[poet font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
كنت احسب الانسان له اي قيمه=من قبل اعرف العمر نازل ورحال
اثر ابن ادم كل شي يضيمه=يموت ماحقق طموحه والامال
لو هو رجل فعلا وعنده عزيمه=تصفق به الايام من جال في جال
العمر يفنى والليالي مقيمه=والفرق واضح بين رجلي وخيال
هذا بعض ماشفت والله ظليمه=مصير عقال تحت رأي جهال
حتى البيوت الشامخات القديمه=من عقب اهلها صارت اشباح واطلال
ما كن قد جتها رجال عظيمه=وللضيف فيها كان ممسى ومقيال
افضى الزمان اللي ربوا في نعيمه=وراحوا وهم فخر لمقبلة الاجيال
ويامؤمنين اهل القلوب الرحيمه=اقضوا على المنكر بزينات الاعمال
الكل مسلم فيه ذمه وشيمه=مايستمع في كل شامات وعذال
قد قالو ان الرجل توأم لزيمه=يقلده في معظم اشكال الافعال
والعلم بحر والمعاني يتيمه=والشعر تاريخ العرب كتب وامثال
ومن لا عرف(يارا)تجاهل(حليمه)=ومن لاحتسب ماواجه حروب وقتال
ومن لاتكرم للوجيه الكريمه=ماخذ من أهل الطيب لو ربع مثقال
ومن حكم بالعدل لو في بهيمه=ماطاب له في شامخ المجد منزال
ومن لافهم درس الرجال الفهيمه=أقول ماهو ياهل العرف رجال
ومن لا كسب له بالمراجل غنيمه=لاهو بلا عاقد ولاهوب حلال
اقول خبل بي يفرط بريمه=يضحك الي سمع تاريخ الابطال
بفرح اليا قد عند غيره وليمه=يبخل على ضيفه بفرده وفنجال
من شاف شكله قال هذا صتيمه=شخصيه بالثوب والبشت وعقال
[/poet]
كنت احسب الانسان له اي قيمه=من قبل اعرف العمر نازل ورحال
اثر ابن ادم كل شي يضيمه=يموت ماحقق طموحه والامال
لو هو رجل فعلا وعنده عزيمه=تصفق به الايام من جال في جال
العمر يفنى والليالي مقيمه=والفرق واضح بين رجلي وخيال
هذا بعض ماشفت والله ظليمه=مصير عقال تحت رأي جهال
حتى البيوت الشامخات القديمه=من عقب اهلها صارت اشباح واطلال
ما كن قد جتها رجال عظيمه=وللضيف فيها كان ممسى ومقيال
افضى الزمان اللي ربوا في نعيمه=وراحوا وهم فخر لمقبلة الاجيال
ويامؤمنين اهل القلوب الرحيمه=اقضوا على المنكر بزينات الاعمال
الكل مسلم فيه ذمه وشيمه=مايستمع في كل شامات وعذال
قد قالو ان الرجل توأم لزيمه=يقلده في معظم اشكال الافعال
والعلم بحر والمعاني يتيمه=والشعر تاريخ العرب كتب وامثال
ومن لا عرف(يارا)تجاهل(حليمه)=ومن لاحتسب ماواجه حروب وقتال
ومن لاتكرم للوجيه الكريمه=ماخذ من أهل الطيب لو ربع مثقال
ومن حكم بالعدل لو في بهيمه=ماطاب له في شامخ المجد منزال
ومن لافهم درس الرجال الفهيمه=أقول ماهو ياهل العرف رجال
ومن لا كسب له بالمراجل غنيمه=لاهو بلا عاقد ولاهوب حلال
اقول خبل بي يفرط بريمه=يضحك الي سمع تاريخ الابطال
بفرح اليا قد عند غيره وليمه=يبخل على ضيفه بفرده وفنجال
من شاف شكله قال هذا صتيمه=شخصيه بالثوب والبشت وعقال
[/poet]
تعليق