Tweet
[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
اليكم هاتين القصيدتين الاولي للشاعر محمد ابو سنون العتيبي والثانيه لي جاريته بها
البارحه ليلي مدري كيف مضيته=مما بقلبي قزا والعين مقزيها
ذكرتني طاري البرقع وراعيته=وأنا أتجافا عن الذكرى وراعيها
اللي على متنها الاشقرمحويته=ظافٍ على الصدر والارداف كاسيها
ما قصته قصة البوج لتواليته=ولا قالت لسايق السوبر يوديها
ولاخوعت وسط سوق والع ليته=ولا حل في جلسة السهرات طاريها
ولا تابعوا غيبة وال الامر عن بيته=وإن غاب ماأحد يهوجس خاطره فيها
ولاسجلوا بأسمها الجوال شاريته=ولاكلمت بالجهاز الا دوانيها
ولا جاء ورع جارهم يبكي مبكيته=ولا أحد نقل كلمة عنها منابيها
وجدي عليها وجود اللي غدا بيته=في ليلة سيلها ضاق به واديها
البيت وعاله اللي به وراعيته=ونياقه اللي غوالي شال تاليها
نجا براسه والله يعلم بتاليته=وأتلا حلاله رحول قيدها فيها
تحن تبغى ولايفها وقاذيته=وليا أرزمت هلت عيونه عباريها
أقرب قريب اللحوم اللي مواليته= كلن تعذر من الوقعه وراعيها
أجحد وحالي عنود الريم باريته= بري المكاين لليحان تبريها
عنها أحتداني وهي ما هي بباغيته=الله من قضبة يدينه ينجيها
أجحد وحالي يا أبو محسن مقضيته= أمشي عليها دبوب وميت فيها
قلبي عليها كن الخنجر مهذيته=الياشفت بالشرشف الاحمر تمدريها
لولا هل العدل والمعروف حاميته=جريت عتيبه من أقصى نجد غازيها
لين آخذ اللي برى حالي وسابيته=لو يكثر الذبح بأولها وتاليها
أبتصبر وحالي طي طاويته=وبتناساولا قلبي بناسيها
الشاعر محمد ابو سنون العتيبي
وهذي مجاراتي له
البارحه قبل يسري الليل سريته=بأفكاري اللي تسابق مع طواريها
وأسباب ما هاضني موضوعٍ أوحيته=مثايلٍ تعجب العارف معانيها
وأعجبني القاف والمعنى وجاريته=بوصل بها قمة الحكمة وأحييها
من شاعرٍ مشقيٍ الدنيا ومشقيته= جرب قساوة مرارتها وحاليها
يعالج أوضاع وقتٍ لو تحاليته= فيه الدعاوي ملقيتةٍعلابيها
يا صاحب العرف ليت العلم خفيته=وخليت مشعاب بقعاء عند واليها
الناس تدري وتعرف شيءٍأطريته=لكنها ما تحايد عن مساعيها
أطيبهم اللي يقول الصدق عديته=ينطق لسانه ونفسه ما يجازيها
وبعض العرب لو على المعروف حديته=كنك تحده على نارٍ يصاليها
وليا أستحاء منك يضحك كل ما أوصيته=يجاملك والحقيقه ما يدانيها
يا كثر ما أشوف وأسمع مير ما أبديته=تركيبة المجتمع عوجٍ مراكيها
ناسٍ تسابق على المظهر وهاويته=تبيع بيض الضماير عند شاريها
والطيب للي كنوز المال مطغيته=تلقى الخرافيش توميله بأيديها
يمدح لو إن النشاما ما تجي بيته=ويشكر لو إن اللوازم ما يقضيها
ولو تنشد اللي يحبه ليش حبيته=قال الشهامه على وجهه مواريها
ولو تنشده وش فعلك قال ما جيته=يجيب الاعذار دونه ما يخليها
