اعلم ترى الجيران اخوان واعوان

[poet font="Arial,4,white,bold,normal" bkcolor="transparent" bkimage="backgrounds/22.gif" border="none,4,gray" type=2 line=200% align=center use=ex length=0 char="" num="0,black" filter=""]
السلام عليكم ورحمة الله وبركاته

صباح الخير

قصيدة شاركت فيها بالجنادريه عن الجار

اتمنى ان تكون بالمستوى المطلوب

ـــــــــ

قال الذي معتاد في رسم الاشـعـار=ويعد من زين المعاني ويختار


مثايلٍ مثل الذهب والزمرد=للي يعرفون المعاني والافكار


بحاول اشرح ما رأيت ابحياتي=في ذا الزمان اللي به العقل يحتار


يا حـيف زين اسلومنا وين راحــت=ويـن العلوم اللي لها تلفت انظار !


راحت ولا يطري لها اليوم طاري=الله يستر من صـواديف الاقدار


أثّر علينا الغرب في كل الاعراف=وفيهم نفاخر والتفاخر بهم ضار


من اول الجيره لها صـيت عالي=واليوم حـتى الجار ما يعرف الجار


ويا سامعٍ للقيل افهم جوابي=وخذ الذي ينفعك في سـر وجهار


واعلم ترى الجيران اخوان واعوان=ولهم معزّه مَعْ حشـيمه ومقدار


أحدٍ عـلى جاره كما الغيث هـتّــان=كريـمْ.. مايحـتاج في الطـيـب بيـطـار


وأحد على جاره مثل لآهب الـنـار=لا يعرف الجـيره ولا الناس الاخيار


وأحدٍ على جاره كماالشهد صافي=يفدى بعمره يوم حزّات الاخطار


وأحدٍ على جاره يحب الكلافه=ماكر كذوبٍ في المواجـيب غدّار


وأحدٍ على جاره يحب الجـمـايـل=متقاسـمين الجـود وافيين الاشـبار


وقد قال قبلي من يصوغ المثايل= (احــدٍ على جـاره بختري ونوّار)


اصبر على جارك ولو كان قاسي=وادمـح لـه الزلـه ولو صـار مـا صــار


وحافظ على سمعته عـند الرجالي=واحـرص علـى عـرضـه ولو كان بــوّار


ولا تصدّق فيه قـيلٍ وقالي=خـلك عـلــى جـور الاذى دوم صـبّــار


اوصى الرسـول وقال في عزة الـجار=وفيمـا ذكـر فـي الكتـب مـن زيـن الاخـيـار


الجار له حقٍّ كبيرٍ وواجـب=وصـلـه وتقـيـره ولــو تبـعـد الـــدار


قلته وأنا اللي عارف الحق ومصـيـب=وعـسـى كـلامـي يصـبـح الـيــوم تـذكــار


هذا وصـلى الله على خـير هـادي=محـمـد المبـعـوث هـــو سـيــد الابـــرار

وسلامتكم
[/poet]

راشد القناص

صدقت يالسنافي

وصح اللسانك قصيده رائعه

والجار مثل ماقلت له حق


تحياتي

راشد القناص

يا سلام

الله الله على النصيحه الجميله والوافيه


عز الله صدقت ونصحت ووفيت وكفيت


والله يعينا على توفية حقوق الجار


ولا يهينك وفي انتظار جديدك فديتك

للاستفاده

الغالـــــــــي



راشد القناص



صح لسانك على القصيدة الجزلة




ولاهنت





اخوك




علي بن عجب المــــــــــري

ياهلا ياراشد


شاعر مبدع وحكيم


سجل اعجابي

وتقبل تحياتي

عزالله قصيده وافيه ومن وافي



وفي محلهاااا




والجار يستحق ويستحق ويستحق الكثيررر





صح السانك ياراشد





ولاهنت على هالقصيده اللي لهاا طراااه






تقبل خاالص تحياتي

راشد القناص

صدقت يالسنافي

وصح اللسانك قصيده رائعه

والجار مثل ماقلت له حق


تحياتي

السلام عليكم


الاخ راشد


صح لسانك ياغالي



ولاهنت


اتذوق كل كتاباتك واستمتع بقراءتها اكثر من مره



دمت بكل الود



اخوك
ابوطارق

الشاعر راشد القناص


نص في منتهى الروعة والجمال


صح لسانك


ولك تحياتي

اخي راشد القناص



صح الله لسااانك



كلام سليم من شاعر جزل ومبدع وشاعر لقصيده نبض وطابع خاااص




لاهنت يالغالي وصدقت والله



لك تحياتي

حمد بن دريب


لا هنت على المرور


واشكرك على التشجيع

ولا تحرمنا التواصل


لا عدمناك

حسن الهاجري

بيض الله وجهك

على المتابعه والتشجيع


والاهتمام بمااكتب

الله لا يحرمني من طيبة قلبك

علي العجب

لا هنت على المرور


واشكرك على التشجيع

ولا تحرمنا التواصل


لا عدمناك

مستور المالكي

يا هلا اخي الطيب

ولا هنت على المتابعه

ولا تحرمنا تواجدك