ألفية الوطري

الـــــــــــــــــرد

يسعد مساك ياحسن
صح لسانك على هذة الابيات الاكثر من رائعة






مع خالص تحياتي






فـيــــــــــصـــل الــــــــــهـاجــــري

هلا وغلا في سعود المحجان

صح ابدنك


وماعليك زود

ووجهك ابيض

اشكرك على التواصل

لك تحياتي

السلام عليكم

الجزل/ حسن الوطري

مرحبااااااا مليون فيه وفي الالفيه


صح السانك ولاهنت يابو عبد الله


قصيده وافيه من شاعر وااافي


تقبل تحياتي

اخوك خالد بن سكران

السلام عليكم

استاذي حسن الوطري



صح لسانك ملايين ياجزل


ولاهنت ياغالي


دمت بكل الود


اخوك
ابوطارق

الالف / اببدي باسم من خالق الناس الخالق المعبود محصي للاجنـاس

اليا ذكرتـه ينخـزي كـل خنـاس هوربنـا المعبـود والـي البريـه

البا / بسوق القاف واطوعه طـوع من شان لاهذت معانيـه مسمـوع

بسباب غروٍ لاعني بالهـوى لـوع من سبته زاورت حـوض المنيـه

التـا / تغيـر مـن بقيتـه وقـفـا حلـمٍ بدالـي بالمشـارف وهـفـا

اصفق علـى فرقـاه كـفٍ بكفـا والصبـر عقبـه مـا بقالـه بقيـه

الثا / ثلاث اسنين ما شفـت خلـي الصاحب اللي بالهوى صافي لـي

عليـه عينـي كـل ليلـه تهـلـي هل المطـر مـن مزنـةٍ عقربيـه

الجيم/ جاوبت الصدى بعد مـاراح اللي بقالي منه ذكرى مع اجـراح

الناس تحسبنـي بعـد ذاك مرتـاح وانا جروحي وسط جوفـي خفيـه

الحا / حداني عن هوى البال حادي البعد واقرابـه وهـرج الاعـادي

من يـوم قفوبـه وخـل البـلادي راحت حياتي عقـب فقـده شقيـه

الخا / خليلـي ويـن ابلقـا مثيلـه عنق المهاة اللـي تقـود الجميلـه

مالي عقـب فرقـاه حيـلٍ وحيلـه الله يرجع مـا مضـا اليـوم ليـه

الد / دواي من الثمـان المراهيـف لا حاسدٍ شايف ولا صاحبٍ شيـف

ساعة زمن لـو كلفتنـي تكاليـف ارتـاح فيهـا والليـالـي مـديـه

الذ / ذبحني لارحـم حـي جـده وحسن كثيـر الوجـد بيـح بسـده

دايـم ودمعـه سايـلٍ فـوق خـده ما غير امر البيت صبـح وعشيـه

الر / رهنت الروح لجلـه رهينـه كله لجـل عنقـه وخـده وعينـه

ما شفت انـا والله بشكلـه وزينـه في وسـط عينـي مالقينـا حليـه

الز/ زرعت الود والـورد والكـاد يوم الليالي بيننـا افـراح واعيـاد

لا عاد يوم مفارق التـرف لا عـاد قفا ولا خـلا مـن الصبـر شيـه

السين / سل الحال ماحـدٍ درابـي اللي زها جسمـه جديـد الثيابـي

ابو جديـلٍ مثـل ريـش الغرابـي من فوق ردفه طيتـن فـوق طيـه

الشين / شمس الحب من راح غابت والروح من فرقاه بالشـوق ذابـت

والنفس من دنيـا المحبيـن تابـت مالي بغيره لو يجـي لـي هديـه

الصاد / صبري لا زهمتـه تلاشـا من واهجٍ مثل البحـر يـوم جاشـا

ماهو بضعف بموقفـي لا وحاشـا مير الضروف اقسا عليـه وعليّـه

الضا / ضميت ولا ارتويته محبـه الا الأمانـي والمقـاديـر سـبـه

غصنٍ يصافقه الهـوى فـي مهبـه كنه بحامي الشمس لـو هـو بفيـه


الطـا / طلبـت الله عـلام ماكـان الواحد المعبود هو عالـي الشـان

الزود من مدات جوده والاحسـان طوق النجاه عـن الشقـا والاذيـه


الظا / ظلمنـي ظالمـي وافتديتـه لو يطلب الروح العزيـزه عطيتـه

والله ليبطـي غالـيٍ مـا نسيـتـه لو ان حرجي كبر هضبـة طميـه