ولو تنتقد موقفه قال أستفزيته=الناس لو يجتهد ما هو بمرضيها
يا صاحب العرف قولك ما تناسيته=لكن هذي حقايق وأنت توحيها
حنا بدنياُخطاها لو تحاشيته=يجيك حيث إنها بأتلى لياليها
أخبر بها الهادي محمد بتثبيته=صلاة ربي على الهادي نصليها
يقول تال الزمن تكثر تشاتيته=فيه الحساني تغطيها مساويها
وهذا هو الموعد اللي قال لاقيته=والخافي أعظم عسى ربي يكافيها
دنياُتقافت وباقي شيءٍما أحصيته=مثل العلاقه تقطع من عراويها
غثراب خبراُجهام الذود واطيته=لو تقهر الذود ما يسقيك صافيها
يشرب على غثوها الغافل ومرضيته=لو قلت فيها البلاء يقول ما فيها
مرتاح للطربه العمياء ومعميته=ومن المصايب معه ناسٍٍ يقديها
يرقص على دقة المطرب وتصويته=يكرب آذانه مع النغمه ويرخيها
وإن شاف فلمٍ مترجم ما نحر بيته=لو حاجته في يده يمكن يخليها
وقسمٍ من الناس أسال الله تثبيته=صاحي لكن القلوب الشك ماليها
لو تنشده حرص قال إنك تقصيته=والياتعقد أموره يتهمك فيها
وأسباب شك القلوب اللي مخفيته=كثر أنتشار الحسد من بين أهاليها
يا صاحب العرف وقتك فيه تشويته=وباقي وباقي كفا الله شر باقيها
حتى البهايم خمال الناس قاذيته=ضيق عليها المعيشه في مفاليها
ما شفت حتى المطر لوك تراهيته=ما تنبت الارض شحت في مراعيها
والخاتمه أنتهى غزوٍ تمنيته=لكن خل الركايب عند راعيها
[/poet]
الشاعر راشد بن حنيف المسحمي
اليكم هاتين القصيدتين الاولي للشاعر محمد ابو سنون العتيبي والثانيه لي جاريته بها
البارحه ليلي مدري كيف مضيته=مما بقلبي قزا والعين مقزيها
ذكرتني طاري البرقع وراعيته=وأنا أتجافا عن الذكرى وراعيها
اللي على متنها الاشقرمحويته=ظافٍ على الصدر والارداف كاسيها
ما قصته قصة البوج لتواليته=ولا قالت لسايق السوبر يوديها
ولاخوعت وسط سوق والع ليته=ولا حل في جلسة السهرات طاريها
ولا تابعوا غيبة وال الامر عن بيته=وإن غاب ماأحد يهوجس خاطره فيها
ولاسجلوا بأسمها الجوال شاريته=ولاكلمت بالجهاز الا دوانيها
ولا جاء ورع جارهم يبكي مبكيته=ولا أحد نقل كلمة عنها منابيها
وجدي عليها وجود اللي غدا بيته=في ليلة سيلها ضاق به واديها
البيت وعاله اللي به وراعيته=ونياقه اللي غوالي شال تاليها
نجا براسه والله يعلم بتاليته=وأتلا حلاله رحول قيدها فيها
تحن تبغى ولايفها وقاذيته=وليا أرزمت هلت عيونه عباريها
أقرب قريب اللحوم اللي مواليته= كلن تعذر من الوقعه وراعيها
أجحد وحالي عنود الريم باريته= بري المكاين لليحان تبريها
عنها أحتداني وهي ما هي بباغيته=الله من قضبة يدينه ينجيها
أجحد وحالي يا أبو محسن مقضيته= أمشي عليها دبوب وميت فيها
قلبي عليها كن الخنجر مهذيته=الياشفت بالشرشف الاحمر تمدريها
لولا هل العدل والمعروف حاميته=جريت عتيبه من أقصى نجد غازيها
