[poet font="Simplified Arabic,4,indigo,normal,normal" bkcolor="white" bkimage="" border="inset,5,purple" type=0 line=200% align=center use=ex length=0 char="" num="0,black" filter=""]
لج صدري مثل لج حيام في جـرد الصحـاري = هايمـه تبغـى ورود المـاء وحدتهـا الذيابـه
يوم راعيها تلاهى في قنـص فـرخ الحبـاري = وكل ذيب ٍ كالـخ ٍ فـي وجـه حيرانـه بنابـه
دكت البيدا هجيج ٍ من طـرد سحـم الضـواري = وتو عين ام الحوار الذيـب بانيابـه عثـى بـه
العجاج ان طاح فوق القاع لو يخفـي الاثـاري = ما يغطي حنـة الفاطـر ولـو يسفـي ترابـه
حن قلبي حنة الفاطـر مـع تالـي العصـاري = والظلام اقبل كما المختال يسحـب فـي ثيابـه
يستر الـذود المجنـدل فـوق قاحلـة البـراري = والحوار اللي ترومـه فاطـره ممسـي ٍ نهابـه
ووجد عيني وجد راعي الذود مع ضوح السفاري = شايـف ٍ خيـرة مغاتيـره تناهشهـا كـلابـه
من زمـان ٍ حدنـي مابيـن بيـاع ٍ وشـاري = الله يقلع بايع ٍ حظـي ويقلـع مـن شـرى بـه
والله اني في طريقـي مـا تخيـرت المسـاري = كون وآنا خابر ٍ ان سهيل يرشد من سـرى بـه
وداري اني من رجال ٍ مـا يهابـون الغـداري = قوم شلف .. وقوم حلف ٍ ما يضام اللي وفى بـه
لابة ٍ مـن رامهـا بالشـر تسقيـه العـزاري = لو يهاب الموت منها .. هي تمـوت ولا تهابـه
قوم في يوم الـدرك ياتيـك جاهلهـا انتحـاري = كنه زابن وجه موته .. يطلبـه ياتـي طلابـه
وكان ثار العـج حيـا الله عجاجـك يالـذواري = دام من عقبه يطيح الديـم مـن كـف السحابـه
ويرتوي من طايح الوسمي دبش ربعي وجـاري = والسلم تروى عروقه لين يخضـر فـي شعابـه
جعل يفدى الغيم عمـري كانها جـت باختيـاري = لو جفن عيني سبايب هبتـك طـاح القـذى بـه
وفـدوة الغيمه وماطـرها وربـع ٍ فـي ديـاري = حظي اللي فـل مـن ظلـم التجنـي والحرابـه
ما هقيت ان الزمـان يحدنـي بـأول نهـاري = حـدة اللي بـايع ٍ عمـره وهـو بـأول شبـابه
كل مـا قفيـت مـن همـي لقيتـه بانتظـاري = في المراح وفي المقيل وفي الشعاب وفي الهضابه
وأنـت ياللي تبتسـم لا شفتنـي واطـي بنـاري = ابتسـم لان الجمـر ما يحرق الا مـن وطـى به
لو همومـك مثـل همي كـان قدرت اصطباري = ولو تمـوت بك الهقاوي ما يموت اللي الرجـا به
لو يصـك البـاب دونـي والله ان الـدار داري = كل شبـر ٍ خابـره فيهـا وداري ويـن بابـه
البلا يا مغلـق البيبـان لا مـن صـرت داري = انك غالي وان مثلك لا حشى ما ارخص جنابـه
وسلامتكم ......... سالم بن جلعان
[/poet]
لج صدري مثل لج حيام في جـرد الصحـاري = هايمـه تبغـى ورود المـاء وحدتهـا الذيابـه
يوم راعيها تلاهى في قنـص فـرخ الحبـاري = وكل ذيب ٍ كالـخ ٍ فـي وجـه حيرانـه بنابـه
دكت البيدا هجيج ٍ من طـرد سحـم الضـواري = وتو عين ام الحوار الذيـب بانيابـه عثـى بـه
العجاج ان طاح فوق القاع لو يخفـي الاثـاري = ما يغطي حنـة الفاطـر ولـو يسفـي ترابـه
حن قلبي حنة الفاطـر مـع تالـي العصـاري = والظلام اقبل كما المختال يسحـب فـي ثيابـه
يستر الـذود المجنـدل فـوق قاحلـة البـراري = والحوار اللي ترومـه فاطـره ممسـي ٍ نهابـه
ووجد عيني وجد راعي الذود مع ضوح السفاري = شايـف ٍ خيـرة مغاتيـره تناهشهـا كـلابـه
من زمـان ٍ حدنـي مابيـن بيـاع ٍ وشـاري = الله يقلع بايع ٍ حظـي ويقلـع مـن شـرى بـه
والله اني في طريقـي مـا تخيـرت المسـاري = كون وآنا خابر ٍ ان سهيل يرشد من سـرى بـه
وداري اني من رجال ٍ مـا يهابـون الغـداري = قوم شلف .. وقوم حلف ٍ ما يضام اللي وفى بـه
لابة ٍ مـن رامهـا بالشـر تسقيـه العـزاري = لو يهاب الموت منها .. هي تمـوت ولا تهابـه
قوم في يوم الـدرك ياتيـك جاهلهـا انتحـاري = كنه زابن وجه موته .. يطلبـه ياتـي طلابـه
وكان ثار العـج حيـا الله عجاجـك يالـذواري = دام من عقبه يطيح الديـم مـن كـف السحابـه
ويرتوي من طايح الوسمي دبش ربعي وجـاري = والسلم تروى عروقه لين يخضـر فـي شعابـه
جعل يفدى الغيم عمـري كانها جـت باختيـاري = لو جفن عيني سبايب هبتـك طـاح القـذى بـه
وفـدوة الغيمه وماطـرها وربـع ٍ فـي ديـاري = حظي اللي فـل مـن ظلـم التجنـي والحرابـه
ما هقيت ان الزمـان يحدنـي بـأول نهـاري = حـدة اللي بـايع ٍ عمـره وهـو بـأول شبـابه
كل مـا قفيـت مـن همـي لقيتـه بانتظـاري = في المراح وفي المقيل وفي الشعاب وفي الهضابه
وأنـت ياللي تبتسـم لا شفتنـي واطـي بنـاري = ابتسـم لان الجمـر ما يحرق الا مـن وطـى به
لو همومـك مثـل همي كـان قدرت اصطباري = ولو تمـوت بك الهقاوي ما يموت اللي الرجـا به
لو يصـك البـاب دونـي والله ان الـدار داري = كل شبـر ٍ خابـره فيهـا وداري ويـن بابـه
البلا يا مغلـق البيبـان لا مـن صـرت داري = انك غالي وان مثلك لا حشى ما ارخص جنابـه
وسلامتكم ......... سالم بن جلعان
[/poet]
تعليق