره ثانيه

وتمنياتي لك بالتوفيق



تحياتي[/ALIGN]

ثواب

صح السانك ولاهنت


قصيده رائعه من مشاعر صادقه

والله يحفظ ابو متعب

لك تحياتي

[ALIGN=CENTER][/ALIGN]