لين آخذ اللي برى حالي وسابيته=لو يكثر الذبح بأولها وتاليها
أبتصبر وحالي طي طاويته=وبتناساولا قلبي بناسيها
الشاعر محمد ابو سنون العتيبي
وهذي مجاراتي له
البارحه قبل يسري الليل سريته=بأفكاري اللي تسابق مع طواريها
وأسباب ما هاضني موضوعٍ أوحيته=مثايلٍ تعجب العارف معانيها
وأعجبني القاف والمعنى وجاريته=بوصل بها قمة الحكمة وأحييها
من شاعرٍ مشقيٍ الدنيا ومشقيته= جرب قساوة مرارتها وحاليها
يعالج أوضاع وقتٍ لو تحاليته= فيه الدعاوي ملقيتةٍعلابيها
يا صاحب العرف ليت العلم خفيته=وخليت مشعاب بقعاء عند واليها
الناس تدري وتعرف شيءٍأطريته=لكنها ما تحايد عن مساعيها
أطيبهم اللي يقول الصدق عديته=ينطق لسانه ونفسه ما يجازيها
وبعض العرب لو على المعروف حديته=كنك تحده على نارٍ يصاليها
وليا أستحاء منك يضحك كل ما أوصيته=يجاملك والحقيقه ما يدانيها
يا كثر ما أشوف وأسمع مير ما أبديته=تركيبة المجتمع عوجٍ مراكيها
ناسٍ تسابق على المظهر وهاويته=تبيع بيض الضماير عند شاريها
والطيب للي كنوز المال مطغيته=تلقى الخرافيش توميله بأيديها
يمدح لو إن النشاما ما تجي بيته=ويشكر لو إن اللوازم ما يقضيها
ولو تنشد اللي يحبه ليش حبيته=قال الشهامه على وجهه مواريها
ولو تنشده وش فعلك قال ما جيته=يجيب الاعذار دونه ما يخليها
ولو تنتقد موقفه قال أستفزيته=الناس لو يجتهد ما هو بمرضيها
يا صاحب العرف قولك ما تناسيته=لكن هذي حقايق وأنت توحيها
حنا بدنياُخطاها لو تحاشيته=يجيك حيث إنها بأتلى لياليها
أخبر بها الهادي محمد بتثبيته=صلاة ربي على الهادي نصليها
يقول تال الزمن تكثر تشاتيته=فيه الحساني تغطيها مساويها
وهذا هو الموعد اللي قال لاقيته=والخافي أعظم عسى ربي يكافيها
دنياُتقافت وباقي شيءٍما أحصيته=مثل العلاقه تقطع من عراويها
غثراب خبراُجهام الذود واطيته=لو تقهر الذود ما يسقيك صافيها
يشرب على غثوها الغافل ومرضيته=لو قلت فيها البلاء يقول ما فيها
مرتاح للطربه العمياء ومعميته=ومن المصايب معه ناسٍٍ يقديها
يرقص على دقة المطرب وتصويته=يكرب آذانه مع النغمه ويرخيها
وإن شاف فلمٍ مترجم ما نحر بيته=لو حاجته في يده يمكن يخليها
وقسمٍ من الناس أسال الله تثبيته=صاحي لكن القلوب الشك ماليها
لو تنشده حرص قال إنك تقصيته=والياتعقد أموره يتهمك فيها
وأسباب شك القلوب اللي مخفيته=كثر أنتشار الحسد من بين أهاليها
يا صاحب العرف وقتك فيه تشويته=وباقي وباقي كفا الله شر باقيها
حتى البهايم خمال الناس قاذيته=ضيق عليها المعيشه في مفاليها
ما شفت حتى المطر لوك تراهيته=ما تنبت الارض شحت في مراعيها
والخاتمه أنتهى غزوٍ تمنيته=لكن خل الركايب عند راعيها
[/poet]
الشاعر راشد بن حنيف المسحمي
[/align]
تعليق