العين / عديت الطويله مـن اجلـه والروح من كثر التفاكيـر وجلـه

صحيح تمضي ايام الافراح عجلـه ولاني بأنا اول من يفـارق خويـه

الغين / غرتنـا الامانـي وغريـت واقفت تسابق للهبايب وانـا اقفيـت

وانكفت من عقب المغازي ورديـت لا كاسـبٍ هـذي ولا جـات ذيـه

الفا / فطمت النفس عن حب غيـره وانا مصيري مـا يوافـق مصيـره

لكنهـا كتبـت وفالامـر خـيـره امرٍ مقدر ويـش انـا فـي يديـه

القاف / قل للي يبـي الربـح قلـه لايتبـع الا واحـدٍ مخلـص لــه

طرد المقفـي فـوق همـه مذلـه ان جيت له محروم وان رحت كيه

الكاف / كلن لـه طمـوحٍ ورغبـه واللي رغبته صار بالوقت حربـه

يالله تفـرج كـل هــمٍ وكـربـه ياوالـي القـدره عليـك الشكـيـه

اللام / لمت الوقت والوقت غـدار من يوم قفا وابتعد ظبـي الاقفـار

واللي بقا منه معي اليـوم تذكـار طعنة قفا من رمـش عيـنٍ جريـه


الميم / مدري وين يرميبـي الفـال يالله تبدل حالي اليـوم فـي حـال

صبرت في رجواه والصبر بي طال وين الصبر ويـن العـزوم القويـه

النون / نامت عين من كان سالـي اللي من الهوجاس والهـم خالـي

وانـا عيونـي ساهـره عزتالـي بيـن الفـراق وجـرت السامريـه

الها / هواي اقفا وانا معـه قفيـت ايامنا ما جـت علـى مـا تمنيـت

ياليتنـي قبـل المفـارق ترويـت يـوم الليالـي بينـنـا بالسـويـه

الواو / وين ادله واسلي ضميـري صبري نفد والدمع محرق نظيـري

واللي ابيه اليوم من حـظ غيـري وينـي ووينـك ياالحيـاة الهنـيـه

اليا / ياليت اللي مضالـي يعـودي قـدام لا بيـح بكـل الـسـدودي

اللي بها يفـرح عـدو وحسـودي اهل القفا واهـل العلـوم الرديـه

تمت حروف الابجدي فـي عددهـا احصيتها من هيض فكـرٍ رصدهـا

تعبير عن جـور الليالـي ونكدهـا نـورٍ تـلالا بليـلـةٍ خرمسـيـه

وختامهـا لعـل تلـقـا صـداهـا يطرب لها الفاهم ليـا مـن قراهـا

يا خـذ حسانيـه ويدمـح خطاهـا رجـلٍ يميـز بيـن هـذي وذيـه

اخوي الغالي ابو عبدالله

صح الله لسانك و علا شانك

قصيدة رائعه و بحق من شاعر نطرب و لا زلنا لحروفه العطره

لاخلا و لا عدم

اخوك ابو فهد

هلا وغلا في مناور العجوني


صح ابدنك

وماعليك زود


شهاده اعتزبها بها


اشكرك على التواصل

لك تحياتي

حسن الوطري
أبدعت بيض الله وجهك والله لايهينك
حضور طيب وقصيدة جزل

هلا وغلا في سعد الصواغ

صح ابدنك

وماعليك زود


واشكرك على التواصل

لك تحياتي

الاخ الشاعر حسن الوطري
صح لسانك وسلمت يمناك
لاهنت
تقبل اجمل تحياتي

يا سلام علييك يا حسن


الفيه جميله يا حسن


صح الله السانك


ولا هنت


تقبل تحياتتي وتقديري

هلا وغلا في اخوي جراح


صح ابدنك


وماعليك زود


واشكرك على التواصل


اعجابك وصل


لك تحياتي

هلا وغلا في ابو متعب


ماعليك زود

واشكرك على التواصل

لك تحياتي

الله الله لله درك يا المبدع

والله يفتح عليك دووووووووووم

قصيدة امتعتنا بها

صح لسانك ملايين

الشاعر الكبير حسن الوطري
لانستغرب الابداع على المبدعين
فأنت من اوائل شعراء التألق والتمكن
صح لسانك ولاهنت
اخوك سعود العبدلي

هلا وغلا في مساعد البيان


صح ابدنك


وماعليك زود

واشكرك على التواصل


لك تحياتي