[poet font="Simplified Arabic,5,red,bold,normal" bkcolor="transparent" bkimage="backgrounds/21.gif" border="none,4,gray" type=2 line=200% align=center use=ex length=0 char="" num="0,black" filter=" dropshadow(color=black,offx=2,offy=2) glow(color=silver,strength=7)"]
العاطفة لاخالطة سكر نبات الشعر .. جات = حزّة ثمولي .. وابتدا ليل الخيال السرمدي
*
*
الدلو في جمّ القريحة .. والحبال مروبعات = والفكر درهم .. والخيال العنجهي قام يحدي
*
*
اجذب من اعماقي واهوبل .. والقوافي هات هات = والنزف . ياقوت . وذهب . والماس . والحرف ابجدي
*
*
للشعر موعد .. يفتح ابواب القلوب المغلقات = ويرقابها متن السما .. على البساط الاحمدي
*
*
ياخذني البوح لمواقع ماعليها كائنات = بين المجرة والنجوم اسبح .. وانا في مقعدي
*
*
يا كرنفال الشعر .. مدري مهرجان المفردات = الليل زغرد للنجوم .. وقال قومي زغردي
*
*
عزفت قيثار العواطف .. والنجوم المرقبات = لاغازل سهيل الثريا .. ذاب للجوزا الجدي
*
*
شاعر،، واعزف انغام حزني والمشاعر مرهفات = والجرح جرحي .. والوتر في آلتي ..واليد يدي
*
*
عاشق واروم العشق ودروبه ،، بدون مقدمات = جوع الحنان .. لسكّة العشاق حاديني حدي
*
*
والبارحة .. قام الخيال يدور بين اربع جهات = الحب .. واحلام الطفولة .. وانت .. والحظ الردي
*
*
والليل .. يفتح نافذة على سجل الذكريات = كنّه يقول : اختر معي من وين ودك نبتدي؟
*
*
وانا لو اني ماضميت الوصل .. ياسكر نبات = ما درهمت ذلول فكري .. للزمان الجرهدي
*
*
اهديت رجلي .. للضما .. والقيض .. وسنين الشتات = في صفصف ٍ .. لون الحياة يبين فيها ويغدي
*
*
والهم عاصف .. والظلوع اعجاز نخل ٍ خاويات = وعروقي كبدي ناشفة ..والجرح في قلبي ندي
*
*
طال البطا ياسلسبيلي .. والسنابل يابسات = والوقت يطوي مكرة الايام والعمر يعدي
*
*
متى ؟ تجي شمس ٍ تبشر بالصباح الأمنيات = وافتح شبابيكي لنورك .. وآخذ انفاس سعدي
*
*
متى تجي واعزف لك انغام التراحيب وتبات = في عين ٍ اسهرها الوله .. واقول قري وارقدي
*
*
متى ؟ متى ؟ وابطيت واقف .. والدقايق واقفات = والليل حالك في عيوني .. والسهر حبله مدي
*
*
تعال .. اخذني من غرابيل السنين الباقيات = تعال حل حرام حزني .. واذبح همومي هدي
*
*
وان مابغيت .. اقل حاجة لد يمّي بالتفات = والله يبيحك عقبها ويحللك .. يالاجودي
* * * *
[/poet]
العاطفة لاخالطة سكر نبات الشعر .. جات = حزّة ثمولي .. وابتدا ليل الخيال السرمدي
*
*
الدلو في جمّ القريحة .. والحبال مروبعات = والفكر درهم .. والخيال العنجهي قام يحدي
*
*
اجذب من اعماقي واهوبل .. والقوافي هات هات = والنزف . ياقوت . وذهب . والماس . والحرف ابجدي
*
*
للشعر موعد .. يفتح ابواب القلوب المغلقات = ويرقابها متن السما .. على البساط الاحمدي
*
*
ياخذني البوح لمواقع ماعليها كائنات = بين المجرة والنجوم اسبح .. وانا في مقعدي
*
*
يا كرنفال الشعر .. مدري مهرجان المفردات = الليل زغرد للنجوم .. وقال قومي زغردي
*
*
عزفت قيثار العواطف .. والنجوم المرقبات = لاغازل سهيل الثريا .. ذاب للجوزا الجدي
*
*
شاعر،، واعزف انغام حزني والمشاعر مرهفات = والجرح جرحي .. والوتر في آلتي ..واليد يدي
*
*
عاشق واروم العشق ودروبه ،، بدون مقدمات = جوع الحنان .. لسكّة العشاق حاديني حدي
*
*
والبارحة .. قام الخيال يدور بين اربع جهات = الحب .. واحلام الطفولة .. وانت .. والحظ الردي
*
*
والليل .. يفتح نافذة على سجل الذكريات = كنّه يقول : اختر معي من وين ودك نبتدي؟
*
*
وانا لو اني ماضميت الوصل .. ياسكر نبات = ما درهمت ذلول فكري .. للزمان الجرهدي
*
*
اهديت رجلي .. للضما .. والقيض .. وسنين الشتات = في صفصف ٍ .. لون الحياة يبين فيها ويغدي
*
*
والهم عاصف .. والظلوع اعجاز نخل ٍ خاويات = وعروقي كبدي ناشفة ..والجرح في قلبي ندي
*
*
طال البطا ياسلسبيلي .. والسنابل يابسات = والوقت يطوي مكرة الايام والعمر يعدي
*
*
متى ؟ تجي شمس ٍ تبشر بالصباح الأمنيات = وافتح شبابيكي لنورك .. وآخذ انفاس سعدي
*
*
متى تجي واعزف لك انغام التراحيب وتبات = في عين ٍ اسهرها الوله .. واقول قري وارقدي
*
*
متى ؟ متى ؟ وابطيت واقف .. والدقايق واقفات = والليل حالك في عيوني .. والسهر حبله مدي
*
*
تعال .. اخذني من غرابيل السنين الباقيات = تعال حل حرام حزني .. واذبح همومي هدي
*
*
وان مابغيت .. اقل حاجة لد يمّي بالتفات = والله يبيحك عقبها ويحللك .. يالاجودي
* * * *
[/poet]
تعليق