مساجلة

[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
هذه الفصيدة قالها الشاعر/مرير الحبيل (نجد)

أبا اتعدا واسير للقحاطيني=مسيار وإلاّ ترى ماليبهم حاجه
ولالي لزومٍ ورب البيت مغنيني=إلا النشامى ربيع القلب وعلاجه
والقى حديثٍ عن الدنيا يسليني=واحب شوفة صديقٍ يضحك حجاجه
وادلّه النفس قبل الموت يأتيني=وإلاّ حياة الفتى ماهيب ولاّجه
ولابد من ساعةٍ تطفى بها العيني=وراع العمل في نهار الحشر يحتاجه

رديت عليه آقول

مرير غنّى وانا ابغي من يلاحيني=محتاج للي يشيل الصوت محتاجه
يامرحباً بك عدد نبت البساتيني=ياجارنا اللي قدم رجله لنا ساجه
سير وصوت وقمنا لـه ملبيني=كما يلبون حول البيت حجاجه
يامرير رفقتـك تشرى بالملاييني=رفقة شرف ما بها لفه وعوراجه
ولاهيب رفقة خفيفين الموازيني=اللي يبرمج لها خمسة عشر ماجه
وقصرتـك قصرة مفرج للمهاديني=اللي يسولف بها مع كل هرّاجه
وفكري بالاشعار في مدح المد يحيني=ينقاد قود الرشاء اللي فوق دراجه
لولا انك قلت اختصر ماكان يكفيني=إلا مائة بيت صيد الفكر وأنتاجه
وصلوا على اللي يعرفون المصليني=مسراه في ليلة الأسراء ومعراجه
[/poet]

الأول

الاخ / خالد ذعار

تحيه طيبه
صح لسانك ولسان اللي قالوها

وفيت ولاهفيت وما قصرت


تحياتي

صح السانك والسان مرير



تحياتي لك

ابو نواف


صح لسانك ملاييييييين


وافي وتسد اللزوم في ذي وغيرها وبيض الله وجهك


تقبل تحياتي

ارررررررررررررررحب ياخالد


يامرحبا من طبخة القهوه لسنام القعود


بك وبمرير


وصح الله لسانك ولسانه





عزالله شعار جزلين بمعنى الكلمه



وابياتكم


ابيات عز وعلوم رجال



الله لايهينكم









ودعتكم الله

شكر

الشكر كل الشكر لكل من:
عبد الله الجزلاني
سعد السبيعي
سعد مرزوق الصواغ
مضواح بن شتوي
سالم العرجاني

على مرورهم وإبداء رائهم تقبلوا تحياتي